Morgunblaðið - 20.11.2007, Blaðsíða 15
MORGUNBLAÐIÐ ÞRIÐJUDAGUR 20. NÓVEMBER 2007 15
MENNING
FLEST höfum
við rekið okkur á
að hafa ekki efni
á listverkum eft-
ir heimsfræga
listamenn. En nú
hefur stórmark-
aðurinn Targett
gert breytingar í
þeim efnum þar
sem ný hand-
klæðalína inni-
heldur myndefni eftir heimsfræga
listamenn á borð við Jeff Koons,
Cindy Sherman, Elizabeth Peyton
og Kehinde Wiley. Þessa vöru er
hægt að kaupa í Target-keðjunni á
aðeins 50 dollara, sem samsvarar
rúmum 3.000 kr., og ætti að vera á
ásættanlegu verði fyrir flesta.
Markmiðið að gera list
aðgengilega fyrir alla
Þetta er gert í samstarfi við Art
Production Fund (APF) sem eru
óháð samtök og hafa tileinkað sér
að hjálpa listamönnum við að koma
verkum sínum á framfæri til al-
mennings og ekki síður að gera list
aðgengilega fyrir alla. En þetta
ættu að vera hagstæð kaup, þar
sem ekki aðeins er fjárfest í list,
heldur hefur hún gott notagildi og
hægt er að flíka verkinu þegar far-
ið er í sundlaugar eða á baðströnd-
ina.
Nýtt nota-
gildi listar
Samtímalist í
baðherbergið
Verk Koons á
handklæði.
FLEST leikhús-
anna við hina
frægu breiðgötu
Broadway voru
lokuð í síðustu
viku og verða
áfram út þessa,
þar sem samn-
ingaviðræður
ganga illa milli
eigenda þeirra og
framleiðenda í leikhúsgeiranum og
sviðsmanna.
Hætt hefur verið við sýningar á
um 25 verkum, þar af mörgum sem
færa leikhúsunum miklar tekjur af
miðasölu, til dæmis Chicago og
Phantom of the Opera. Sviðsmenn
fóru í verkfall 10. nóvember síðast-
liðinn. Um 17 milljónir dollara tap-
ast á degi hverjum vegna verkfalls-
ins.
Bogarstjóri New York, Michael
Bloomberg, hefur blandað sér í deil-
una með því að hvetja menn til að
leysa úr ágreiningnum, því efna-
hagsleg áhrif verkfallsins ná langt út
fyrir leikhúsin sjálf. Sýningar á
Broadway eru afar eftirsóttar af
ferðamönnum.
Verkfall á
Broadway
Óperudraugurinn.
SENDIRÁÐ Japans, í sam-
vinnu við Landsbókasafn Ís-
lands og Listagilið á Akureyri,
býður til sýningar á búningum
og textílhönnun úr Noh-
leikhúsi Japans. Sýning hefst í
dag í Þjóðarbókhlöðunni og
stendur til 25. nóvember og er
opið frá kl. 8.15-22. Í kjölfarið
flyst sýningin yfir í Ketilhús á
Akureyri þar sem hún verður
27. nóvember til 1. desember.
Noh-leikhúsið er ein mikilvægasta menningar-
arfleifð Japana en saga þess spannar um 600 ár.
Gestir geta skoðað í návígi stórmerkilega hönnun
og búninga sem sjaldan sjást á Íslandi.
Hönnun
Sýning á japönsk-
um búningum
Japanskur
búningur.
ENN er Jónasar Hallgríms-
sonar minnst í fjórða og síðasta
Tímariti Máls og menningar á
þessu ári. Í fyrsta hefti ársins
var viðtal við Dick Ringler,
sem helst hefur haldið uppi
orðstír skáldsins á alþjóðavísu
með þýðingum sínum og glæsi-
legri heimasíðu. Í nýja heftinu
er grein þar sem Ringler fer
ofan í saumana á hinni sí-
vinsælu Dalvísu og rekur með
samanburði og margvíslegum rökum snilld þess
kvæðis sem okkur finnst svo einfalt. Tímaritið má
finna í flestum betri bókabúðum en einnig er hægt
að panta áskrift á netfangið silja.adal@simnet.is.
Bókmenntir
Jónasar minnst
í TMM
Fjórða og síðasta
hefti TMM 2007.
