Fréttablaðið - 01.08.2009, Blaðsíða 18

● inni&úti
S
tærsta ferðahelgi ársins er gengin í garð. Í tilefni þess ætla ég
að gefa þeim nokkur vel valin heilræði, sem ætla að leggja land
undir fót. Reynsluna byggi ég á nýlegri ferð í sveitina þar sem í
ljós kom hversu mikilvægt er að hafa gott skipulag á hlutunum.
1. Leiðbeiningar. Tilefni ferðarinnar var ekta sveitabrúðkaup. Það
skal nú viðurkennast að ég hef ferðast lítið innanlands en því meira
erlendis. Þar af leiðandi hefur mér alltaf dugað að muna „p(eningar),
p(assport) og p(miða)-regluna“ góðu. Á Íslandi er hins vegar gott að
hafa með sér kort og lesa vandlega allar leiðbeiningar, eins og sann-
aðist þegar við maðurinn minn komum tímanlega á leiðarenda en upp-
götvuðum okkur til skelfingar að athöfnin fór
fram annars staðar en veislan.
2. Eldsneyti. Þar sem við brunuðum til baka
í áttina að kirkjunni eftir svo slæmum malar-
vegi að það glamraði í tönnunum á okkur fór
bensínljósið að blikka. Ekki tók betra við þegar
við mættum brúðkaupsgestunum á leiðinni. Athöfninni var lokið. Mig
langaði helst til að henda mér organdi út í næsta vegarkant, en ákvað
að halda ró minni. Bensínið var nú næstum búið og því ekki um annað
að velja en að fylla á.
3. Klæðnaður. Eftir aðra ánægjulega för um malarveginn runnum
við aftur í hlað. Á kortinu hafði gestum verið bent á að klæðast hlýj-
um, sveitalegum fatnaði í anda brúðkaupsins. Við leiddum hins vegar
ábendinguna hjá okkur og mættum uppstrílaðir. Fyrir vikið voru
hendurnar á mér eins og ísklumpar og eistun hristust það sem eftir
lifði dags.
4. Matur. Í upphafi ferðar höfðum við viðkomu á bensínstöð – þar
sem augljóslega gleymdist að taka bensín – og fengum okkur snarl;
hugsuðum ekki út í allan tímann sem kynni að líða þar til
boðið yrði upp á veitingar í veislunni. Nokkrum tímum
síðar iðraðist ég þessarar ákvörðunar sárlega þar
sem ég var að því kominn að melta eigin innyfli.
5. Lyf. Um morguninn tók ég skammt af of-
næmislyfjum og tók ekki neitt með þar sem
ég taldi mig tryggðan. Annað kom á dag-
inn þegar mig fór að klæja svo í augun að
mig langaði helst til að rífa þau úr. Ákvað
samt að láta ekkert spilla deginum og
gladdist fyrir hönd ástfanginna brúð-
hjónanna. Lofaði svo sjálfum mér að
klikka aldrei aftur á skipulaginu.
Gott að muna
Gagnstætt mörgum á svipuðu reki
ætlar Sindri Þór Hannesson, fjór-
tán ára, ekki að gera sér daga-
mun þótt verslunarmannahelgin
sé gengin í garð. Það gætir ekki
einu sinni eftirvæntingar í rödd-
inni þegar útihátíðir berast í tal.
Öðru máli gegnir þegar helsta
áhugamálið er haft á orði, en það
eru siglingar sem Sindri stundar
af mikilli ástríðu.
„Ætli það sé ekki helst sjór-
inn og veðrið, sólin og vindur-
inn,“ segir Sindri, beðinn um að
lýsa í hverju aðdráttarafl siglinga
sé helst fólgið. Hann hefur verið
meðlimur í Siglingaklúbbnum Þyt
í Hafnarfirði frá ellefu ára aldri
en segir algengt að krakkar allt
niður í átta ára stundi siglingar
í höfninni. „Þeir fá góða þjálfun.
