Morgunblaðið - 06.11.2007, Blaðsíða 28

28 ÞRIÐJUDAGUR 6. NÓVEMBER 2007 MORGUNBLAÐIÐ
MINNINGAR
✝ Guðný Skeggja-dóttir fæddist að
Felli í Strandasýslu
6. janúar 1932. Hún
lést á líknardeildinni
í Kópavogi 28. októ-
ber síðastliðinn. For-
eldrar hennar voru
Skeggi Samúelsson
og Ragnheiður Jóns-
dóttir. Systkini henn-
ar eru Þuríður
Skeggjadóttir (látin),
Ormar Skeggjason
og Elín Skeggjadótt-
ir. Hálfsystkini hennar voru Knút-
ur Skeggjason (látinn) og Bryn-
hildur Skeggjadóttir (látin). Upp-
eldisbróðir hennar er Gunnar
Benediktsson.
Hinn 23. maí árið 1953 giftist
Guðný Guðmundi K. Ingimarssyni.
Börn þeirra eru Skeggi Guð-
mundsson, kvæntur Katrínu Jón-
björgu Sigurðardóttur,
og Hólmfríður Edda
Guðmundsdóttir, gift
Úlfari Henningssyni.
Barnabarn Guðnýjar
og Guðmundar er
Henning Arnór Úlf-
arsson, giftur Emilíu
Lóu Halldórsdóttur, og
eiga þau Sölku Krist-
insdóttur og Kolku
Henningsdóttur.
Guðný og Guð-
mundur stofnuðu
heimili á Álfhólsvegi
33 í Kópavogi og bjuggu þar allt til
ársins 2004 þegar þau fluttu á
Strandveg 11 í Garðabæ. Guðný
starfaði lengstum sem ritari við
Heyrnleysingjaskólann, seinna
Vesturhlíðarskóla.
Útför Guðnýjar fer fram frá
Kópavogskirkju í dag og hefst at-
höfnin klukkan 15.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Ein af mínum fyrstu minningum er
tengd þér, kæra Gúkka, þegar móðir
mín var veik þá varð ég þeirrar
ánægju aðnjótandi að vera hjá ykkur
Kúdda.
Mig minnir að ég hafi verið um
tveggja ára aldur þegar ég var einu
sinni sem oftar hjá ykkur, það var
vetur og við fórum eitthvað út fyrir
bæinn að ég held og vorum að renna
okkur á sleða, og mér finnst eins og
þú hafir verið á skíðum og í einni ferð-
inni niður þá var ég aftan á skíðunum
hjá þér og við lentum á steini og dutt-
um og ég meiddi mig. Þið fóruð með
mig upp á slysó. Í minningunni er
þetta svona. Það var alltaf mjög ljúft
að vera hjá ykkur, þið sýnduð mér
mikla umhyggju. Það var líka alltaf
mikil tilhlökkun sem fylgdi því að
koma til ykkar á aðfangadag með
jólapakkana, mér fannst jólatréð ykk-
ar töfrum líkast, mystík yfir öllu.
Hver minning dýrmæt perla að liðnum lífsins
degi,
hin ljúfu og góðu kynni af alhug þakka hér.
Þinn kærleikur í verki var gjöf, sem gleymist
eigi,
og gæfa var það öllum, er fengu að kynnast
þér.
(Ingibjörg Sigurðardóttir.)
Þó að við höfum ekki alltaf verið að
hittast þá er það eins og Steini minn
sagði við mig um daginn, þið eruð svo
andlega tengd.
Mér finnst það vera þannig, sterk
og góð tenging við ykkur.
Maður kom ekki að tómum kofun-
um hjá þér Gúkka mín, þú hafðir
sterkar skoðanir á mönnum og mál-
efnum og sagðir það sem þér bjó í
brjósti, alltaf hrein og bein.
Það var mjög erfitt að vita af því
sem var lagt á þig síðustu vikurnar,
en ég er sammála mömmu er hún
sagði á líknardeildinni að þetta væri
ekki lagt á nema stórar sálir. Ég er
viss um að þetta er alveg satt, þú ert
stór sál. Ég er líka viss um að þú hef-
ur margar spurningar að spyrja um á
þinni leið, og færð nú svörin.
Í spámanninum stendur skrifað:
Þjáningin er fæðingarhríð skilningsins. Eins
og kjarni verður að sprengja utan af sér skel-
ina, til þess að blóm hans vaxi upp í ljósið, eins
hljótið þið að kynnast þjáningunni.
Eigðu góða heimkomu, elsku
Gúkka.
Ásta Fríða.