ÚTGÁFU á ævisögu Sæmund-
ar Pálssonar, Sæma rokk, hef-
ur verið frestað til haustsins
2008. Ástæðan er tímaskortur
vegna frekari heimildaöflunar,
svo sem vinnslu á gögnum
varðandi björgun fyrrverandi
heimsmeistara í skák, Bobbys
Fischers, úr fangelsi í Japan og
nýrra heimilda sem upp hafa
komið.
Lesendur verða því að bíða
til næsta árs með að lesa um hina makalausu ævi
Sæma rokk, eins þekktasta rokkdansara Íslands,
sem var einn helsti hvatamaður þess að frelsa
Bobby Ficscher úr fangelsi í Japan.
Bókmenntir
Ævisögu Sæma
rokk frestað
Sæmundur Pálsson
Eftir Jóhann Bjarna Kolbeinsson
jbk@mbl.is
„NÚ er komið fullt hús, nú er búið að
fullskipa hljómsveitina,“ segir Björn
Thoroddsen, gítarleikari og for-
sprakki hljómsveitarinnar Cold
Front um ástæðu þess að þriðja og
nýjasta plata sveitarinnar hefur hlot-
ið nafnið Full House. „Hún er nefni-
lega ólík þeim fyrri að því leyti að nú
er Cold Front orðinn sextett, en hef-
ur alltaf verið tríó,“ segir Björn. Þeir
Will Bonness píanóleikari, Rob Siwik
trommuleikari og Jonathan Stevens
saxófónleikari spila á nýju plötunni
ásamt gömlu meðlimunum, Richard
Gillis trompetleikara, Steve Kirby
bassaleikara og auðvitað Birni sjálf-
um.
Aðspurður segir Björn þá vera
orðna formlega meðlimi sveit-
arinnar. „Það er búið að þinglýsa
þeirri inngöngu,“ segir hann og hlær.
„En mig langaði líka mikið til að
prófa þetta því ég hef alltaf verið
tengdur tríóum, bæði Guitar Islancio
og Tríói Björns Thoroddsen. Hvert
sem litið er sér maður tríó þannig að
ég hafði mikinn áhuga á að fjölga í
hópnum. Þessir strákar sem eru að
koma þarna inn eru líka virkilega
góðir, sérstaklega píanóleikarinn
sem er algjör virtúós. Hann verður
örugglega orðinn stórstjarna í heim-
inum eftir einhver ár.“
Poppaður djass
Full House var tekin upp í Kanada
í apríl á þessu ári, en hún kemur þó
ekki út þar í landi fyrr en á næsta ári,
auk þess sem Björn vonast til þess að
hún komi líka út í Bandaríkjunum.
Platan er hins vegar komin í versl-
anir hér á landi.
Eins og áður segir er um þriðju
plötu Cold Front að ræða. Sú fyrsta,
sem var samnefnd sveitinni, kom út
fyrir þremur árum. Þá sendi sveitin
einnig frá sér jólaplötuna X-Mas sem
kom aðeins út í Kanada.
En hvernig telur Björn að tónlist
Cold Front hafi þróast á milli
platna? „Við ákváðum að gera út-
varpsvænni plötu en áður, nýja plat-
an er meira rafmögnuð og við erum
að leita eftir melódíum og stuttum
sólóköflum, sem gerir þetta spil-
unarvænna,“ segir Björn sem semur
alla tónlistina á plötunni. Aðspurður
segist hann skilgreina tónlistina sem
djass. „Ég mundi segja að þetta
væri svolítið poppuð tónlist, en þetta
eru auðvitað allt djasstónlistarmenn
sem spila þetta,“ segir hann.
Sextettinn Cold Front mun halda
tónleika á NASA hinn 18. janúar
næstkomandi, en hér á landi hefur
sveitin aðeins komið fram sem tríó.
„Ég hef verið erlendis að spila síð-
ustu fimm til sjö ár, þannig að mig
langar til að sýna aðeins hvað ég hef
verið að gera þarna úti,“ segir Björn
um tónleikana.
Tónleikar í Kanada
Annars er Björn með mörg járn í
eldinum um þessar mundir, og segir
hann að næsta ár verði sérstaklega
spennandi. „Stórsveit Winnipeg-
borgar ætlar til dæmis að flytja tón-
list eftir mig, en það er verið að út-
setja hana um þessar mundir. Ég
mun líka flytja einleik á tónleik-
unum, og svo verður þessi sama dag-
skrá flutt af Stórsveit Reykjavíkur
hér á landi, með sama stjórnanda og
í Kanada. Þetta verður bæði nýtt og
gamalt efni, það er í sjálfu sér ekkert
verið að gera ferilinn minn upp, held-
ur bara verið að spila tónlist eftir
mig,“ segir Björn en tónleikarnir
verða líklega haldnir seint á næsta
ári. „Svo er annað spennandi verk-
efni á næsta ári því þá verður Guitar
Islancio tíu ára, og við ætlum að
halda veglega upp á það með tón-
leikum víða um heim, auk nokkurra
tónleika hér á landi. Við ætlum með-
al annars að fá erlenda gesti sem
hafa spilað með okkur í gegnum tíð-
ina til þess að spila á tónleikunum, en
þeir eru nokkuð margir.