Hér eru fjórir þjálfarar með yfir
níu ára reynslu af siglingum sem
leiðbeina manni í gegnum allt.“
Sindri siglir kænu af gerðinni
Topper Topaz, yfirleitt með vini
sínum og jafnaldra, Anders Rafni
Sigþórssyni, eða tiltækum þjálf-
ara. „Maður má aldrei fara einn
um borð, það stendur í reglum Sigl-
ingasambands Íslands,“ útskýrir
hann og viðurkennir að miklum
tíma sé varið í æfingar. „Ætli ég
æfi ekki svona tvisvar til þrisvar
í viku. Bæti svo við mig æfingum
fyrir mót ef þjálfarinn minn leyfir
og er þá kannski svona fimm sinn-
um í viku.“
Er mót fram undan? „Já, Ís-
landsmótið og ég stefni á bikar-
inn,“ segir Sindri drjúgur með
sig og bætir við að samkeppnin
sé hvort eð er ekki hörð. Aðeins
fimm komi til með að keppa í sama
flokki og miðað við samkeppnina
telji hann sig eiga góða möguleika
á að sigra. „Við erum eiginlega
tryggðir.“
Og fátt bendir til að eldhuginn
ætli að slaka á þótt stærsta frí-
helgin sé runnin upp. „Ef þjálfar-
inn nennir ekki að sigla, þá slappa
ég af með fjölskyldunni um versl-
unarmannahelgina eins og síðustu
fjórtán ár. Annars sigli ég.“ - rve
Svífur seglum þöndum
● Sindri Þór Hannesson kippir sér ekki upp við þótt verlunarmannahelgin sé gengin í garð.
Þess í stað bindur hann miklar vonir við að geta sinnt helsta áhugamálinu, siglingum.
SUMAR
ROALD EYVINDSSON
„Mig langaði helst
til að henda mér
organdi út í næsta
vegarkant,...“
„Ég sigli í höfninni og fyrir utan,“
segir Sindri Þór, sem bregður hér á
leik ásamt vini sínum, Anders, fyrir
ljósmyndarann, Stefán Karlsson.
FR
ÉT
TA
BL
A
Ð
IÐ
/S
TE
FÁ
N
● Forsíðumynd: Stefán Karlsson tók mynd í Hafnar-
firði Útgáfufélag: 365 miðlar ehf., Skaftahlíð 24, 105
Reykjavík, s. 512 5000 Ritstjórar: Roald Eyvindsson
roald@frettabladid.is og Sólveig Gísladóttir solveig@
frettabladid.is Auglýsingar: Hlynur Þór Steingrímsson s.
512 5439 Útlitshönnuður: Kristín Agnarsdóttir kristina@
frettabladid.is.
inni&úti
LAUGARDAGUR 1. ÁGÚST 2009 Sumarblað Fréttablaðsins
● SINDRI ÞÓR HANNESSON
Upprennandi siglingakappi
● HESTVAGNAFERÐIR Á AKUREYRI
Í anda Jane Austen
● NÁTTÚRA ÍSLANDS
Við þjóðveginn
KONUNGLEGT
Flora Danica-
borðbúnaðurinn
á rætur sínar að
rekja til átjándu
aldar. SÍÐA 6
ENGAR
GEIM MYNDIR
Ólafur Egill Egils son
mælir með drama-
tískum bíómyndum í
bústaðinn. SÍÐA 2
V
V ið fórum um Vestfirðina um daginn og þá kom þessi bók að alveg rosalega góðum notum. Fyrir
hennar tilstilli fundum við Esther (Talía Casey) konan
mín alveg fullt af heitum laugum sem við gátum skellt
okkur í,“ segir listamaðurinn Ólafur Egill Egilsson, um
bókina Heitar laugar á Íslandi, sem er efst á lista yfir
þær bækur sem hann hefði með sér í ferðalagið.
„Svo erum við líka með kortabók þar sem er að
finna öll fm-hnitin fyrir Rás 1 og 2
allan hringinn sem við nýtum óspart.
Rás eitt stendur nú alltaf fyrir sínu,“ segir Ólafur. „Svo er Est-
her hrifin af Frank Sinatra og Joni Mitchell er mjög fín. Eitt
laganna hennar byrjar á ákalli eftir hjálp, sem getur nú ein-
mitt verið viðeigandi á ferðalögum.“
Danskar bíómyndir kæmu helst til greina í bústaðinn að
mati Ólafs, sem mælir með myndinni Brødre eftir leikstjórann
Susanne Bier. „Þetta er dramatík sem hægt er að lifa sig inn í
án þess að óaðgengilegt söguumhverfi trufli. Sterk mynd.“
Í FERÐALAGIÐ
Sinatra og dönsk dramatík
FJÖLDI GEITUNGA nær hámarki í ágúst og september en þá er
árásargirnin líka mest. Góð ráð til að forðast stungur eru meðal
annars að nota hanska við garðvinnu og klæðast ljósum fatnaði.
1. ÁGÚST 2009 LAUGARDAGUR2