Morgunblaðið - 10.02.2008, Síða 60

60 SUNNUDAGUR 10. FEBRÚAR 2008 MORGUNBLAÐIÐ
AUÐLESIÐ EFNI
Mikið hefur snjóað um land
allt í vikunni. Um-ferð hefur
víða raskast og víða
hættu-legar að-stæður
skapast.
Fimm ára stúlka á Akureyri
fékk á mánu-daginn
snjó-hengju ofan á sig af þaki
þriggja hæða húss. Slapp
hún þó ómeidd vegna
snar-ræðis móður sinnar.
Á fimmtu-daginn féllu þrjú
snjó-flóð í Súðavíkur-hlíð.
Einn bíll lenti í fyrsta flóðinu
og kona sem var í honum var
flutt með sjúkra-bíl til
Ísa-fjarðar. Skömmu síðar
lokaðist lögreglu-bíll af í öðru
flóði.
Víða var þjóð-vegum lokað,
en margir sátu fastir á þeim
tímum saman uns
björgunar-sveitir mættu á
svæðið.
Af þeim sökum var mikil
röskun á ferðum
áætlunar-bíla, en einnig á
millilanda-flugi.
Mikil ófærð var einnig í
borgum og bæjum þar sem
götur voru ill-færar
fólks-bílum. En van-búnir bílar
tepptu víða umferð.
Mikil snjó-þyngsl um land allt
Árvakur/Árni Sæberg
Allt á kafi í Kópavogi.
Fær-eyjar
stefna nú
aftur að
aukinni
sjálfs-stjórn.
Fyrir viku
náðu þrír
flokkar:-
Jafnaðar--
flokkurinn,
Þjóðveldis-flokkurinn og
Mið-flokkurinn,
samkomu-lagi um myndun
nýrrar land-stjórnar undir
for-ystu Jóannesar
Eidesgaard, leið-toga
jafnaðar-manna.
Það var einkum
Þjóðveldisflokkurinn, undir
for-ystu Høgna Hoydal, sem
beitti sér fyrir aukinni
sjálfs-stjórn. Ár-legt
fjár-framlag Danmerkur til
Fær-eyja á að lækka á næstu
árum, og til lengri tíma litið er
síðan stefnt að því að
efna-hagur Fær-eyja verði
sjálf-bær.
Fær-eyjar
auka
sjálfs-stjórn
Jóannes
Eidesgaard
Viggo Mortensen heldur
ljósmynda-sýningu
Heims-frægi
Hollywood-leikarinn
dansk-ættaði Viggo
Mortensen heldur sýningu í
Ljósmynda-safni Reykjavíkur í
sumar. Sýningin verður
opnuð 31. maí. Myndirnar
eru af náttúrunni, teknar hér
á landi og annars staðar.
Mortensen vill selja
myndirnar á lágu verði, og
mun ágóðinn renna til
Náttúru-verndar-samtaka
Íslands.
Friðrik Þór gerir
mynd um sjálfan sig
Friðrik Þór Friðriksson
kvikmynda-gerðarmaður
ætlar að gera mynd sem að
hluta til byggist á ævi hans.
Myndin hefur hlotið
vinnu-heitið Mamma Gógó.
„Þetta fjallar um móður mína
og sam-skipti hennar við mig.
Þetta er sem sagt leikin
gaman-mynd og ég skrifa
hand-ritið,“ segir Friðrik.
Hilmir Snær Guðnason mun
leika Friðrik sjálfan.
Sigur Rós á Bonnaroo
Hljóm-sveitin Sigur Rós
mun koma fram á hinni frægu
Bonnaroo-hátíð sem fram fer
í Tennessee í sumar.
Bonnaroo-hátíðin er ein
stærsta fjöl-lista-hátíð
heims. Á meðal þeirra sem
koma fram á há-tíðinni má
nefna Metallica, Pearl Jam,
Kanye West og Allison
Krauss.
Stutt
Banka-rán var framið í
úti-búi Glitnis í Lækjar-götu á
mánudag.
