Morgunblaðið - 16.06.2007, Blaðsíða 8
8 LAUGARDAGUR 16. JÚNÍ 2007 MORGUNBLAÐIÐ
FRÉTTIR
HEYSKAPUR hófst í Grænahrauni
í Nesjum á miðvikudag og er það
um hálfum mánuði fyrr en venja er.
Spretta er góð þrátt fyrir að lítið
hafi verið um vætu.
Morgunblaðið/Jim Smart
Slegið í Nesjum
NÍU umsækjendur eru um embætti
sóknarprests í Tjarnaprestakalli í
Kjalarnesprófastsdæmi sem aug-
lýst var laust til umsóknar nýlega.
Umsækjendur eru: Cand. theol.
Aðalsteinn Þorvaldsson, séra Bára
Friðriksdóttir, cand. theol. Brynja
Vigdís Þorsteinsdóttir, séra Carlos
A. Ferrer, séra Elínborg Gísladótt-
ir, séra Hans Markús Hafsteinsson,
séra Sigfús Baldvin Ingvason, séra
Skírnir Garðarsson, og séra Þór-
hildur Ólafs.
Embættið veitist frá 1. septem-
ber 2007. Dóms- og kirkjumála-
ráðherra skipar í embættið til fimm
ára að fenginni niðurstöðu val-
nefndar. Valnefnd skipa níu
fulltrúar úr prestakallinu, auk pró-
fasts Kjalarnesprófastsdæmis og
vígslubiskups Skálholtsbiskups-
dæmis.
Níu umsækj-
endur um
Tjarnaprestakall
VINSTRI græn í Kópavogi fagna
„þeim sinnaskiptum meirihlutans í
bæjarstjórn sem fram kemur í til-
lögu þeirra um gjaldfrjálsan
strætó.“ Bent er á VG hafi í vetur
flutt tillögu um gjaldfrjálsan
strætó, en meirihlutinn fellt hana.
Enn þann 12. júní hafi málefni
strætó verið til umræðu í bæjar-
stjórn og meirihlutinn enn lýst sig
andvígan gjaldfrjálsum strætó.
Sinnaskipti
KARL Sigur-
björnsson, bisk-
up Íslands, byrj-
aði vikulanga
vísitasíu í Rang-
árvallaprófasts-
dæmi í gær.
Hann sækir heim
Oddaprestakall,
Breiðabólsstað-
arprestakall og
Fellsmúla-
prestakall. Vísitasíu í Holts-
prestakall var frestað vegna veik-
inda sóknarprests.
Í för með biskupi eru Kristín
Guðjónsdóttir biskupsfrú og pró-
fastur Rangárvallaprófastsdæmis,
séra Halldóra Þorvarðardóttir.
Frekari upplýsingar um dagskrá
má finna á www.kirkjan.is.
Vísiterar
Rangárvelli
Karl
Sigurbjörnsson
Eftir Gunnhildi Finnsdóttur
gunnhildur@mbl.is
MANNLÍF á Dalvík líður fyrir
skort á göngustígum og grænum
svæðum samkvæmt nýrri rannsókn
á umhverfisskipulagi. Lilja Filipp-
usdóttir fékk á dögunum verðlaun
frá Félagi íslenskra landslags-
arkitekta fyrir besta árangur á um-
hverfisskipulagsbraut Landbún-
aðarháskóla Íslands á Hvanneyri.
Lilja sótti íbúaþing á Dalvík í lok
október og komst að því að Dalvík-
ingar eru lítið á ferli í bænum nema
inni í bílum sínum. „Forsenda þess
að bæir virki sem slíkir er að fólk
komist í nálægð við annað fólk. Ein-
faldasta aðferðin til að skapa þær
aðstæður er að bæjarbúar geti
ferðast fótgangandi og hjólandi á
milli staða,“ segir Lilja.
Erfitt að labba í roki og drullu
„Dalvíkingar nota bíla mjög mikið
innanbæjar, sem mér fannst skrýtið
í þessu litla þéttbýli,“ segir Lilja, en
á Dalvík eru mest um þrír kílómetr-
ar bæjarenda á milli og lítið um hóla
og hæðir. Lilja segir það lykilatriði
að bæta aðstöðu gangandi vegfar-
enda og hjólreiðafólks. „Það tæki
flesta Dalvíkinga aðeins fimm eða
tíu mínútur að ganga í vinnuna en
vandamálið snýst um aðgengi, fólk
fer ekkert að klöngrast út í móa.“
Þar við bætist að á Dalvík er oft mik-
ill vindur utan af hafinu og því mik-
ilvægt að það sé hugsað fyrir því að
skýla fólki fyrir honum. „Á útivist-
arsvæðum eins og í skógarreitnum
og meðfram ströndinni þarf
malbikaða stíga til að allir hafi þar
aðgang, líka til dæmis fólk í hjóla-
stólum.“ Sumstaðar í bænum hefur
verið komið upp aðstöðu fyrir fót-
gangandi, en af lítilli fyrirhyggju að
sögn Lilju. „Sumstaðar enda gang-
stéttar og stígar allt í einu og maður
veit ekki hvort maður á að snúa við
eða vaða út í drulluna.“
Mikil náttúra og fjölbreytt
Með bættu aðgengi býður Dalvík
upp á marga kosti fyrir útivistarfólk.
