Morgunblaðið - 29.11.2007, Blaðsíða 14

14 FIMMTUDAGUR 29. NÓVEMBER 2007 MORGUNBLAÐIÐ
ALÞINGI
Eftir Helga Bjarnason
helgi@mbl.is
„ÉG ER víst einn af þeim bjartsýnu.
Það hefur gengið vel að fiska og
verðið gott,“ sagði Vignir Arnarson
skipstjóri og útgerðarmaður línu-
bátsins Bjargmundar ÍS í Bolungar-
vík. Hann var að endurnýja bátinn
með kaupum á 15 tonna bát frá
Húsavík.
Björgmundur er búinn línubeitn-
ingavél og er fyrsti bolvíski bát-
urinn sem gerður er út í smábáta-
kerfinu sem reynir það. Í Bolungar-
vík eru bátar sömu gerðar miklir
aflabátar, og viðurkennir Valur að
fylgst sé með hvernig gangi að fiska
með línubeitningavélinni. „Það varð
einhver að ríða á vaðið. Það gekk
vel á þeim gamla, með landbeitn-
inguna. Ég hef trú á að þetta eigi
eftir að ganga enn betur,“ segir
Valur.
Allt annað líf
Hann var í gær í sínum þriðja
róðri og lagði í gærmorgun fulla
lögn í fyrsta skipti. Línan sam-
svarar 32 bölum og sýndist honum
útlit fyrir að hann fengi 3,5 til 4
tonn í lögnina. Mest ýsa eins og stíl-
að hafði verið inn á. Veðrið hefur
verið leiðinlegt að undanförnu en
bátarnir frá Bolungarvík geta fisk-
að inni í Ísafjarðardjúpi þegar svo-
leiðis stendur á. Þar voru þeir í gær.
Valur hefur gert út í fjögur ár.
Fyrirtæki hans, Útgerðarfélag Bol-
ungarvíkur ehf., byrjaði með smá
horn en hefur smám saman stækkað
við sig. Síðast átti félagið átta tonna
bát. Valur segir allt annað líf að
sækja sjóinn á nýja bátnum sem er
yfirbyggður og bindur miklar vonir
við framhaldið.
Útgerðin á lítinn kvóta en Valur
segist hafa fengið leigð 100 tonn og
sé því ágætlega settur eins og er.
Hann hafi vinnu og afkoman sé
ágæt. En þetta kosti mikla vinnu.
Hann er með tvo menn með sér.
Morgunblaðið/Hafþór Hreiðarsson
Áfangi Vignir Arnarson siglir frá Húsavík áleiðis til Bolungarvíkur á nýj-
um Björgmundi. Báturinn er yfirbyggður og búinn beitningarvél.
Einhver varð að ríða á vaðið
Eftir Gunnar Kristjánsson
NÚ ERU Grundfirðingar kátir því
fyrstu síldinni var landað þar í fyrra-
kvöld. Vilhelm Þorsteinsson landaði
600 tonnum af frystum síldarflökum
og var þeim komið fyrir á Frystihót-
elinu sem nýverið var tekið í notkun.
Síldin er veidd á Grundarfirði sl.
viku og flökuð og fryst um borð. Aðal
síldarmið flotans hafa verið á Grund-
arfirði og út af Stykkishólmi á þess-
ari vertíð en megnið af síldinni verið
landað til verkunar á Austurlandi og
í Vestmannaeyjum.
Að sögn Guðmundar Jónssonar
skipstjóra á Vilhelm Þorsteinssyni
eru þessi 600 tonn af flökum komin
af 1.220 tonna síldarafla upp úr sjó.
Þegar Vilhelm lagðist að bryggju í
fyrrakvöld voru fulltrúar hafnar-
stjórnar og forsvarsmenn Snæfrosts
mættir og færðu skipstjóranum
kampavín og blómvönd í tilefni af
þessari fyrstu löndun þessa stærsta
skips fiskveiðiflotans í Grundarfirði.
Vilhelm hélt síðan út á Grundarfjörð
til áframhaldandi veiða í birtingu í
gærmorgun en þar voru auk Vil-
helms 5 síldveiðiskip í morgunsárið.