Það var okkur mikill happafengur
að fá að kynnast og vinna með Guð-
nýju Skeggjadóttur, eða Gúkku, eins
og hún var ávallt kölluð.
Við minnumst hennar með hlýhug
og virðingu, hún var einstakur per-
sónuleiki, hafði djúpan skilning á líf-
inu og mannlegu eðli.
Hún bjó einnig yfir miklu innsæi í
samskiptum og nutum við þess á
margan hátt í daglegu starfi. Hún
gegndi starfi skólaritara við Vestur-
hlíðarskóla í áratugi. Á þeim árum
setti hún upp og ritaði fyrir okkur
kennarana ótal verkefni, próf og ann-
að sem til féll.
Hún var þeim kostum búin að ráða
yfir afskaplega næmri tilfinningu fyr-
ir íslensku máli, það sem í hennar
hendur fór kom ætíð fágaðra og betra
til baka.
Aldrei heyrði maður hana kvarta
þó að við vissum að verkefni hennar
væru æði mörg. Hún hafði elskulegt
viðmót og var eins við alla og áttu
nemendur ekki síður greiðan aðgang
að hjálpsemi hennar og velvilja.
Oft settist maður hjá henni með
ýmsar vangaveltur, stundum snúnar
og erfiðar, og bar sig upp við hana,
hún hafði alltaf tíma til að hlusta og
ræða við okkur. Við fórum frá henni
léttari í spori og fundum að reynsla
hennar og lífsspeki hafði gert okkur
gott.
Hennar góða nærvera var líka lituð
af miklum húmor og léttleika, henni
þótti ekki ónýtt ef maður sagði henni
skemmtilegar sögur af ýmsum uppá-
komum okkar, sem hún hafði gaman
af að heyra og taka þátt í.
Við minnumst líka þeirra stunda er
þjóðmálin bar á góma því Gúkka hafði
afgerandi skoðanir á þeim flestum.
Þær voru fastmótaðar og gat hún rök-
rætt þær af mikilli víðsýni og oft á
þann veg að aðrir virtu þær sökum
þess hve vel þær voru ígrundaðar.
Hlýtt viðmót náði líka til fjöl-
skyldna okkar. Eiginmenn okkar og
börn sem þurftu að ná sambandi við
okkur á vinnustað töluðu oft um það
hversu gott væri að tala við hana, allt-
af sinnti hún þeim af stakri ljúf-
mennsku, tók við skilaboðum og gaf
sér tíma til að ræða við þau.
Að leiðarlokum eru efst í huga þau
góðu áhrif sem Gúkka hafði á okkur,
frá henni stafaði hlýja og styrkur sem
kom sér vel í hinu daglega amstri og
fyrir það viljum við þakka af heilum
hug. Það var gott að ganga með henni
þessi spor.
Við vottum eiginmanni hennar,
Guðný Skeggjadóttir
✝ Karl ÁgústAdolfsson fædd-
ist á Ísafirði 21.2.
1927. Hann lést á
Dvalar- og hjúkr-
unarheimilinu
Grund 28.10. síðast-
liðinn. Foreldrar
hans voru Kristín
Adolfína Einars-
dóttir, f. 24.10. 1898,
d. 6.7. 1966 og Adolf
Ásgrímsson, f.
29.11. 1901, d. 4.7.
1967. Hálfsystkini
Karls Ágústs voru
Magnús Einar Þórarinsson, f.
17.3. 1918, d. 1982, og Sveinbjörg
Georgsdóttir, f. 30.8. 1922, d.
2005. Alsystkini Karls Ágústs
voru Steinólfur, f. 6.4. 1928. d.
1984, Valgerður Ólöf, f. 3.8. 1929,
d. 2005, Sigurður Ásgrímur, f. 6.9.
1930, d. 1996, Svava
Evelyn, f. 6.6. 1934,
d. 2006, og Hörður,
f. 10.11. 1923, og lif-
ir hann bróður sinn.
Karl Ágúst var í
sambúð með Mar-
gréti Eyjólfsdóttur
frá 1972 til 1982.
Hún átti 6 börn, þau
eru Þórey Arnbjörg,
Andrés Hermann,
Einar Þorsteinn,
Anna, Eyrún og
Svala.
Karl Ágúst var
netagerðamaður og vann við það
hjá Hampiðjunni og Ögurvík auk
þess sem hann var mikið til sjós á
yngri árum.
Útför Karls Ágústs verður gerð
frá Fossvogskapellu í dag og hefst
athöfnin klukkan 11.
