Fréttablaðið - 21.11.2009, Síða 10

10 21. nóvember 2009 LAUGARDAGUR
HAFRANNSÓKNIR Niðurstöður haustr-
alls Hafrannsóknastofnunarinnar
gefa vísbendingar um að 2008-
árgangurinn í þorski sé sterkur.
Þetta kom fram í haustrallinu,
sem er mikilvægur þáttur í árlegri
úttekt Hafró á ástandi nytjastofna
við landið sem lýkur í júní ár
hvert.
Á bak við nið-
urstöðurnar eru
þó mun minni
gögn en að lok-
inni stofnmæl-
ingu að vori.
„Þetta er aðeins
einn hluti af
okkar mælingu.
Stofnmæling-
in í mars vegur
mun þyngra
í mati okkar á þorskstofninum.
Því er hins vegar ekki að leyna
að eftir því sem haustmæling-
arnar verða fleiri [hófust 1996,
innskot blaðamanns], því mark-
tækari verður hún. Engu að
síður er ástæða til að draga and-
ann djúpt þar til niðurstöður úr
vorrallinu og úttekt á aflasam-
setningu liggja fyrir í vor,“ segir
Jóhann Sigurjónsson, forstjóri
Hafrannsóknastofnunar.
Jóhann segir að mælingin nú
sýni einnig stærri og þyngri fisk,
en það sé í samræmi við vænting-
ar vegna aflasamdráttarins síð-
astliðin tvö ár. Hann segir mikil-
vægt að halda áfram á sömu braut;
auka ekki veiðina að svo stöddu en
njóta ávaxta uppbyggingarstarfs-
ins þegar þar að kemur.
„Við verðum hins vegar að fá
fleiri sterka eða meðalsterka
árganga inn í stofninn til þess
að geta átt von á verulega auk-
inni veiði á komandi árum,“ segir
Jóhann. „Okkar ráðgjöf gengur út
á að fá hærra hlutfall af stórum
fiski inn í stofninn til þess að auka
líkurnar á því að fá röð sterkra
árganga inn í veiðistofninn.“ Á
sama tíma og stofnmælingin sýnir
sterkan 2008-þorskárgang kemur
á móti að fyrstu vísbendingar gefa
til kynna að 2009-árganginn sé
undir meðalstærð.
Haustrallið gefur litla ástæðu
til bjartsýni hvað varðar ýsu-
stofninn. Heildarvísitalan er
ekki nema rúmlega helmingur
þess sem hún var árið 2004 og
hefur lækkað um tuttugu prósent
á milli ára. „Það er í samræmi við
okkar rannsóknir og eftir gríð-
arlega sterkan ýsuárgang 2003, í
reynd risaárgang í sögulegu sam-
hengi, hefur þetta eðlilega verið
niður á við.“ Jóhann segir margt
benda til að fullmikið hafi verið
veitt af ýsu á undanförnum árum
en 2003-árgangurinn hafi staðið
undir þeirri veiði.
Útlit er fyrir að grálúðan sé að
hjarna við. Meira er af ungfiski í
haustralli og gefur það vísbend-
ingu um að veiðistofninn muni
stækka á næstu árum. Ástand
stofnsins er þó enn talið lélegt.
svavar@frettabladid.is
Vísbendingar eru um
sterkan þorskárgang
Niðurstöður Hafrannsóknastofnunar sýna sterkasta þorskárgang frá upphafi
haustmælinga árið 1996. Forstjóri Hafró varar við því að oftúlka gögnin. Ýsu-
stofninn sýnir lítil batamerki en góðar fréttir eru af nýliðun í grálúðu.
JÓHANN
SIGURJÓNSSON
FARSÆLL Á VEIÐUM Haustrall Hafró gefur til kynna að sterkur árgangur komi inn í
veiðina eftir fjögur til fimm ár. FRÉTTABLAÐIÐ/JSE
Fjarðarmálun ehf.
Þarftu að mála?
Sigurjón Einarsson
Málarameistari
Sími 894 1134 - fjardarm@hive.is
Fáðu fagmenn með áratuga reynslu í verkið
Aðstoðum viðskiptavini við útfyllingu á eyðublaði vegna endurgreiðslu virðisauka af vinnu
Steinþór Agnarsson
Málarameistari
Jörgen Jögrensen
Málarasveinn
Fjölskylduspil
á frábæru
tilboði!