Síld úr firðinum loksins
landað í Grundarfirði
Morgunblaðið/Gunnar Kristjánsson
Móttaka Áfanganum var fagnað í brú Vilhelms, f.v. Þórður Magnússon frá
Snæfrosti, Guðmudur Jónsson skipstjóri, Guðmundur Ingi Gunnlaugsson
hafnarstjóri og Runólfur Guðmundsson, formaður hafnarstjórnar.
ÚR VERINU
„HVAÐ er að því að ríkið fái stuðn-
ing einkaaðila?“ spurði Þorgerður
Katrín Gunnarsdóttir mennta-
málaráðherra í utandagskrár-
umræðum um samning Björgólfs
Guðmundssonar og Ríkisútvarps-
ins um framleiðslu á innlendu dag-
skrárefni á Alþingi í gær, en árétt-
aði að skýrar reglur þyrftu að
gilda um slíkt.
Skiptar skoðanir voru um samn-
inginn meðal þingmanna og Kol-
brún Halldórsdóttir, málshefjandi
og þingmaður Vinstri grænna,
hafði efasemdir um að hann stæð-
ist lög þar sem umrætt fjármagn
væri ekki nefskattur, auglýsingar,
kostun eða tekjur sem Alþingi hafi
ákveðið. „Hvað réði því að samn-
ingur var gerður við þennan til-
tekna aðila?“ spurði Kolbrún jafn-
framt og velti því upp hvort það
stangaðist á við jafnræðisreglu
stjórnarskrárinnar. „Hér er bein-
línis samstarf athafnamannsins og
Ríkisútvarpsins þar sem athafna-
maðurinn hefur dagskrárvald.“
Þá spurði Kolbrún hvað yrði
þegar samningurinn rynni út og
hvort Björgólfur yrði smám saman
eigandi RÚV sem hann gæti þá
beitt „í samkeppni við annan auð-
mann sem á líka sjónvarpsstöð“.
Þorgerður Katrín sagði samning-
inn ekki stangast á við lög enda
væri hvorki um tekjur né kostun að
ræða. „Hér er einfaldlega um að
ræða þátttöku Ríkisútvarpsins í
fjármögnun á verkefnum á vegum
sjálfstæðra kvikmyndaframleið-
enda en með þátttöku sinni tryggir
Ríkisútvarpið sér sýningarrétt,“
sagði Þorgerður og áréttaði að í
samningnum fælist engin útilokun
á öðrum samstarfsaðilum og því
væri vandséð hvernig hann ætti að
geta verið brot á jafnræðisreglu.
„Það er ávallt Ríkisútvarpið sem
tekur endanlega ákvörðun um
hvaða verkefni verða fyrir valinu,“
sagði Þorgerður.
Guðni Ágústsson, formaður
Framsóknarflokksins, fagnaði því
að efnamenn hefðu áhuga á að
styðja við bakið á menningar-
starfsemi en Jón Magnússon, þing-
maður Frjálslyndra, hafði áhyggjur
af því að með samningnum væri
farið á svig við eðlilega samkeppni.
Þá sagði Lúðvík Bergvinsson, Sam-
fylkingu, að það væri full ástæða til
að skoða hvort samningurinn mis-
munaði aðilum á markaði á ein-
hvern hátt.
Skiptar skoðanir um samning RÚV
og Björgólfs Guðmundssonar
Morgunblaðið/Ómar
Þrefað um RÚV Vinstri græn og Frjálslyndir gerðu athugasemdir við
samning Björgólfs og RÚV en aðrir þingmenn voru jákvæðari.
Eftir Höllu Gunnarsdóttur
halla@mbl.is
LANGAR ræður á Alþingi heyra
sögunni til ef frumvarp Sturlu Böðv-
arssonar, forseta Alþingis, verður
samþykkt en það var lagt fram í gær.
Meðflutningsmenn eru þingflokks-
formenn allra flokka, nema Vinstri
grænna.
Samkvæmt núgildandi lögum er
ræðutími ótakmarkaður í annarri og
þriðju umræðu um þingmál en í nýja
frumvarpinu er gert ráð fyrir að tak-
marka hann. Þingmenn munu hins
vegar fá að taka eins oft til máls og
þeir kjósa, fyrst í 15 mínútur en síð-
an í fimm mínútur í senn. Flutnings-
menn og ráðherrar munu þó geta
flutt lengri ræður og forseti Alþingis
fær heimildir til að lengja ræðutíma í
sérstökum málum
Verði frumvarpið að lögum mun
starfstími Alþingis lengjast og þing
hefja störf í byrjun septembermán-
aðar og ljúka störfum við maílok.