„Dalvík á sér langa og merkilega
sögu og þarna er fjölbreytt náttúra,“
segir Lilja og bætir við að þegar sé
ýmislegt gert til að kynna gestum
bæinn. „Það hafa verið sett upp
skilti með sagnfræðilegum upplýs-
ingum og það er greinilegt að fólk
nýtir sér þau,“ segir Lilja og segir
þörf á að koma meira af upplýs-
ingum á framfæri á þennan hátt.
Hjólreiðar og gönguferðir á græn-
um svæðum hafa augljóslega góð
áhrif á líkamlega heilsu fólks. En
Lilja segir að gróður sé ekki síður
mikilvægur fyrir sálræna heilsu.
„Það hafa verið gerðar rannsóknir
erlendis sem sýna það að grænt um-
hverfi lífgar upp á andann. Flestir
vildu frekar hafa útsýni úr skrifstof-
unni yfir fallegan garð en glugga
sem snýr út á bílastæði.“
Bæjaryfirvöld á Dalvík hafa enn
ekki sýnt hugmyndum Lilju mikinn
áhuga, en hún ætlar að kynna þær
betur á næstu dögum. „Það kostar
náttúrlega sitt að leggja gangstéttar
og byggja upp græn svæði en það
borgar sig að gera þetta almenni-
lega. Bærinn yrði notalegri og
mannlífið fjölbreyttara.“
Göngu- og hjólreiðastígar nauðsynlegir mannlífinu
„Fólk fer ekkert að
klöngrast út í móa“
Dalvíkingar keyra
mikið innanbæjar
þó að leiðirnar séu
ekki langar
Græn svæði Lilja Filippusdóttir segir vanta meiri gróður og göngustíga á
Dalvík. Hún var að ljúka námi í umhverfisskipulagi á Hvanneyri.
Í HNOTSKURN
»Nám í umhverfisskipulagií Landbúnaðarháskóla Ís-
lands tekur þrjú ár og lýkur
með BS-gráðu.
»Eftir útskrift fara margir ímastersnám, t.d. í lands-
lagsarkitektúr eða borgar-
skipulagi, til að öðlast starfs-
réttindi.
»Á hverju hausti hefja 15-20manns nám í umhverfis-
skipulagi og komast færri að
en vilja.
ALLS munu 1056 kandídatar taka
við skírteinum sínum úr hendi
Kristínar Ingólfsdóttur rektors við
brautskráningu úr Háskóla Ís-
lands, sem fram fer í dag, laug-
ardaginn 16. júní. 395 útskrifast
með meistaragráðu eða úr diplóm-
anámi á meistarastigi, og 695 með
BS- eða BA-gráðu. Níu kandídatar
útskrifast með fleiri en eina próf-
gráðu.
Nú í fyrsta sinn verða braut-
skráðir 35 kandídatar úr meistara-
námi í verkefnisstjórnun, „Master
of project management“, við verk-
fræðideild. Þá útskrifar lagadeild
nú í fyrsta skipti meistaranema
með sérstakar áherslur í sínu námi
en á síðasta ári tók lagadeild upp
það nýmæli að nemendur geta val-
ið eitt af 10 áherslusviðum í meist-
aranámi eða útskrifast með al-
mennt meistarapróf í lögum.
Nú útskrifast einnig fyrstu nem-
endurnir með MS-próf í lyfjafræði
og fyrstu nemendurnir með BS-
próf í lyfjafræði. Er hér um að
ræða breytingu á formi en ekki
innihaldi. Lyfjafræðideild hefur
undanfarin tuttugu ár útskrifað
lyfjafræðinga með cand.pharm.-
gráðu og þar áður þurftu lyfja-
fræðingar að ljúka embættisprófi
erlendis.
Mörg lokaverkefni grunn- og
meistaranema eru unnin í nánu
samstarfi við fyrirtæki og stofn-
anir eða varpa nýju ljósi á ýmis
málefni sem eru efst á baugi í
þjóðfélaginu. Má þar nefna að um-
fjöllun um málefni fólks af erlendu
bergi brotins sem búsett er hér-
lendis er að finna í verkefnum
kandídata frá félagsvísindadeild,
raunvísindadeild og viðskipta- og
hagfræðideild.
Morgunblaðið/Ómar
Níu með
fleiri en
eina gráðu
FLUGSTÖÐ Leifs Eiríkssonar hf.
hefur undirritað samning við Hita-
veitu Suðurnesja hf. um kaup á raf-
orku og heitu vatni. Við sama til-
efni var undirritaður þjónustu- og
samstarfssamningur á milli fyrir-
tækjanna. Með samningunum hefur
FLE tryggt sér heitt vatn til upphit-
unar bygginga sinna á Keflavíkur-
flugvelli sem og raforku fyrir alla
sína starfsemi. Þjónustu- og sam-
starfssamningur við HS tryggir
aukið afhendingaröryggi raforku
til FLE.
Orkusamningur