Karl Ágúst Adolfsson, stjúpfaðir
minn, er látinn. Þar er farinn góður
maður sem hafði djúpstæð áhrif á
lífssýn mína. Fyrir meira en þrjátíu
árum kynntist hann móður minni og
hófu þau sambúð. Þá var móðir mín
með sex börn á breiðu aldursbili. Það
hefðu ekki margir tekið að sér slíkan
skara af börnum og þótt þau elstu
væru farin að sjá um sig sjálf að ein-
hverju leyti þá voru þau alltaf með
annan fótinn hjá okkur. Kalli var í
mínum huga rólegur maður, svolítið
utan við sig stundum, hafði mikinn
áhuga á íþróttum, hugleiðslu, nátt-
úrulífi og fannst mikilvægt að fólk
menntaði sig. Hann lagði áherslu á að
við kynntumst og lærðum ýmislegt
sem tengdist þessu og ef hjá okkur
vaknaði áhugi á einhverju studdi
hann okkur í því. Það var ýmislegt
sem ég gerði með honum ásamt
yngstu systur minni í fyrsta skipti á
ævinni, t.d. að fara í bíó, á fótbolta-
leik, í útilegu, í tívolí, á listsýningu, í
veiði, fara í sædýrasafnið sem þá var
í Hafnarfirðinum o.fl. Kalli kenndi
mér að tefla og fannst mér það vera
bylting þegar hann kom heim með
skáktölvu og kenndi mér á hana, ég
gat legið í henni tímunum saman. Við
vorum bæði stolt þegar mér tókst að
máta tölvuna í fimmta borði. Styrk-
leikaborðin voru átta talsins. Ein af
skemmtilegri minningum voru spila-
kvöldin, þegar Anna móðursystir
Karl Ágúst Adolfsson
✝
Faðir okkar, tengdafaðir, afi og langafi,
GUÐBERGUR GUÐNASON
frá Jaðri,
Árskógum 8,
Reykjavík,
lést á heimili sínu laugardaginn 3. nóvember.
Útförin fer fram frá Seljakirkju mánudaginn 12.
nóvember kl. 13.00.
Kristrún Guðbergsdóttir,Magnús Magnússon,
Guðni Guðbergsson, Jóhanna Jónsdóttir,
barnabörn og barnabarnabörn.
Minningarkort
535 1825
www.hjarta.is 5351800
✝
Ástkær eiginkona mín, móðir, tengdamóðir,
stjúpmóðir, amma og dóttir,
SOFFÍA KRISTÍN HJARTARDÓTTIR
skrifstofustjóri,
Brúnastöðum 17,
Reykjavík,
lést á Landspítalanum við Hringbraut föstudaginn
2. nóvember.
Jarðarförin fer fram frá Grafarvogskirkju föstudaginn
9. nóvember kl. 11.00.
Sérstakar þakkir fær starfsfólk krabbameinsdeildar, 11 E, fyrir
frábæra umönnun.
Hörður Barðdal,
Þórður Vilberg Oddsson, Marta Elísabet Guðmundsdóttir,
Jóhanna I. Barðdal,
Sesselja E. Barðdal,
Bergþóra Fanney Barðdal,
barnabörn,
Laura Fr. Claessen.
✝
Elskulegur eiginmaður minn, faðir og stjúpfaðir,
GUÐMUNDUR JÓNSSON,
söngvari,
er látinn.
Elín Sólveig Benediktsdóttir,
Ástríður Guðmundsdóttir,
Þorvarður Guðmundsson,
Halldóra Guðmundsdóttir,
Guðlaugur Kristinn Óttarsson,
Sólveig Jóhannesdóttir
og fjölskyldur.
✝
Maðurinn minn, faðir, stjúpfaðir, tengdafaðir og afi,
INGVAR CHRISTIANSEN,
Holtsgötu 41,
Reykjavík,
lést á Landspítalanum sunnudaginn 4. nóvember.
Gíslína Björnsdóttir,
Inga Þóra Ingvarsdóttir,
Sigríður Pálsdóttir, Ólafur Hauksson,
Gíslína og Haukur Þór.
✝
Ástkær eiginmaður minn,
MAGNÚS HANNESSON STEPHENSEN,
andaðist á Droplaugarstöðum föstudaginn
2. nóvember.
Vilborg G. Stephensen.
✝
Ástkær eiginmaður minn,
RUNÓLFUR MARTEINS JÓNSSON,
Brúarlandi,
Deildardal,
sem lést sunnudaginn 4. nóvember á Dvalarheimili
aldraðra á Sauðárkróki, verður jarðsunginn frá
Hofskirkju á Höfðaströnd laugardaginn
10. nóvember kl. 15.00.
Fyrir hönd aðstandenda,
Halla Línberg.