Svo mun ég líklega gera plötu með
Larry Coryell sem er heimsþekktur
bandarískur gítarleikari. Það mál er
allt að smella saman,“ segir Björn,
en á Wikipedia kemur fram að Cor-
yell hafi meðal annars spilað með
köppum á borð við Eric Clapton,
Jimi Hendrix, Keith Jarrett og Miles
Davis.
Fullt hús Björns Thoroddsen
Cold Front hefur breyst í sextett og sent frá sér nýja plötu sem heitir Full House
Morgunblaið/RAX
Heimsborgari „Ég hef verið erlendis að spila síðustu fimm til sjö ár, þann-
ig að mig langar til að sýna aðeins hvað ég hef verið að gera þarna úti.“
www.bjornthoroddsen.is
Í HNOTSKURN
»Björn nam í þrjú ár við tón-skóla Sigursveins D. Krist-
inssonar en hélt síðan til náms
við Guitar Institude of Techno-
logy í Hollywood, Kaliforníu og
brautskráðist þaðan árið 1982.
»Björn var kosinn djassflytj-andi ársins 2003 á Íslensku
Tónlistarverðlaununum
»Hann var valinn bæj-arlistamaður Garðabæjar
2002-2003.
Eftir Jóhann Bjarna Kolbeinsson
jbk@mbl.is
ÍSLANDS minni, plata með lögum
Atla Heimis Sveinssonar við ljóð Jón-
asar Hallgrímssonar, kom út á 200 ára
afmælisdegi skáldsins á föstudaginn
var. Það er Fífilbrekkuhópurinn svo-
nefndi sem hefur veg og vanda af út-
gáfunni, en Sigurður Ingvi Snorrason
klarínettuleikari er forsprakki hans.
„Mér finnst engin tónlist passa betur
við Jónas,“ segir Sigurður um tónlist
Atla Heimis. „Algengustu lögin sem
fólk þekkir eru dönsk og voru felld að
lögum Jónasar, þannig að andblærinn
er oft annar en í ljóðinu. Fólk er orðið
vant því en þegar maður fer að kafa
dýpra í ljóðin finnur maður hins veg-
ar að andblærinn er ekki sá rétti.“
Höfðar til allra
Platan var tekin upp á þremur dög-
um í maí, en á henni eru lög við 26 ljóð
sem flest voru samin fyrir u.þ.b. tíu
árum. Aðspurður segir Sigurður erf-
itt að velja eitthvert uppáhaldslag á
plötunni. „En ég held nú mikið upp á
„Álfareiðina“, eða „Stóð ég úti í
tunglsljósi“, þótt ég haldi reyndar
upp á öll þessi lög,“ segir hann, og
bætir því við að tónlistin eigi að geta
höfðað til allra. „Atli samdi þetta í
gömlum stíl, eins og hann segir sjálf-
ur, og þetta voru leikhúslög í upphafi
þannig að hann hugsaði þetta þannig
að börn gætu bæði lært lögin og
sungið þau.“
Auk Sigurðar eru flytjendur þau
Hulda Björk Garðarsdóttir sópran,
Eyjólfur Eyjólfsson tenór, Sigrún
Eðvaldsdóttir fiðluleikari, Anna
Guðný Guðmundsdóttir píanóleikari,
og Hávarður Tryggvason kontra-
bassaleikari. Þá má geta þess að veg-
legur bæklingur fylgir diskinum en í
honum má meðal annars finna öll
ljóðin sem flutt eru. Íslands minni
fæst í verslunum Pennans en Sig-
urður gefur sjálfur út í samvinnu við
Íslenska tónverkamiðstöð.
Fífilbrekka gróin grund
Íslands minni Myndin á umslagi plötunnar er af Snæfellsjökli séðum úr
suðri og er úr Ferðabók Eggerts og Bjarna, dagsett 19. júní árið 1752.
Lög Atla Heimis við ljóð Jónasar Hallgrímssonar komin út
♦♦♦