Vorið - 01.07.1934, Blaðsíða 12
52
VORIÐ
Landið mitt.
Margir merkir menn halda því
fram, að ísland sé eitt hið feg-
ursta land í heimi. Við vitum
ekki fyrir víst hvort svo er, en
hitt vitum við öll, að fsland er
fagurt land. í fornöld var það
svo, að sá þótti varla vera mað-
ur með mönnum sem ekki »fór
utan«, og enn er það svo, að
fjöldi fólks tekur sér ferð á hend-
ur til annara landa, annaðhvort
til skemmtunar, eða í öðrum er-
indum. Af þessum ferðum má
mikið læra, en stundum er það
svo, að þeir sem fara utan til að
sjá fagra staði, eru svo ókunn-
ugir í sínu eigin landi, að þeir
hafa varla komið út fyrir sveit-
ina sína, hvað þá séð alla hina
óteljandi fögru staði, sem land
okkar á, bæði í byggðum og ó-
byggðum. Þetta má ekki svo til
ganga. Það er ekki nóg að þið,
ungu vinir, lærið um landið ykk-
ar í landafræðinni ykkar. Þið
verðiö að sjá það og skoða eins
og ykkur er mögulegt. Og einmitt
nú er að verða sú gleðilega breyt-
ing' á þessu, að börnin eru nú
farin, meira en nokkru sinni áð-
ur, að skoða landið með eigin
augum, og það gera þau á hinum
svonefndu námsferðum, sem nú
eru að verða svo algengar meðal
íslenzkra sliólabarna. Fyrir fáum
árum þekktust ekki þessi ferða-
lög, en nú hafa flestir eða allir
kaupstaðaskólarnir tekið þau upp
og einnig margir kauptúna- og
sveitaskólar, og líklega hafa
aldrei verið farnar eins margar
og langar námsferðir og í vor.
Einn bekkur úr Reykjavík fór t.
d. alla leið norður í Mývatnssveit.
Börn úr Hafnarfirði norður í
Vaglaskóg og austur í Skafta-
fellssýslu. Börn af Akureyri aust-
ur í Mývatnssveit og Axarfjörð.
Börn af ísafirði austur í Rangár-
vallasýslu. Börn af Siglufirði
vestur í Húnavatnssýslu. Börn af
Blönduósi heim að Hólum í
Hjaltadal o. s. frv. Þð að þið eig-
ið öll góða skóla og góða kennara,
sem ég efast ekki um, er ég alveg
viss um, aö þessar ferðir eru ykk-
ur lær^ómsríkari og minnisstæð-
ari en langt nám inni í skóla-
stofu, og einmitt þess vegna eigið
þiö að vinna að því aö þessar
námsferðir verði farnar frá
hverjum einasta skóla á hverju
sumri.
Þið eigið að vinna að því á vet-
urna, samhliða náminu, að safna
fé í ferðasjóði, er greiði svo
kostnaðinn við námsferðirnar.
Þið getið haldið smáskemmtanir,
fengið að selja merki, haldið
hlutaveltu o. fl. til að safna í
sjóðinn, og þegar flestir skólar
hafa tekið þessi ferðalög upp,
getið þið gert ferðirnar ódýrari
með því að hjálpa hvert öðru, t.
d. að börn úr Reykjavík þurfi
ekki að kosta sig á Akureyri, ísa-
firði, Sauðárkróki o. s. frv. og