Menntamál - 01.04.1969, Blaðsíða 42

36
MENNTAMÁL
annarri vinnn. í september-nóvember 1968 mundu þessir
aðilar vinna að áætlun um skiptingu kennslu og námsefnis
á skólaár og hæfist samning námsefnis fyrir 11 ára bekk og
I. bekk í desember 1968. (Mynd 5.) Þeirri samningu lyki
í lok júní 1969, og gæti tilraun með liið nýja kennsluefni
hafizt samtímis í 11 ára og I. bekk í fáeinum skólum í
september 1969. Til þessara tilrauna yrðu valdir 5—10
kennarar, sem kenndu hið nýja efni í 5—10 bekkjardeildum
hvors árgangs. Þeir mundu styðjast við erlendar kennara-
handbækur og kenna í nánu samráði við höfunda náms-
efnisins. í stað þess að kenna 1\/2 vikustund í 11 át'a bekk
allan veturinn væri ltagkvæmara að kenna 3 vikustundir
fyrri helming vetrar. Á sama hátt mætti kenna 4 viku-
stundir í I. bekk fram að jólum. Með þessu móti lyki fyrstu
tilraun með námsefnið í árslok 1969, og yrði þá (mynd 6)
hafizt handa um breytingar á námsefni samkvæmt fenginni
reynslu og bækur búnar til prentunar í litlu upplagi. Jafn-
framt yrðu samdar handbækur fyrir kennara eftir fyrirmynd
erlendra bóka og reynslu kennara. Þá yrðu undirbúin kenn-
aranámskeið og þau haldin í ágúst og september 1970. Er
gert ráð fyrir, að um 70 barnakennarar og um 45 kennarar
á unglingastigi sæki þetta fyrsta námskeið, en það er um
helmingur þeirra kennara, sem áætlað er, að annist þessa
kennslu á skyldunámsstigi. Að námskeiði loknu er gert ráð
fyrir, að kennarar búi sig undir kennslu í 11 ára bekk og
I. bekk, og verði nú hafin almenn kennsla í þessum bekkj-
um síðari hluta vetrar þ. e. jan.—apríl 1971.
Samning námsefnis fyrir 12 ára bekk og II. bekk yrði
liafin í ágúst 1969 (mynd 5) og unnið að undirbúningi al-
mennrar kennslu þess á sama hátt og áður er lýst fyrir 11
ára bekk og I. bekk. Myndirnar 6—9 sýna ennfremur,
Jtvernig nýju námsefni yrði komið á í III. bekk í janúar
1973 og í IV. bekk veturinn 1973—1974.
Gert er ráð fyrir, að á árinu 1973 þurfi að endurskoða
námsefni 11 ára — III. b. í heild, áður en kennslubækur