Morgunblaðið - 08.08.2007, Blaðsíða 27

góða stað þar sem þú ert staddur er
eflaust einhver sem kann að meta
þýsku speedmetalsveitina Helloween,
Eriku Eleniak og lélegar Kung-Fú
myndir. Texti af Helloween-lagi lýsir
vel hvernig mér líður á þessari ein-
kennilegu kveðjustund. Hann hefst á
eftirfarandi línum: „Here I stand all
alone, has my mind turned to stone,/
has my heart filled up with ice to avo-
id its breaking twice“.
Takk fyrir allt, gamli góði vinur. Ég
sendi Ástu, Bjössa og strákunum
mínar dýpstu samúðarkveðjur.
Þinn sálufélagi
Helgi Valur.
Elsku Gulli.
Ég trúi ekki enn að þú sért farinn
frá okkur, minningarnar um samstarf
og vináttu frá því ég kynntist þér
fyrst í nóvember 2002 hafa hellst yfir
mig síðan ég fékk símtalið og mér var
tilkynnt að þú hefðir látist.
Þær minningar sem standa upp úr
eru t.d. hvað þú hálföfundaðist út í
hvað ég heiti alþjóðlegu nafni og hlóg-
um við oft að ýmsum útfærslum á
nafninu þínu. Kudli var það sem við
hlógum mest að. Þegar ég eignaðist
svo barn í september 2004 varstu
fyrstur af vinnufélögunum til að
mæta í heimsókn og skoða strákinn
og ræddum við í tengslum við með-
gönguna og fæðinguna að þú myndir
velja alþjóðlegt nafn á börnin þín svo
þau yrðu ekki í sömu vandræðum og
þú.
Þú ákvaðst að hætta að vinna og
fara í skóla haustið 2005 en eftir nokk-
urra mánaða fjarveru byrjaðir þú þó
aftur hjá okkur og gerðum við grín að
því að þú hefðir orðið að byrja aftur til
að klára sykurbirgðirnar sem höfðu
safnast upp frá því þú hættir því við
héldum áfram að panta sama magn og
áður. Þó svo að þú hafir svo minnkað
sykurnotkunina spáðum við sam-
starfsfélagarnir oft í það hvort þú
fengir þér sykur með kaffi eða sykur
útí kaffið.
Þú varst „einn“ af stelpunum. Á
meðan aðrir karlmenn fyrirtækisins
hrökkluðust út úr kaffistofunni þegar
ýmis kvennatengd málefni voru rædd
sast þú sem fastast hjá okkur og sagð-
ir þitt álit ef svo bar undir. Þú hrædd-
ist okkur ekki og hafðir sterkar skoð-
anir á mörgu.
Eftir að hafa hætt við að fara til
Krítar bæði sumarið 2005 og aftur
2006 fórstu loksins núna í júní, þegar
ég hitti þig síðast varstu einmitt að
fara í þá ferð og var tilhlökkunin mik-
il. Ég gladdist mikið yfir að þú værir
loksins farinn að lifa lífinu aftur og
hugsa um sjálfan þig.
Ég á eftir að sakna samverustunda
okkar, sérstaklega hádegisverðanna
á Indókína en þar hittumst við reglu-
lega eftir að ég hætti hjá IOD.
Ég votta foreldrum þínum, bræðr-
um og öðrum ástvinum mína dýpstu
samúð. Kveðja,
María Hlín Steingrímsdóttir.
Í dag, miðvikudaginn 8. ágúst,
kveðjum við hann Gulla. Það er eig-
inlega ekki skiljanlegt að við sam-
starfsmenn hans undanfarin ár skul-
um vera að kveðja Gulla núna. Gulli
lést í mótorhjólaslysi á laugardaginn
28. júlí og ég fékk fréttirnar á sunnu-
dagsmorgninum. Það tók svolítinn
tíma að átta sig á því hvað hafði gerst
og svo var verkefnið að hringja í sam-
starfsmenn hans og bera þeim þessar
sorgarfréttir. Ég trúi þér ekki, þú
segir ekki satt, voru viðbrögðin hjá
öllum, enda vorum við ekki tilbúinn til
að samþykkja það bara svona að Gulli
væri dáinn, dáinn og farinn fyrir fullt
og allt.
