Vikan - 22.05.1980, Blaðsíða 31
I
Popp_______
★★★★★★★★
Ýmist hataðir eða elskaðir
*
★
*
*
Arið 1973 hittust þeir New Yorkbúar
Gene Simmons og Paul Stanley i
samkvæmi í heimaborg sinni og ákváðu
að stofna rokkhljómsvejt sem hefði það
að markmiði að slá allt og alla út hvað
búninga og skraut snerti. Fyrst á annað
borð popparar notuðu ljósabúnað ýmiss
konar auk tækja og tóla á sviði til að
gera framkomuna tilkomumeiri var eins
gott að gera slikt hið sama og það svo
um munaði — stíga skrefið til fulls. Þeir
félagar fengu til liðs við sig trymbilinn
Peter Criss og gítarleikarann Ace
Frehley og útkoman varð hljómsveitin
Kiss sem þegar vakti athygli í New York
og þá fyrst og fremst fyrir yfirþyrmandi
íburð I búningum og skrauti á sviði. 1
fullum skrúða likjast þeir kossar meira
framandi verum en manneskjum. Dular-
gervi þeirra ættu vel heima í svæsnustu
hryllingsmyndum (sjá mynd) og án
þeirra þekkjast þeir alls ekki — það var
líka ætlunin í upphafi. Hljómleikar
þeirra likjast mest skrautsýningum og
mætti því kannski alveg eins tala um
sjónleika. Sviðið er eitt iðandi ljósahaf.
reyksprengjur hér og þar, sírenur væla,
marglitar rakettur svífa um og maskínur
spúa eldi og Ijósregni yfir svið og áhorf-
endur. Mitt í þessum glæringum og
hamagangi standa fjórmenningarnir,
klæddir sem áður greinir, og framleiða
sitt rafmagnaða rokk af miklum móð.
Eðlilega gengu þeir fram af mörgum
og var farið unt þá ófögrum orðunt i
blöðum og tímaritum — og er reyndar
gert enn. Hinu er ekki að neita að með
tíðu hljómleikahaldi, einkum í
Bandarikjunum, hefur hljómsveitin
orðið sér úti um tryggan aðdáendahóp
og plötur hennar, en þær eru orðnar 10
að tölu, seljast jafnan vel i heimalandinu
sem og víðar, t.d. í Þýskalandi.
Hljómsveitin Kiss hefur farið
hljómleikaferðir víða um heim, fyrst til
Evrópu árið 1976 og til Japans árið
1977. Síðustu tvö árin hefur
hljómsveitin að mestu starfað i
Bandarikjunum enda aðdáenda-
hópurinn stærstur þar. Gerðar hafa
verið tvær kvikmyndir með hljómsveit-
inni og eru það að sjálfsögðu hryllings-
myndir.
Vitað er að Kiss eiga sér aðdáendur
hér á landi — aðdáendur sem oft láta að
sér kveða á siðum blaðanna, ef goðin eru
áreitt eða þeim hallmæh á einhvern
hátt. Miðjumyndin að þessu sinni ætti
þvi að vera þeim kærkomin.
*
*
*
*
★★★★★★★★★★★
21. tbl. Vikan 31