Vikan - 22.05.1980, Qupperneq 33

Steiking við opinn eld eða glóð er ein
elsta matreiðsluaðferð mannkynsins og
ennfremur ein sú bezta.
Að undanförnu hefur þessi steikingar-
aðferð orðið æ vinsælli enda haldast
bragð- og næringarefni betur í matnum
sé hann matreiddur á þennan hátt.
Steikingvið trékolaglóð gefur auk þess
sérlega gott bragð af matnum.
Á
GlJÓÐARSTEIKING
v
Aðferðin er sú sama, hvort sem glóðað
er á rist sem lögð er á nokkra múrsteina
yfir holu sem gerð er í jörðina,^
eða notað er dýrt tæki með
ýmis konar auka þægindum.
Botninn er þakinn með
tvöfaldri álþynnu (venjul.
álpappír) og trékolin lögð j
í þunnt lag ofan á. Vætið
kolin með kveikilegi og
setjið annað lag af kolum
ofan á og vætið aftur í
með vökvanum. Kveikið
nú í kolunum og bíðið þar |
til hættir að loga og þunnt
grátt öskulag hefur myndast ofan á
glóðinni. (30—60 mín).
Nú má fyrst byrja að glóða.
Þeim mun meira sem notað er af kol-
um helzt hitinn lengur í glóðinni. Þegar
glóðin er brunnin er nauðsynlegt að
fjarlægja öskuna og hreinsa glóðartæk-
ið vel.
HENTUGAST
á
TILGLÓÐUNAR
r
Pylsur, hamborgarar, sundurhlutaðir
kjúklingar, buff, kótelettur og önnur
smá kjötstykki er auðvelt að glóða á rist.
Heilar steikur, t.d. læri, stóra vöðva og
heila kjúklinga er betra að glóða á
hverfiteini. Á glóðarrist má ennfremur
glóða blandaðar matartegundir á
prjónum. Þá er ágætt að hver maður
gæti síns prjóns og ákveði sjálfur hve
mikið steiktur maturinn á að vera. Á
hverjum prjóni má þá hafa margar eða
fáar tegundir matar að vild. Kjöt, fisk,
skelfisk, innmat, lauk, sveppi og annað
grænmeti.
Heilan fisk má líka glóða á ristinni.
Auðveldast er þá að glóða fremur smá-
an fisk, sem er fastur í sér (t.d silung)
en hægt er að fá sérhönnuð glóðarnet
með handfangi, sem gera mögulegt að
snúa fiskinum í heilu lagi, án þess að
hann detti í sundur
Fiskflök er bezt að vefja i álþynnu og
glóða þannig.Flökin eru þá krydduðog
örlítið smjör eða smjörlíki er látið með,
einkum ef um ýsu eða annan magran
fisk er að ræða.
Bakaðar kartöflur henta ákaflega vel
með glóðarsteiktum mat. Veljið stórar
kartöflur, þvoið þær vel, vefjið hverja
fyrir sig í álþynnu og leggið á ristina eða
beint á glóðina. Á sama hátt má með-
höndla flestar tegundir gærnmetis.
Pylsur 2—5 mín. Nærri glóðinni.
Hamborgarar. 3—4 mín. á hvorri hlið. Nærri glóðinni.
Kjúklingalæri. U.þ.b. 20 mín. alls. 8—10 cm. frá glóðinni.
Enskt buff. 3—4 mín á hvorri hlið. Nærri glóðinni.
T-bein steik. 6—8 mín. á hvorri hlið. 8—10 cm. frá glóðinni.
Entrecote. 10—12 mín. á hvorri hlið. 10—12 cm. frá glóðinni.
Svínakótelettur. 6—8 mín. á hvorri hlið. 6—8 cm. frá glóðinni.
Lambakótelettur. 3—4 mín. á hvorri hlið. 6—8 cm. frá glóðinni.
Hálfir kjúkl. 15—20 mín. á hvorri hlið. 10 cm. frá glóðinni.
Heilir kjúkl. 40—60 mín alls. 15 cm. frá glóðinni á hverfiteini.
Roast beef. 20—25 mín. alls. 5 cm. frá glóðinni á hverfiteini.
Svínakambur U.þ.b. 1 klst. Sem lengst frá glóðinni á hverfiteini.
Lambalæri. U.þ.b. 1 klst. Sem lengst frá glóðinni á hverfiteini.
Heill fiskur. 3—6 mín. á hvorri hlið. 6—8 cm. frá glóðinni.
Fiskfl. í álþ. 8—15 mín. alls. 6—8 cm. frá glóðinni.
Glóðarteinar. 8—15 mín. alls. 6—8 cm. frá glóðinni.
Stórar kart. 1—1‘A klst. Á rist eða í glóðinni.
21. tbl. Vikan 33