Vikan - 18.08.1960, Blaðsíða 3
og utilegum; færu að dænii brezskra og kenndu
þeim að bjarga sér i hrauni og á jöklum, vaða
ár og finna áttir ■—- svo þeir standi ekki uppi
eins og aumingjar seinna meir ef lúxusbíllinn
bilar uppi á heiði. ViS verSum aS gæta aS þvi,
aS nú er hér aS alast upp ný kynslóð, sem
yfirleitt kann ekki einu sinni að ganga upp
stiga innanhúss.
VirSingarfyllst.
Ferðalangur.
Þótt höfundur sé ef til vill helzt til ein-
si'/nn á það, sem ungn kynslóðina snertir,
er tillagan athyglisverð. Það hefnr hvað
eftir annað komið fyrir og getur alltaf kom-
ið fyrir menn, sem eru á ferðalagi með
einhverjum farartækjum á landi, jafnvel i
hópferðum, að þeir verði, einhverra hluta
vegna, að bjarga sér á eigi nspýtur sem
cinstaklingar, og það ef til vill fjarri byggð.
Auk þess mundu unglingar hafa mjög gott
af slíkum átilegum undir stjórn og í forsjá
góðra og reyndra manna. Hvað brezku
skólaleiðangrana sneritr, má geta þess, að
Fuch, hinn frægi suðurskautsferðalangur,
hóf jökulgöngur sínar á Ok og Langjökul,
sem þátttakandi í einum slíkum leiðangri
— og virðist það nám liafa borið þar góð-
an árangur.
FLEIRT FEGURÐARDROTTNINGAR —
OG Á ÖLLUM ALDRI.
Kæra Vika.
Hvers vegna er aðeins efnt til fegurðarsam-
keppni fyrir kornungar stúlkur, sem eiginlega
eru ekki orðnar kvenfólk, livaS þá meira?
Hvers vegna ekki fegurðarsamkeppni fyrir
konur eftir aldursflokkum, minnsta kosti upp
að fimmtugu? Ég er viss um, að það mundi
þykja spennandi, og verða með miklu meiri
menningarbrag en þessi stelpusamkeppni, sem
er runnin undan rótum bandarískra lamba-
ketsbraskara. Fegurð kvenna er ekki bundin
neinu sérstöku aldursskeiði, hvert þeirra um
sig hefur sinn sjarma enda þótt bikiníbað-
fatnaður og læranekt eigi ekki við þau öll.
Ég skora á ykkur að koma þessu af stað, feg-
urðarsamkeppni í að minnsta kosti fjórum
aldursflokkum.
Virðingarfyllst.
Ein í öðrum flokkí,
Þetta .er .laukrétt. .Fegruðarsamkeppni
kvenna i fyrsta, öðrum, þriðja og fjórða
flokki — undanrásir í fyrsta og öðrum
flokki í Tívoli í kvöld, í þriðja og fjórða
flokki annað kvöld — því ekki það. Fyrsti
flokkur í bikínileppum, annar á beíbídoll-
náttfötum, þriðji í selskapskjólum, fjórði i
pels eða skautbúningi ég er ekki í
neinum vafa um að fólk mundi þyrpast
að. Og ætli það gæti ekki farið svo, að
sú sem væri „helzt elzt“ hlyti mesta lófa-
klappið, þegar fegurðardrottningarnar
gengju fram, allar fjórar ....
ANNAÐ MAT Á HLUTUNUM HÉR ....
Kæra Vika.
Efnuð, þýzk menntakona var gestur hjá okk-
ur hjónunum um tima i sumar, og hún trúði
mér fyrir þvi, þegar við vorum farnar að kynn-
ast nokkuð, að hún væri steinhissa á því að
við hjónin — maðurinn minn á vist að kall-
ast embættismaður — skyldum búa í háhýsi.
Hún sagði að allsstaðar erlendis, þar sem hún
þekkti til, en hún hefur ferðast mikið, þætti
það ekki tiltakanlega fínt að búa i stórum
blokkum eða háhýsum, fólk gerði það aðeins
af illri nauðsyn og þá helzt það fólk, sem ekki
þyrfti að hugsa svo mikið um almennings-
álitið. Mér þótti þetta skjóta heldur skökku
við almenningsálitið hér, þar sem blokkirnar
þykja fínar, en þetta sagði hún.
Vinsamlegast.
Þetta er þó, svo sannarlega, eitt af þvl
sem ekki er hægt. Hugsið ykkur — að kom-
ast svona allt i einn að raun um, að það
sem við héldum að væri fint, sé bara alls
ekkert fínt, þar sem það þyki ekki fínt í
útlöndum. Það er eins og mig minni
að ég hafi einhverntima lesið sögukorn,
gott ef hún var ekki eftir eitthvert ,,fínt“
skáld og þá vitanlega löngu dautt úr vesöld,
en sú saga var um vinnukonu eða heima-
sætu, sem táraðist út af þvi að geta ekki
tuggið upp á dönsku, því að það hlaut að
vera fint. Ætli það fari ekki nokkuð eftir
íbúum húsanna sjálfum, í hvaða húsum er
fint að búa og hvaða ibúar eru öðrum
finni. ...............................
ÞORSKAKÓNGUR ....
Kæri póstur.
sambandi við „sjóstangaveiðina", sem þið
megið víst ekki heýra nefnda þvi nafni, hafa
koinið fram ýmsar sögusagnir um það, hvað
stærstu þorskar sem veiðst hafa hér við land
ekki á stengur, heldur yfirleitt með þeim veið-
arfærum, sem tíðkast — hafi verið stórir og
þungir, en enginn virðist vita vissu sína um
það. Hvernig væri að efna til enn einnar
keppni og það dálitið nýstárlegrar ■— um þorsk
ársins, þann mesta og þyngsta, og mætti sá,
sem veiddi hann, hvernig svo sem hann færi
að því, heita þorskakóngur. ÍÞetta gæti orðið
til að hæna sportveiðimenn hingað, ef þeir
fengju staðfest hvílikir golþorskar eru hér í
sjó.
Gamall þorskabani .
Þvi ekki það. Sportið fyrir öllu — ís-
land ferðamannaland og allt það. Þetta
kvað „gefa valútu“ og valúta er fyrir öllu.
Svo er bara þetta, hvar skyldu þorskarnir
vera mestir þorskar.
ÞVOTTALÖGUR
SÖLUUMBOÐ:
SkiphoH Vr
SKIPHOI-Tl 1 ■ HEVKJAVIK
SIMI 2-3737.
ÞVÆR ALLT
ILMAR DÁSAMLEGA
SÉRSTAKLEGA ENDINGARGÓÐUR
FER VEL MEÐ HENDURNAR