Iðunn : nýr flokkur - 01.01.1930, Blaðsíða 33
ÍÐUNN
Á Alþingi 1631.
27
var bróðir Þorleifs á Hlíðarenda — var lang-hæstur
maður á öllu Islandi.
Brynjólfur varð að borga fyrir sig:
— Eg ætla að leita til þess manns, sem nú er mestur
skartmaður hér á þinginu.
— Það er ég, svaraði Vigfús óðara, ég skal athuga
málið.
Herra Þorlákur hló.
— Eg ætla að leita til Magnúsar sýslumanns Björns-
sonar á Munkaþverá, sagði Brynjólfur einbeittur, hann
er nú ríkasti maður einhver í landinu, og við erum
systrasynir.
— Ekki er það mitt ráð eða consilium, svaraði herra
Þorlákur. Hann er mágur síra Gísla Oddsonar, við
urðum samferða að norðan, og hann dró engvar dulir
á fylgi sitt við systurmann sinn, þó honum lægi vel orð
til þín líka. Og þó hann sé vís til að meta við þig svo
mikla frændsemi, er það nógu óþægilegt að snúa þér
til hans í svipinn, hvað sýnist þér, Fúsi?
Vigfús Gíslason spratt upp:
— Eg vil ekki heyra fleiri ráðslagningar hér um. Þú
hefur sagt að þú mundir snúa þér til mesta skartmanns
á Alþingi, og eftir það fyrirgef ég þér aldrei, ef þú
leitar til Magnúss Björnssonar eða nokkurs annars en
mín. Nú gerum við út um þetta mál.
Hann settist aftur og ráðstafaði á svipstundu undir
gletni og gamanyrðum því, sem Brynjólfi Sveinssyni var
lang-mest alvörumál á þessari stund.
Meðan þetta gerðist í tjaldi Þorláks biskups, sátu
þrír menn við enn alvarlegra starf í tjaldi ekki langt
frá. Bænarskjalið til konungs var samið um kvöldið í
tjaldi Halldórs lögmanns og ritað af alþingisskrifaranum
— að fyrirsögn Arna Oddssonar.