Sjómannablaðið Víkingur - 01.08.1983, Qupperneq 7
Dagana 19. ágúst til 4. september sl. stóð yfir
í Reykjavík Iðnsýning sem bar heitið „íslensk
franitíð, á iðnaði byggð.“ Sýningin var mikið
sótt og talin fjölsóttasta sýning hérlendis. Vík-
ingurinn leit við á Iðnsýningunni og aflaði upp-
lýsinga um nokkrar vörutegundir sem sérstak-
lega tengjast sjávarútvegi.
Plastkörin frá Norm-x:
Hagræðing á ýmsum
stigum fiskverkunar
— létt, hljóðlát og auðveld í þrifum
ÐNSÍNING
19/8-4/9
í LAUGARDALSHÖLL
FELAG ISLENSKRA ÐNREKENDA 50 ARA
Fyrir utan húsið frá Barkar-
húseiningum, á útisvæðinu á
Iðnsýningunni, voru ýmsar af
framleiðsluvörum Norma h/f og
Norm-x h.f. Það eru ýmsar
plastvörur, t.d. fiskkör og línu-
balar. Þar var einnig lyftari með
kar á sérstökum búnaði sem
vélsmiðjan Normi smíðar og
notaður er til að snúa þeim við.
Inni í húsinu er bás frá fyrir-
tækjunum báðum, en þau eru ná-
tengd. Vélsmiðjan Normi var
stofnuð 1964 og hafði með hönd-
um verktakastarfsemi í járniðnaði,
auk þess sem stór hluti starfsem-
innar fór í framleiðslu á sorp-
pokagrindum af ýmsum gerðum.
Smiðjan hefur alltaf lagt áherslu á
framleiðslu fyrir sjávarútveg og
hóf smíði á sjókæligámum sem
hannaðir voru í samráði við Iðn-
tæknistofnun íslands og Rann-
sóknastofnun iðnaðarins.
Tilraunir sem Rannsóknastofn-
un fiskiðnaðarins stóð fyrir, leiddu
í ljós að æskilegt væri að hafa
körin minni en frumsmíðina og að
plast væri hentugra efni en stálið.
Plastverksmiðjan Norm-x hf. var
VÍKINGUR
því stofnuð árið 1982, til þess að
hefja framleiðslu á þessum körum.
Fyrsta framleiðsla Norm-x var
750 lítra kar sem er steypt tvöfalt
og einangrað með sérstöku efni.
Slík kör eru nú í daglegri notkun
um borð í fiskiskipum, en Gunn-
jón frá Garði var fyrsta skipið sem
tók þau alfarið í notkun. Þar voru
notuð 80 slík kör og eftir eins árs
reynslu kom í ljós að gæði fisksins
sem geymdur var í körunum, var
eins og best verður á kosið, vegna
góðrar einangrunar og lögunar
karanna. Fiskurinn helst lengur
ísaður en í þeim fiskkössum sem
notaðir hafa verið, en þeir eru
grynnri og stærri að yfirborðsflat-
armáli, miðað við rúmmál. Kostir
karanna felast einnig í því að þau
eru léttari en járnkör, auðveldari í
þrifum og hljóðlátari í meðförum.
Annað kar hefur reynst mjög vel
í saltfiskvinnslu, þar sem þau hafa
Fyrir utan Barkar-einingahúsið sem sést á þessari mynd, voru framleiðsluvörur Norm-x.
Karið sem er á lyftaranum er sérstaklega hannað fyrir snúningsbúnaðinn í lyftaranum og
hcntar vel við saltfiskverkun.
7