Náttúrufræðingurinn - 1998, Qupperneq 12

6. mynd. Gamalt og nýtt. íforgrunni myndarinnar eru tóttarbrot Þorbjarnarstaðabœjarins
en mannvirki álversins ber við himin. Ljósm. Ragnar Frank Kristjánsson.
Þetta er því vettvangur lifandi samfélags-
fræði, með ívafi af atvinnu- og búsetusögu
íslensku þjóðarinnar frá landnámi til vorra
daga.
■ NIÐURLAG
Landsvæðið í kringum Straumsvík er mun
merkilegra en í fyrstu mætti ætla og brýnt að
huga vel að skipulagi þess. Væntanleg
skipulagsvinna gæti allt eins falist í því að
leyfa svæðinu að halda svipmóti sínu.
Akvörðun um verndun svæðisins kallar á
stórhug og framsýni þeirra sem með málið
fara. Sömu aðilar mundu uppskera virðingu
og þakkir komandi kynslóða fyrir djörfung
og drengskap. Landsvæðið geymir minjar
um náttúru og sögu sem ekki mega tapast:
búsetu-, sögu- og náttúruminjar, merkar
jarðmyndanir og fjölskrúðugt lífríki.
Straumsvíkursvæðið er merk uppspretta
sem svalað getur fróðleiksfýsn barna og
unglinga í náttúrufræði, samfélagsfræði og
sagnfræði á einfaldan og skýran máta.
Hafnfirðingar eru svo lánsamir að enn má
finna fjölbreyttar náttúruminjar innan bæjar-
markanna. Þess vegna er mikilvægt að móta
langtímaáætlun um landnýtingu og skipulag
útivistarsvæða áður en ráðist er í fram-
kvæmdir á óröskuðu landi.
■ ÞAKKIR
Greinin er unnin í samvinnu við Ragnar
Frank Kristjánsson landslagsarkitekt.
■ ÍTAREEFNI
Sesselju G. Guðmundsdóttir 1996. Örnefni og
gönguleiðir í Vatnsleysustrandarhreppi. Lions-
klúbburinn Keilir. Reykjavík. 150 s.
Jónatan Garðarsson & Lovísa Abjömsdóttir 1998.
Hraunin við Straumsvík. Umhverfts- og úti-
vistarfélag Hafnarfjarðar. 8 s.
PóST- OG NETFANG HÖFUNDAR
Jónatan Garðarsson
Kvíholti 3
IS-220 Hafnarfirði
jonatang@islandia.is
170