Gulli vann hjá Tölvulistanum / IOD
síðastliðin 7 ár þar sem hann var í dag
einn af lykilmönnum fyrirtækisins.
Hann var duglegur stjórnandi, ráða-
góður, þolinmóður og samviskusam-
ur. Hann var, þrátt fyrir að vera
stjórnandi, einn af fólkinu á gólfinu og
tók þátt í öllum verkefnum, hver svo
sem þau voru.
Það er með miklum söknuði sem
við kveðjum Gulla í dag og biðjum
Guð að vera með honum á himninum.
Við biðjum líka fyrir foreldrum hans
og bræðrum, biðjum Guð að vera með
þeim á þessum erfiðu tímum.
Fyrir hönd starfsmanna
Tölvulistans og IOD.
Ásgeir G. Bjarnason.
Kæri Gulli, fréttin um slysið og frá-
fall þitt kom eins og þruma úr heið-
skýru lofti. Ég var að koma heim úr
brúðkaupsferðinni minni og við töluð-
um saman í símann á fimmtudaginn
þar sem við ræddum um fríið og
hversu gott lífið væri. Hvað við ætl-
uðum að gera í næstu viku og næstu
viku og næstu viku. En þetta var í síð-
asta skipti sem ég heyrði í þér, heyrði
rödd þína hinum megin við skilrúmið.
Gulli þú varst einstakur maður,
góður vinur og frábær starfsfélagi.
Mér finnst ég vera svo eigingjarn
þegar ég hugsa til þess hvernig á að
fylla skarð þitt en svona líður mér,
það er ekki mögulegt að fylla það
skarð sem þú skilur eftir í lífi mínu,
því það er ekki annar Gulli. Þú sem
varst alltaf svo jákvæður og bóngóður
og ég verð að segja það núna ef ég
sagði það aldrei við þig að ég hefði lík-
lega ekki komist í gegnum síðastliðið
ár án þinnar hjálpar, takk fyrir það.
Þú varst byrjaður í skólanum til að
klára háskólaprófið þitt í viðskipta-
fræði en lést þig ekki muna um að
taka að þér krefjandi stjórnunarstöðu
á sama tíma. Hvernig getur eitthvað
eins og þetta gerst, hver er tilgang-
urinn með lífinu þegar sumir eru kall-
aðir til guðs svona ungir og með svona
mikla framtíð.
Elsku Gulli, ég mun sakna þín og
geyma þig í hjarta mínum, það voru
forréttindi að fá að kynnast þér, að fá
að eiga þig fyrir vin og fá að vinna
með þér. Ég votta mömmu þinni og
pabba og bræðrum þínum mína
dýpstu samúð á þessum erfiðu tímum.
Kveðja,
Ásgeir í Tölvulistanum.
Á þessari stundu er okkur efst í
huga þakklæti fyrir að fá að þekkja
jafn góðan mann og hann Gulla okkar.
Betri vinar er ekki hægt að óska sér.
Skarðið sem hefur nú verið höggvið í
vinahópinn er stórt, sársaukafullt og
með öllu ófyllanlegt.
Besti vinur okkar var tekinn frá án
nokkurs fyrirvara, langt fyrir aldur
fram. Framtíðin sem brosti við hon-
um er skyndilega horfin, allt sem við
vorum búin að ákveða að gera í sam-
einingu er orðið að engu.
Nýlega hafði hann Gulli fundið ást-
ina aftur eftir langan tíma og við finn-
um vissa huggun í því að vita að hann
hafði fundið hana með svona góðri
konu sem hafði gefið honum ham-
ingju og bjartsýni þetta síðasta sum-
ar.
Minningarnar streyma fram, ferða-
lög sem við fórum í saman til Spánar
og nú síðast í júní til Krítar eru orðin
ennþá verðmætari en við hefðum
nokkurn tímann getað ímyndað okk-
ur. Ófáar voru líka sykursætar kaffi-
húsaferðir, fjölmennar grillveislur og
ógleymanlegar sumarbústaðaferðir.
Alltaf var gott að sækja hann Gulla
heim og ófá voru góðu kvöldin þegar
hann leit inn í kaffi til okkar hjónanna.
