Sjómannablaðið Víkingur - 01.12.1978, Síða 9

-1
fögnuð, því að yður er í dag frelsari fædd-
ur,
Það eru þessi orð, sem við þurfum öll að
fá að heyra upp aftur og aftur. Það eru orðin
um frelsarann, sem fæddist í Betlehem
nóttina forðum. Hann sagði síðar, að sá sem
hefði séð sig, hefði séð sjálfan Föðurinn á
himnum og sá sem þekkti sig, þekkti Guð.
Ég er að vísu ekki sjómaður sjálfur, sjó-
mannaprestur væri kannski nær lagi. En af
kynnum mínum við sjómenn hefur mér
fundist að þeir ættu einlæga trú á góðan
Guð og son hans, frelsarann Jesú Krist. En
er þá sjómennskan svona guðfræðilegur at-
vinnuvegur? Eða verður maður guðhrædd-
ur af því að stunda sjóinn? Ekki skal ég segja
um það. Nokkuð er það, að bestu vinir sjálfs
meistarans Jesú frá Nasaret voru sjómenn,
fiskimenn. Og eitt er víst: Það er margt líkt
með sjóferðinni, sem farin er, og sjálfri ævi-
ferðinni. Á æviferðinni þurfum við að sigla
eftir góðum leiðarmerkjum, svo að við vill-
umst ekki af leið, alveg eins og sjómenn
þurfa áttavita og siglingakort. Það er mikið
til í orðum sálmaskáldsins, sem kvað:
„Haf Guðs orð fyrir leiðarstein í stafni
og stýrðu síðan beint í Jesú nafni
á himins hlið.“
Það er sagt frá skipstjóra einum, sem
vantaði leiðsögumann, til þess að sigla skipi
sínu vandrataða leið. Loks gaf sig fram
maður nokkur. Skipstjórinn spurði hann:
„Er þér kunnugt um allar torfærur og öll
sker á þessari leið?“
Maðurinn svaraði: „Nei, ekki get ég sagt
það, herra skipstjóri."
Þá sagði skipstjórinn byrstur í bragði:
„Hvernig dirfistu þá að bjóða þig fram sem
leiðsögumann.“
„Jú,“ svaraði maðurinn, „ég veit nefni-
lega, hvar skerin og torfærurnar eru ekki.“
Þá mildaðist svipur skipstjórans og hann
sagði: „Það er nóg. Þig get ég notað fyrir
leiðsögumann.“
Ég óska sjómönnum innilega gleðilegra
jóla og góðs og farsæls nýárs og bið þeim
allrar Guðs blessunar, svo á hafi sem í landi.
Lifið heilir.
Gunnar Björnsson

œjeajts&Stt j»8888tei|.
g !■ JJ^
Sjálfstæð stjórnun á báðum skífum. Þótt
önnur sé stöðvuð getur hin gengið.
Skífurnar geta snúist bæði afturábak og
áfram.
Fljótlegt að breyta línuspili í netaspil og
öfugt.
Fótstýrður öryggisloki stöðvar spilið
samstundis í neyðartilfellum.
Spilin eru framleidd fyrir mismunandi
togkraft frá 650 til 2200 kg. á netaskífu.
Togkraftur með Danfoss vökvamótor frá
650 upp í 2200 kg við olíuþrýsting 125
kg/cm2
Þyngd 150 kg
Hæð upp í öxulmiðju 93 cm
Mesta breidd 67 cm
ELEKTRAVERKSTÆÐIÐ
LYNGÁS111 GARÐABÆ
SlMI 53396 PÓSTHÓLF 124
VÍKINGUR
9