Kvöld- og næturfundir ættu hins
vegar að heyra sögunni til nema þeg-
ar sérstaklega er um það samið.
Samhliða frumvarpinu hefur náðst
samkomulag um bætta starfsað-
stöðu þingmanna og þá sérstaklega
stjórnarandstöðuþingmanna. For-
menn stjórnarandstöðuflokka sem
sitja á þingi munu fá launaða aðstoð-
armenn og nýir nefndarritarar eiga
sérstaklega að þjónusta minni hluta
nefnda.
Málfrelsið ekki til sölu
Steingrímur J. Sigfússon, formað-
ur VG, segir frumvarpið til bóta um
ýmislegt en fordæmir þau vinnu-
brögð forseta Alþingis að hafa ekki
náð samstöðu um þessar grundvall-
arvinnureglur.
Steingrímur er jafnframt ósáttur
við að breytingar á þingsköpum séu
spyrtar saman við annars tímabærar
úrbætur varðandi starfsaðstöðu
þingmanna. „Þegar kemur að mál-
frelsi þingmanna, sem er ekki síst
mikilvægt fyrir stjórnarandstöðuna,
þá er það ekki verslunarvara af okk-
ar hálfu,“ segir hann og bætir við að
samkvæmt frumvarpinu muni
stjórnarandstaðan ekki hafa neinn
neyðarrétt til að knýja fram lengri
umræður um alvarleg mál. „Það hafa
fyrst og fremst verið einstök stórmál
sem hafa lent í lengri umræðum,“
segir Steingrímur og telur að þetta
styrki ekki þingið heldur greiði mun
fremur götu framkvæmdavaldsins.
Ekki fleiri langar ræður á þingi
 Allir flokkar nema VG eru á frumvarpi um breytt þingsköp  Stytting ræðutíma
helsta þrætueplið og formaður VG fordæmir vinnubrögð forseta Alþingis
Kristilegt siðgæði?
Hvers vegna er talað um kristilegt
siðgæði í grunnskólalögum, spurði
Auður Lilja Erlingsdóttir, VG,
mennta-
málaráðherra á
Alþingi í gær.
Auður vakti þó
athygli á því að í
nýju frumvarpi,
sem ekki var
fram komið þeg-
ar fyrirspurnin
var lögð inn,
væri hugtakið
fellt út.
Þorgerður Katrín Gunnarsdóttir
sagði breytinguna m.a. til komna
vegna ábendinga frá Mannrétt-
indadómstóli Evrópu en varaði
samt við því að gera lítið úr kristni
og kristilegu siðgæði. „Þar með
værum við [...] farin að vega að
einni af grundvallarstoðunum sem
hafa mótað okkur sem þjóð,“ sagði
Þorgerður en Auður Lilja sagðist
hins vegar ekki hafa orðið vör við
annað siðgæði hjá trúleysingjum
eða fólki sem aðhylltist önnur
trúarbrögð.
10-0 í upphafi leiks
Fótbolti er afar sjaldan umræðuefni
í þingsal en rataði þó inn í umræð-
ur um samning Ríkisútvarpsins og
Björgólfs Guðmundssonar. Ellert
B. Schram sagði að þrátt fyrir mik-
inn knattspyrnuáhuga sinn teldi
hann gæfulegra að Björgólfur legði
fram auð sinn í þágu menningar og
lista á Íslandi en að hann keypti
fleiri knattspyrnufélög í útlöndum.
Jón Magnússon
greip fótbolta-
málið á lofti en
honum þótti
skjóta skökku við
að Ríkisútvarpið,
sem hefði for-
skot á aðra á
markaðnum
vegna skatt-
heimtu, væri að
gera samninga
eins og þennan og sagði um Ellert:
„Hann myndi ekki sætta sig við
það, sem eftirlitsmaður með knatt-
spyrnu vítt og breitt um Evrópu, að
annað liðið fengi alltaf tíu marka
forgjöf áður en leikurinn byrjaði.“
Dagskrá þingsins
Þingfundur hefst kl. 10.30 í dag
og fram fer önnur umræða um fjár-
lög fyrir árið 2008.
Auður Lilja
Erlingsdóttir
ÞETTA HELST …
Ellert B. Schram