Það er erfitt að eignast gamla vini,
en það er miklu erfiðara kveðja þá.
Hvíl í friði, elsku Gulli.
Guðmundur og Inga.
Það var erfiður sunnudagur er mér
bárust fréttir af því að þú hefðir fallið
frá, Gulli minn. Það má eiginlega
segja að við hefðum kynnst þrisvar
sinnum. Fyrst þegar við bjuggum
báðir í Hveragerði, þú varst þá ný-
kominn með bílpróf og alltaf á rúnt-
inum á fína bílnum þínum. Þó við ætt-
um ekki mikil samskipti á þeim tíma
þá varð þér og systur minni vel til
vina. Við kynntumst svo aftur þegar
þú fórst að vinna hjá Tölvulistanum í
innkaupum og ég hjá Tölvudreifingu
og við keyptum hvor af öðrum.
Í þriðja skiptið kynntumst við svo
enn betur þegar við byrjuðum í há-
skólanámi á sama tíma. Við vorum
fjórir úr tölvugeiranum í sömu fögum
og héldum alltaf hópinn. Fólki fannst
það afar skrítinn vinskapur þar sem
við vorum allir í samkeppni hver við
annan á daginn en síðan þéttur hópur
í skólanum á kvöldin. Það voru ófáir
klukkutímarnir og andvökunæturnar
sem fóru í verkefnavinnu í skólanum
og margt misviturlegt sem okkur datt
í hug en alltaf gaman. Við deildum
líka sömu áhugamálum og oft fór mik-
ill tími í ýmsar umræður tengdar
mótorhjólum og breytingar á þeim.
Nú ekur þú frjáls.
Það er skarð í hópnum sem ekki
verður fyllt. Þín verður sárt saknað
en minningin lifir.
Fjölskyldu þinni og vinum votta ég
mína dýpstu samúð.
Þinn vinur
Guðmundur Zebitz.
Elsku Gulli minn.
Nú er þín síðasta fjallganga að baki
og það er erfitt að hugsa til þess að ég
sjái þig aldrei framar og fá ekki oftar
sms frá þér þar sem þú býður sjálfum
þér í kaffi til mín.
Alla tíð vissum við hvort af öðru en
við kynntumst fyrst af alvöru vorið
1993. Við vorum nokkur saman í hóp
og algjörlega óaðskiljanleg.
Á meðan skólafélagar okkar fóru á
útihátíðir um verslunarmannahelgar
fórum við í skrúðgarðinn með teppi
og heitt kakó, lágum í brekkunni og
horfðum á stjörnurnar.
Þegar ég flutti til Reykjavíkur og
eignaðist börn voru samskiptin ekki
mikil en tengslin milli okkar voru þó
alltaf til staðar. Vinskapinn endurnýj-
uðum við svo fyrir þó nokkrum árum
síðan.
Þú varst bíó- og kaffihúsafélagi
minn og sá eini sem kíktir í kaffi heim
til mín. Sá eini sem notaðir sykurkar-
ið. Ég meira að segja fékk þig með
mér og sonum mínum í tjaldútilegu á
Akureyri 2005 og við skemmtum okk-
ur rosalega vel.
Við heyrðumst síðast fyrir nokkr-
um dögum síðan og þú sagðir mér frá
henni Valdísi sem þú hafðir nýverið
kynnst og þú varst svo spenntur og
ánægður með lífið og ég líka fyrir þína
hönd.
Einhverra hluta vegna hefur guð
þurft á þér að halda og þó sársaukinn
sé nístandi, get ég yljað mér við þær
fjölmörgu minningar sem ég á um
þig.
Ég veit að þú vakir yfir okkur því
oft heyri ég þig hlæja með mér þegar
ég rifja upp stundirnar okkar saman.
Elsku Ásta, Björn, Guðjón, Hafþór
og Valdís, guð blessi ykkur og gefi
ykkur styrk í sorginni.
Elsku vinur minn, ég mun ætíð
sakna þín sárt, hvíldu í friði.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
(Bubbi)
Þín vinkona
Hjördís Berglind Zebitz.
