Kirkjuritið - 01.05.1937, Blaðsíða 40
198
Erlendar fréttir.
Kirkjuritið.
og vel. Þess er óskandi, að svo verði einnig á íslandi og þessi
litli vísir megi dafna. Áhugi þeirra manna, sem málið hefir ver-
ið borið undir, virðist eindregið benda til þess, og munu innan
skamms verða haldnir fundir, þar sem almenningi býðst kostur
á að ganga í félagið. Útvarpið sjálft hefir verið þess hvetjandi,
að útvarpseigendur stofnuðu með sér félagsskap, og ætti því að
geta orðið styrkur að þessu félagi, er því vex fiskur um hrygg.
Á. G.
ERLENDAR FRÉTTIR.
Frá Rússlandi.
Eftir nýjustu fréttum frá Rússlandi að dæma, virðist mjög
hafa dregið úr guðleysishreyfingunni þar. Fyrir fáum árum
voru 5 miljónir í guðleysisfélögunum, en nú eru þær ekki nema
tvær. Nokkurum söfnum, sem ætlað var að breiða út guðleysi,
hefir verið lokað, og einum þess konar skóla, er í voru 3000
nemendur. Helmingur þjóðarinnar mun standa í einhverju
sambandi við kirkjuna og trúaráhugi glæðist meir en áður hjá
ungu kynslóðinni. Við síðasta manntal hafa um 40 af hverju
100 talið sig aðhyllast einhverja trú, og getur það þó hæglega
komið mönnum í ónáð hjá ríkisvaldinu. Alls reiknast svo til,
að 30000 rétttrúaðir söfnuðir séu í Rússlandi.
Guðleysisblöðin kvarta mjög yfir því, hve sóknin sé að linasl
gegn trúnni. Þau finna, sem er, að erfitt verður að spyrna móti
broddunum. Fyr eða síðar verður guðieysið að hrökkva und-
an krafti kristindómsins.
Trúmálaumræður á Þýzkalandi.
Nýlega hefir verið birtur útdráttur úr tveimur ræðum, sem
haldnar voru um trúmál á fundi í Þýzkalandi og þykja varpa
björtu ljósi yfir trúarástandið þar.
Fyrri ræðuna flutti hatrammur andstæðingur kristindómsins.
Honum fórust svo orð:
„Vér þörfnumst engrar fórnar fyrir syndir vorar. Þýzkt göf-
ugmenni drýgir ekki synd, hirðir ekki um yfirbót né þarfnast
neinnar náðar, ]jað stendur hnarreist frammi fyrir skapara
sínum og innir frjálst af höndum þau æfihlutverk, sem hann
hefir l'alið því. Þessi Asíutrúarbrögð, sem eru oss svo óskyld,
hafa lamað þrótt vorn. Þau ala upp vesalmenni og hræsnara.