Vikan - 13.08.1981, Blaðsíða 63

Pósturinn
atriðið er að andlitið sé slétt og fellt
og lýtalaust og vöxturinn grannur
og spengilegur. Þrenn samtök
sýningarfólks eru starfandi í
Reykjavík, það eru Módel-
samtökin, Módel '19 og
Karonsamtökin. Heimilisföng
og símanúmer eru í símaskrá og
er einfaldast að hringja beint og
leita upplýsinga. Lysthafendur
Engan líma til að vera
saman
Sæll Póstur.
Ég er nú ekki ein af þeim sem eru vön að skrifa
Póstinum en nú datt mér í hug að fá álit þitt á smávanda-
máli. Ég er búin að vera með sama stráknum í 6 mánuði og
við erum mjög hrifin hvort af öðru (eða réttara sagt ég er
mjög hrifin af honum og ég held að hann sé hrifinn af mér,
að minnsta kosti segir hann það). En málið er það að við
getum mjög lítið verið saman. Hann er í skóla á veturna en
er að vinna á sumrin og þarf að vinna stundum á kvöldin
og um helgar. En síðan æfir hann fótbolta og er alla tíð á
einhverjum æfingum eða að spila þegar hann á frí. Ég
hugsa að síðan í vor höfum við átt svona 3-4 kvöld frí
saman og þá hefur hann endilega viljað fara í bíó eða til
einhverra krakka svo við erum aldrei ein. Ég vinn þannig
vinnu að ég þarf að taka vaktir svo þú getur ímyndað þér
hvað ástandið er gott. Mér fmnst þetta vera farið að hafa
áhrif á sambandið (við gátum þó verið mikið meira saman í
vetur) og ég hef reynt að tala um þetta við hann, en honum
virðist ekki finnast neitt athugavert við þetta. Ég hef meira
að segja verið að hugsa um að biðja hann að hætta ífót-
boltanum eða bara að segja honum að hann verði að velja
milli mín og fótboltans. Ef hann er hrifinn af mér, eins og
hann segir, þá hlýtur hann að geta verið meira með mér
heldur en fótbolta. Finnst þér að ég ætti að tala um þetta
við hann eða segja honum að velja? Mér fmnst ég vera
ferleg frekja? Hvað á ég að gera? Ég kæri mig ekkert um að
vera í einhverju öðru eða þriðja sæti. Góði Póstur, vertu
svo sætur að segja mér hvað þér finnst.
Ein útundan
Það er ekki auðvelt að ráðleggja af eða á í máli sem þessu.
Makar og kærustur (kærastar) íþróttamanna þekkja án efa
þetta vandamál og geta sagt svipaða sögu. Að setja stráknum
einhverja úrslitakosti væri rangt og ákaflega eigingjarnt af
þér. Fótboltinn er honum greinilega mikið áhugamál og þó þú
getir ekki átt beina hlutdeild í því er engin ástæða til að fyllast
afbrýðisemi. Reyndu að gera stráknum ljóst að þú viljir vera
meira ein með honum þegar tími er til. Hann er sennilega
félagslyndari en þú og gerir sér ekki grein fyrir að þig langi
frekar til að vera með honum einum þá sjaldan það er hægt.
Auk þess skaltu sýna íþrótt hans meiri áhuga en þú gerir, fara
með honum á leiki, koma og horfa á þegar hann er að spila og
því um líkt. í þriðja lagi verður þú að sinna eigin áhugamálum
og hafa meira samband við vini og vinkonur þegar strákurinn
er á kafi í öðru. Þú segir að þið hafið verið meira saman í vetur
þannig að þetta er frekar tímabundið mál. Margt kærustu-
parið verður nú að láta sér lynda að sjást ekki yfir sumar-
tímann þar sem fólk verður oft að vinna sitt á hvoru lands-
horninu eða jafnvel sitt í hvoru landinu. Pósturinn hefur ekki
trú á öðru en hægt sé að leysa málið með beggja vilja, en fýla
og frekja gerir yfirleitt aðeins illt verra.
taka þátt í námskeiði sem haldið
er á vegum samtakanna og
sækja að þvi búnu um
inngöngu. Fólk er yfirleitt ekki
yngra en sextán ára þannig að
þú verður sennilega að bíða í að
minnsta kosti tvö ár og
sennilega fleiri.
Sárleiðist
Kæri Póstur.
Éger 14 ára og er barnapía I
bæ sem ég kalla bara Z en ég á
ekki heima þar heldur annars
staðar á landinu, langt I burtu.
Mér sárleiðist hér IZ vegna
þess að ég kynnist engum og
mér finnst ég svo óörugg hér.
Ég sakna fjölskyldu minnar
hræðilega mikið og allra vina
minna. Ég gæti alveg farið
heim til mín ef ég þyrði bara
að biðja um það en vandinn er
sá að ég legg ekki út I það
vegna þess að fólkið sem ég er
hjá IZ sagði áður en ég kom
að það gœti ekki fengið neina
aðra stelpu ef ég fœri, en þá
vissi ég ekki að það yrði svona
hræðilega leiðinlegt í Z. Jæja,
góði Póstur, nú vona ég að þú
getir ráðlagt mér eitthvað I
þessu máli.
Bæ, bæ,
Ein I vanda.
Hvað er hægt að gera við
leiðindum? Það hlýtur að vera
nóg af hressu fólki í bænum Z
og eina leiðin til að kynnast því
er að fara út og reyna að finna
það. Eins og sagt er, ef
Múhameð kemur ekki til fjalls-
ins þá verður fjallið að fara til
Múhameðs. Krakkarnir i
bænum hljóta að safnast ein-
hvers staðar saman á kvöldin og
þá er að drífa sig þangað og slást
í hópinn. En það sakar ekkert að
láta fólkið sem þú passar hjá vita
af því að þér leiðist og ef til vill
getur það hjálpað þér á einhvern
hátt, en ekki gefast upp. Margir
ganga í gegnum svipað tímabil
þegar þeir fara í fyrsta sinn að
heiman en yfirleitt líður þetta
hjá . og eftir á verður þú
reynslunni ríkari.
Aðdáenda-
klúbbar
Háttvirti Póstur.
Ég ætla að senda þér nöfn á
tveimur aðdáendaklúbbum:
REO Speedwagon Fan Club,
1050 Carol Drive,
Los Angeles,
Ca. 90069,
USA
AC/DC Fan Club,
18 Watson Close,
Bury St. Edmunds,
Suffolk,
England
G G
Pósturinn þakkar pent fyrir og
vonar að einhverjir hafi gagn af.
Skop
33. tbl. Vikan 63