Kirkjuritið - 01.12.1952, Qupperneq 74

280
KIRKJURITIÐ
messuðu þeir séra Friðrik J. Rafnar vígslubiskup og séra Helgi
Konráðsson, er prédikaði.
Fundinn sóttu alls 10 prestar af félagssvæðinu, en það nær
yfir Skagafjarðar- og Húnavatnsprófastsdæmi, og söfnuðust
þeir á fundarstað um kl. 4, ásamt sóknarfólki. Var þar sezt
að veitingum, sem húsfreyjur Staðarhrepps báru fram. For-
maður félagsins, séra Gunnar Ámason, setti fundinn og stýrði
honum. Bauð hann sérstaklega velkominn á fundinn séra Frið-
rik Friðriksson, sem staddur var í Skagafirði og var boðinn á
fundinn.
Umræðuefni hins almenna fundar var starf prestsins utan
kirkju, og fluttu þeir framsöguerindi séra Pétur Ingjaldsson
og Jón Sigurðsson alþingismaður á Reynistað, en síðar urðu
umræður, sem bæði prestar og sóknarmenn tóku þátt í. Milli
ræðnanna var almennur söngur undir stjóm Jóns Bjömssonar
bónda og söngstjóra á Hafsteinsstöðum. Fundinum lauk með
því, að séra Friðrik Friðriksson flutti bæn og drottinlega bless-
un og fundarmenn sungu.
Að loknum þessum almenna fundi héldu prestarnir félags-
fund sinn. Formaður minntist séra Guðbrands Björnssonar
prófasts í Hofsósi, sem flutt hefir af félagssvæðinu, og vottaði
honum þakkir. Þá bauð formaður velkominn nýjan félaga, séra
Ragnar Fjalar Lárusson í Hofsós. Samþykkt var að halda i
framtíðinni þeim hætti, sem nú er tekinn upp, að messa fund-
ardaginn í eins mörgum kirkjum og unnt er í nánd við fund-
arstað. Síðan var rætt frekar um framtíðarstarf deildarinnar
og kosin stjóm hennar. Skipa hana þeir séra Gunnar Ámason,
formaður, séra Helgi Konráðsson og séra Þorsteinn B. Gísla-
son.
Leiðréttingar. Á bls. 147 hafa orðið línubrengl. Skal því frá'
sögnin endurprentuð hér:
Frú Sigurlína Guðjónsdóttir, kona séra Roberts Jack 1
Grímsey, andaðist hér í bænum 2. marz s.l. eftir langa og þunga
sjúkdómslegu. Hún var fædd 15. febrúar 1908 að Þiðriksvöll-
um í Strandasýslu. Hún giftist séra Robert Jack 30. júní 1944.
Hún var kona hlédræg, hógvær og skyldurækin og helgaði
störf sín heimilinu og börnunum. Við andlát hennar er þung'
ur harmur kveðinn að eiginmanni hennar og ástvinum.