Náttúrufræðingurinn - 1962, Blaðsíða 29

NÁTTÚRUFRÆÐINGURINN
123
að rækta bygg og hafra, og kartöflur ná sæmilegum þroska í góð-
um árum alveg eins og hér. Annað mál er, að fáir leggja stund á
kornrækt á þessum slóðum, og rnenn rækta ekki kartöflur nema
til heimanotkunar.
Ýmsir kunna að hafa þá mótbáru gegn því, sem hér hefur verið
sagt, að ekki sé að marka þetta sakir þess, að veðrátta hafi hlýnað
svo mjög hér hin síðari ár. En á öllum þessum stöðum hafa sams
konar veðurfarsbreytingar átt sér stað og hér á landi og að lík-
indum samtímis. Þegar þess eru dæmi, að safnað hafi verið fræi af
450 ára gömlum trjám við Collegefjörð í Alaska, rná minnast þess,
að þau liafa byrjað ævi sína um 1500, eða fyrir siðaskipti á íslandi,
og lifað allar þær veðurfarsbreytingar af, sem síðan hafa orðið.
Þau dæmi, sem hér hafa verið nefnd um vöxt og þrif ýmissa trjá-
tegunda og plantna á íslandi frá ýmsum stöðum heims, eru ekki
mörg, eins og áður var getið. Af miklu meira er samt hægt að taka,
því að hér er verið að reyna meira en 40 tegundir trjáa frá rösk-
lega 200 stöðum víðs vegar um heim. Að auki eru svo ýmsar víði-
tegundir, runnar og jurtir. En það yrði of langt mál að telja fleira
frarn að sinni, enda óþarft, því allt hnígur í sömu átt og skýrt hefur
verið með þessum dæmum.
Ályktanir þær, sem draga má af vexti og þroska margra tegunda
trjáa og annarra plantna, er reyndar hafa verið hér um árabil og
jafnvel allt upp í 6 tugi ára, hljóta að verða á þessa leið:
Islandi var áður ranglega skipað í sama sess og nyrztu héruðum
Skandinavíu í gróðurfarslegu tilliti. Byggðir landsins hafa margar
hverjar svipuð gróðurskilyrði og þau héruð í Alaska og Norður-
Noregi, sem nefnd voru áðan. Þær eru því innan hins svonefnda
barrskógabeltis að því er gróðurskilyrði snertir, þótt hér hafi hvergi
vaxið barrskógur frá ísaldarlokum.
Malarásar. — Leiðrétting.
Steingrímur Pálsson, landmælingamaður, hefur upplýst mig um það, að það
hafi ekki verið hann, sem uppgötvaði, við athugun flugmynda, malarás þann
sunnan í Grjótliálsi, sem hlotið liefur nafnið Grjóthryggur (sbr. grein mína
um malarása í síðasta liefti Nfr.). Sá, sem uppgötvaði hann, var Sigmundur
Freysteinsson, verkfræðingur. Leiðréttist þetta hér með og bið ég Sigmund
velvirðingar á rangherminu. Sigurður Þórarinsson.