Karl-maður á þrítugs-aldri
ógnaði starfs-fólkinu með
múr-öxi og krafðist pen-inga.
Hann komst á brott með um
eina milljón króna.
Málið telst upp-lýst en
ræninginn játaði sök. Hann
játaði líka að hafa framið
rán í Select-verslun í
Ár-bænum fimmtu-daginn á
undan.
Annar maður sem stóð að
banka-ráninu með
ræn-ingjanum sjálfum hefur
einnig játað sína að-ild, og
verður hann vistaður á
við-eigandi stofnun.
Tveir grunaðir menn til
viðbótar voru látnir lausir.
Banka-rán
hjá Glitni
„Stóri þriðju-dagur“ var í vikunni, en seinasta
þriðjudag var kosið í 24 ríkjum Banda-ríkjanna
í for-kosningum forseta-kosninganna 4.
nóvember.
Engum fram-bjóðanda demókrata og
repúblikana tókst að ná af-gerandi for-ystu í
kapp-hlaupinu um út-nefningu flokks síns, og
spennan heldur því áfram.
Öldungadeildar-þingmaðurinn John McCain
vonaðist til að vinna fullnaðar-sigur í
for-kosningum repúblikana, en varð ekki að
ósk sinni. Hann er þó lang-líklegastur til að
hljóta út-nefningu þótt nokkrir áhrifamiklir
íhalds-menn telji hann með öllu óhæfan.
Spennan gæti vart verið meiri
demókrata-megin. Hillary Clinton vann
fjöl-mennustu ríkin sem í boði voru, New York
og Kaliforníu, um leið og Barack Obama
undir-strikaði hversu öflugur and-stæðingur
hann er með því að hljóta fleiri atkvæði í fleiri
ríkjum en hún.
Spennan
magnast
Reuters
Hljóm-sveitin
Jakobínarína er hætt
störfum. Sveitin vann
Músík-tilraunir árið
2005 og hefur síðan
notið mikilla
vin-sælda. Fyrsta plata
hennar, The First
Crusade, kom út hjá
12 tónum í haust og
fékk frá-bæra dóma
innanlands sem utan.
Í haust fór sveitin í
tónleika-ferðir til
Bret-lands,
Banda-ríkjanna og
Danmerkur og líka í
Evrópu-hljómleikaferð
með Kaiser Chiefs.
Loka-tónleikar hér á
landi verða 8. mars á
Organ.
Jakobínarína hætt
Ljósmynd/Sigurjón Guðjónsson
Bætti fjögur Íslands-met
Helga Margrét
Þorsteinsdóttir úr Ármanni
bætti fjögur Íslands-met á
Meistara-móti Íslands í
frjálsum íþróttum í
Laugardals-höll fyrir viku.
Helga bætti metin í flokki
stúlkna og unglinga-flokki í
kúlu-varpi og 200 metra
stúlkna-met í hlaupi. Helga
Margrét sigraði í öllum sex
greinunum sem hún tók þátt
í: 60 metra hlaupi, 200
metra hlaupi, 60 metra
grinda-hlaupi, lang-stökki,
há-stökki og kúlu-varpi.
Sigruðu loksins
Íslenska lands-liðið
skoraði loksins mörk og vann
leik undir stjórn Ólafs
Jóhannessonar þegar Ísland
sigraði Armeníu, 2:0, í
loka-umferð Möltu-mótsins á
Ta’Qali-leikvanginum á
miðviku-daginn.
Ólafur þurfti að bíða í 315
mínútur eftir því að fagna
marki sem landsliðs-þjálfari.
Áður en Ólafur tók við liðinu
hafði það ekki skorað í 128
mínútur. Sam-tals liðu því
443 leik-mínútur, tæpir fimm
leikir, á milli marka hjá liðinu.
Íþróttir
Morgunblaðið/Karl
Helga Margrét
Þorsteinsdóttir
Netfang: auefni@mbl.is