Andvari - 01.01.1979, Side 80

78
RUTH CHRISTINE ELLISON
ANDVARI
28. apríl. Sama hríð og harka. Missti ég sauð, lá dauður fyrir innan sauðahúsdyr.
4. maí. Austan skafhríð, en heiðríkt og hörkufrost. Voru 8 vesælir sauðir látnir
hér heim í kofann.
12. maí. Útvestan gola og frost, svo lítið klökknaði fyrr en undir kvöld. Alþakið
af ís, fjörðurinn að fyllast.
25. maí. Stórhríð að kalla, og allar ær standa inni. Guð rninn góður bæti úr því
báli og gefi bráðlega betri tíð. Og allt er fullt af hafís það sést.
26. maí. Bleytuhríð enn ekki mikil, er korninn mikill snjór. Barði ég nú niður
mikið af fiski handa kindum, því nú er heyið nærri búið. Því treysti ég því af
öllu hjarta, að Guð muni nú fara að miskunna mönnum og gefa góðan bata, af
sinni óendanlegri miskunnsemi.
5. júní. Snjókomuhríð á austan allan daginn, svo lömb voru alltaf inni og lítið
sem ekkert til að gefa ánum. Guð rninn góður bæti úr því.
7. júní. Austan hríðarveður framanaf, en batnaði þegar á leið og klökknaði mikið.
Var skorið í gærdag undan flestum ánum, Þorleifur undan öllum sínum; ég á
9 eftir.
19. júní. . . . Vor[uj ærgrindurnar færðar í kvíar, eru þær að kalla þurrar.
25. júní. Bjart veður og austan gola. Var ekki hugsað til messuferðar, því prestur
lá veikur af mislingum, sem eru hér að ganga ofan á annað bágt. Alltaf fullt með
hafís og ekkert getur slegið í jörð. Kúm alltaf gefið, með því varla sést nokkur
gróður. Barði hefur legið í mislingum, er nú að skána.
2. júlí. Kuldagola á útvestan og augalaus fjörðurinn vegna hafíss. Allir liggja í
hrúg[uj í mislingunum og sagt flestir liggi á dekkbátunum.
6. júlí. Hríðarveður á norðaustan, svo alhvítt varð annað slagið, en át af annað
veifið. Er fólki nú heldur að skána mislingarnir, og Baldvin og Billu, sem þyngst
voru haldin.
14. júlí. Alltaf er fjörðurinn fullur af hafís og ómögulegt inn í fjörð að fara sjóleiðis.
2 útlenzk skip verið föst í hönum í nokkra daga. Annað nú einhvörn veginn
komizt inn með vesturlandinu inn á höfn.
Frá 25. júlí fór veðrið batnandi, en afleiðingar illviðris voru auðséðar.
28. júlí. Fór fram í dal að skoða engjarnar. Eru þær vesælar eins og von er til.
3. október. Bjart og gott veður, en alhvítt af fönn. Var Grána mín skorin, átti þó
að bera um jól, ekki gaman.
5. október.. . . Piltar skáru allar sínar kindur.
9. nóvember. . . . Skar ég 12, tvo sauði, 2 ær og 8ta veturgamalt.
11. nóvember. .. . Skárum við, ég 7 veturg. og ær.
29. nóvember. Hríðarlaust veður og kyrrt þangað til um kvöldið, að hvessti austan.
Lét ég skera 7 kindur og Jóh. 4ar. Á nú eftir lifandi 20 ær og 20 sauði, má
líklega skera seinna.
Heyskapur reyndist bæði erfiður og lítill, þar eð rigning var 19 daga í ágúst
og snjókoma aftur mikil snemma í september. Að loknum heyskap sást greini-
lega, að stórkostleg fækkun var óbjákvæmileg, þótt Jóni bónda kynni að þykja