Fálkinn - 12.12.1962, Blaðsíða 5
HITT OG ÞETTA
UM BÓKAMERKI
Það eru hinir furðulegustu hlutir, sem fólk finnur upp á
að nota sem bókamerki, — vel að merkja í annarra manna
bókum. I dönsku almenningsbókasafni fannst þetta á mán-
aðartíma: Sneið af bacon, fjögur spil, þrír fimmkrónu seðl-
ar, kvittaður reikningur, tveir aðgöngumiðar að kvikmynda-
húsi, brúðkaupsboð, fjárnámstilkynning og á þriðja tug af
krónuseðlum.
Og það er víðar en í Danmörku, sem þetta þekkist. Hér
fer á eftir listi frá amerísku bókasafni yfir þrjá mánuði: Rak-
blað, úrklippa af Marilyn Monroe, 11 spil, tvær framkallaðar
filrnur, flesksneið, 23 einkabréf, ein brauðsneið, fimm myndir,
sex innheimtubréf, tuttugu dollara seðill, pappírsmiði með
þessari setningu: Ég hata þig, Evelyn — og hjónaskilnaðar-
leyfi. Það síðasta var í ástarsögu.
*
Fyrir nokkrum árum varð enskt bókasafn óvænt fyrir
aðsókn nokkurra ungra viðskiptavina, sem streymdu inn og
fengu allar þær bækur sem þeir gátu út á útlánsspjöldin.
Margir þeirra flettu aðeins bókunum, heilum hlöðum af bók-
um um ólíkustu efni. Starfsfólkið skildi ekki hvers vegna
þessir ungu viðskiptamenn höfðu allt í einu fengið slíkan
áhuga á bókum, — þar til það kom í ljós, að liður í útvarps-
getraun var falin ávísun í fimm ólíkum bókum á ákveðnu
bókasafni.
*
Nýjar umbúðir, sem eru
ódýrari og endast lengur.
SPRAZE heldur hári yðar
bezt og lengst í föstum
skorðum.
SOFT SPRAZE mun
reynast bezt, þegar þér
þurfið að setja í hárið
með stuttum fyrirvara.
RIOULAR EXTRA SOIT
Heildsölubirgðir: Sterling h. f. Höfðatúni 10. Simi 13649, 11977.
Svipað þessu kom fyrir í amerísku þókasafni. Auðug kona
hafði gleymt að fjarlægja háan peningaseðil, sem hún hafði
notað sem bókamerki, og mundi hún ekki hvað bókin hét.
í svipaðri klípu lenti maður nokkur í London. Hann lagði
umslagið með mánaðarlaunum sínum í símaskrána rétt áður
en ný símaskrá var tekin í notkun — með þeim afleiðing-
um, að hann varð að fletta 10.000 símaskrám á símstöðinni
áður en hann fann peningana!
*
Þýzkur prófessor fékk á bókasafni stóra og leiðinlega bók
um vísindaleg efni. Þegar hann að lokum hafði lesið alla
bókina, fann hann á öftustu síðu ávísun að upphæð fimm
þúsund mörk ásamt seðli, sem á stóð frá höfundinum: Þókn-
un til hins hugprúða lesanda, sem las þetta verk mitt til enda.
*
Og ekki er fráleitt að segja sögu af hinum kunna vísinda-
manni Einstein. Þegar að honum látnum var farið að athuga
bækur hans. í einni fjölfræðiorðabók, sem hann hafði haft
á borðinu fyrir framan sig, fannst ávísun — fimm ára gömul
— sem hann hafði notað sem bókamerki, og ekki aðeins það,
heldur hafði hann skafið undan nöglunum á sér með henni!
*
Hér er sagt frá hvað kom fyrir mann nokkurn í gistihúsi
í Frakklandi: Ég lá og fletti á víð og dreif í biblíu, sem ég
hafði fundið í náttborðsskúffu gistiherbergis míns. Skyndi-
lega uppgötvaði ég, að 1000 franka seðill lá milli blaðanna,
— ásamt pappírsörk, sem á var skrifað: Ef þér opnið þessa
bók vegna þess að þér eruð í leiðu sk^ipi, þá lesið Jóhannesar
guðspjall 14. kapitula. Ef þér eruð fjár þurfi, þá stingið pen-
ingunum í veskið. Ef þér hafið nýlega rifizt við konuna, þá
kaupið gjöf handa henni, — og ef þér eruð ekki peninga
þurfi þá látið þá liggja hér þar til einhver annar finnur þá.
En svo kom eftirskrift: P.S. Við nánari athugun finnst mér
rétt að þér farið með peningana niður á bar og reynið bar-
þjónsins „Special Cocktail“. Það var hann, sem gaf mér hug-
myndina að þessu.
NYTIZKU
ELDHOSSETT
FALLEG'
VÖNDUÐ
ÖDÝR.
SENDUM UM
ALLT LAND
NÚSGÖ6N
HIMOTAN
HOSGAGNAVERZLUN
Þórsgötu 1 — Sími 20820.
FALKINN