MORGUNBLAÐIÐ MIÐVIKUDAGUR 8. ÁGÚST 2007 27
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson
LEGSTEINAR
Steinsmiðjan MOSAIK
Hamarshöfða 4 • 110 Reykjavík
sími 587 1960 • www.mosaik.is
✝
Elskuleg eiginkona mín, móðir, tengdamóðir, amma
og langamma,
HALLDÓRA EINARSDÓTTIR
hússtjórnarkennari,
áður til heimilis á Ægisíðu 48,
Reykjavík,
lést á hjúkrunarheimilinu Eir, miðvikudaginn
1. ágúst.
Útförin fer fram frá Neskirkju, föstudaginn 10. ágúst kl. 13:00.
Þeim sem vilja minnast hennar er bent á Barnaspítalasjóð Hringsins,
sími 543 3724.
Haraldur Ásgeirsson,
Elísabet Haraldsdóttir, Gunnar Örn Guðmundsson,
Ragnheiður Haraldsdóttir, Hallgrímur Guðjónsson,
Ásgeir Haraldsson, Hildigunnur Gunnarsdóttir,
Einar Kristján Haraldsson, Helga G. Hallgrímsdóttir,
barnabörn og barnabarnabörn.
✝
Ástkær eiginmaður, faðir, tengdafaðir, afi og
langafi,
INGÓLFUR RÖGNVALDSSON
eirsmíðameistari,
Kambsvegi 16,
Reykjavík,
sem lést fimmtudaginn 26. júlí, verður jarðsunginn
frá Fossvogskirkju fimmtudaginn 9. ágúst kl. 13.00.
Blóm og kransar afþakkaðir en þeim sem vilja minnast hans er bent á
Barnaspítalasjóð Hringsins, sími 543 3724.
Hólmfríður Jónasdóttir,
Anna Ingólfsdóttir, Jörgen Sigurjónsson,
Þorbjörg Ingólfsdóttir, Hilmar Bergsteinsson,
Guðbjörg Ingólfsdóttir, Bragi Finnbogason,
Rögnvaldur Ingólfsson, Kristjana Emilía Kristjánsdóttir,
Gísli Jónas Ingólfsson, Lucrecia Dugay,
barnabörn og barnabarnabörn.
✝
Elskulegur eiginmaður minn, faðir okkar, tengda-
faðir, afi og langafi,
ÁRMANN GUÐMUNDSSON,
verður jarðsunginn frá Egilsstaðakirkju föstudaginn
10. ágúst kl. 14.00.
Guðfinna Sigurbjörnsdóttir,
Guðmundur Ármannsson, Kristín Ólafsdóttir,
Magnús Ármannsson, Valgerður Erlingsdóttir,
Guttormur Ármannsson, Mariatta Kojo,
Gunnar Ármannsson, Guðrún Halldórsdóttir,
Védís Ármannsdóttir, Örnólfur Oddsson,
Jóna S. Ármannsdóttir, Magnús Snædal,
Hera Ármannsdóttir, Jón Grétar Traustason,
barnabörn og barnabarnabörn.
✝
Hjartkær móðir okkar, tengdamóðir og amma,
MARGOT GAMM,
Borgum,
Hornafirði,
sem lést á Landspítalanum þriðjudaginn 31. júlí,
verður jarðsungin frá Hafnarkirkju, Hornafirði,
fimmtudaginn 9. ágúst kl. 14:00.
Jarðsett verður í heimagrafreit að Borgum í Nesjum.
Ingiríður Skírnisdóttir, Krister Gustavsson,
Hákon Skírnisson,
Karl Skírnisson, Ástrós Arnardóttir,
Sigurgeir Skírnisson, Ingibjörg Björnsdóttir,
Hjördís Skírnisdóttir, Sigurður Einar Sigurðsson
og barnabörn.
✝
Eiginkona mín, móðir okkar, tengdamóðir, amma
og langamma,
SIGURBJÖRG GUÐMUNDSDÓTTIR,
Eyrargötu 12,
Eyrarbakka,
lést á Heilbrigðisstofnun Suðurlands, Selfossi, að
kvöldi mánudagsins 6. ágúst.
Jarðarför verður auglýst síðar.
Magnús Þórarinsson,
Sigurður G. Sigurjónsson, Eva Andersen,
Guðmundur Magnússon, María E. Bjarnadóttir,
Ingvar Magnússon,
ömmubörn og langömmubörn.