Vr. A825 85060692
Fullt verð 5.990 kr.
3.990 kr.
auk 1.000 punkta
x2
TI
LB
O
Ð
Íbúð til sölu
Til sölu íbúð í Antalya Tyrklandi, íbúðin er 180 m2 á
2 hæðum. 3 svefnhebergi, 2 baðherbergi, eldhús,
stofa, borðsstofa og tvennar svalir.
Íbúðin er metin á 26 milljónir en af sérstökum
ástæðum fæst hún á aðeins 13 milljónir.
Nánari upplýsingar á kristinap@internet.is
eða 894 0045
(skoða öll skipti)
BEÐIÐ EFTIR FLUGI Fjögurra ára stelpa
tyllti sér stundarkorn á stærðar mót fyrir
handfarangur á flugvelli í Sacramento.
Móðir þeirra þurfti að bjarga þeim öðru
flugi eftir að tölvukerfi flugvalla í Banda-
ríkjunum bilaði. FRÉTTABLAÐIÐ/AP
STJÓRNMÁL BSRB krefst þess að ríkis-
stjórnin endurskoði stefnu sína í nið-
urskurði ríkisútgjalda. Telja sam-
tökin ríkisstjórnina fylgja stefnu
Alþjóðagjaldeyrissjóðsins í þeim
efnum en hún kunni að hafa í för
með sér óbætanlegt tjón á velferð-
arkerfinu. Ályktun þessa efnis var
samþykkt á aðalfundi BSRB í gær.
„Ef skorið verður jafn mikið
niður og verstu spár segja til um
held ég að óbætanlegt tjón geti
orðið á heilbrigðiskerfinu og lög-
gæslunni,“ segir Elín Björg Jóns-
dóttir, formaður BSRB. „Það eru
þeir þættir velferðarkerfisins
sem eru hvað viðkvæmastir fyrir
miklum niðurskurði.“
Ítrekað er að öflug opinber
almannaþjónusta sé aldrei jafn
mikilvæg og á krepputímum.
BSRB segir áform ríkisstjórn-
arinnar um þrepaskipt skattkerfi
í samræmi við stefnu þess um
tekjujöfnun enda sé bótakerfi rík-
isins nýtt til kjarajöfnunar. Um
leið er hvatt til þess að skattlagn-
ingu verði hagað á þann veg að
hún stuðli að fjölgun starfa. Svo-
kölluðum auðlegðarskatti er fagn-
að en varað er við umtalsverðum
hækkunum á virðisaukaskatti,
vörugjöldum og tollum. „Slík
skattheimta hækkar verðlag sem
hefur áhrif á neysluverðsvísitöl-
una og leiðir til hækkunar á höf-
uðstól verðtryggðra lána,“ segir
í ályktuninni. Að endingu hafnar
aðalfundur BSRB alfarið öllum
hugmyndum um skattlagningu
inngreiðslna í lífeyrissjóði. - bþs
BSRB er fylgjandi skattastefnu stjórnvalda en varar við áformum um niðurskurð:
Skattabreytingar í anda stefnu BSRB
ELÍN BJÖRG JÓNSDÓTTIR Formaður
BSRB óttast að óbætanlegt tjón kunni
að verða á velferðarkerfinu.
FRÉTTABLAÐIÐ/VILHELM
ÍSRAEL, AP Atlantshafsbandalagið
hyggst styrkja tengslin við Ísra-
el með því að bjóða ísraelska
hernum að senda herskip til liðs
við herflota NATO.
James Appathurai, talsmaður
NATO í Brussel, segir að banda-
lagið tengi starfsemi flotans ekki
á neinn hátt við „pólitíska atburði
í Mið-Austurlöndum“.
Fyrir hefur Ísraelsher verið
með fulltrúa hjá herflota NATO.
Skipið verður notað ásamt her-
skipum frá NATO-ríkjum til bar-
áttu gegn hryðjuverkamönnum
á Miðjarðarhafinu. Búist er við
að það verði sent af stað innan
nokkurra mánaða. - gb
Ísraelsher fær nýtt verkefni:
Ísraelskt skip til
liðs við NATO