Kirkjuritið - 01.12.1962, Blaðsíða 37
KIRKJURITIÐ
467
um illa, enda væri Kölski sjálfur potturinn og pannan í öll-
um þeim athöfnum og orðræðum mannfólksins, sem væru á
hinn verri veg.
Viku seinna sat ég í skrifstofu prófastsins, og hann spurði,
hvort ég liefði verið í kirkjunni sunnudaginn áður. Ég játti því.
„Heyrðuð þér söguna af Siglufirði“, sagði liann. Ég játti því
líka. Þá sagðist hann hafa siglt lengi og oft komið til Islands, en
ekki sagði hann, hvort það var hann sjálfur, sem heyrði á tal
drengjanna á Siglufirði.
Ekki skal hér komið fram með neinar ímyndanir um trúar-
skoðanir prófastsins í Færeyjum, en prédikun hans bar vott
rélttrúnaðar á guðs heilaga orð, og að það hreint og ómengað
skuli prédikað í kirkjunum. Prestarnir í Færeyjum halda sig
við himininn í starfi sínu. Prófasturinn var talsvert strangur
á svipinn í stólnum, og liann benti söfnuðinum óliikað á það,
sem Biblían segir rétt og rangt, en heima í skrifstofunni var
liann ljúfmannlegur og gamansamur. Starfið er eitt, einkalífið
annað, sagði prófasturinn síðar, en þótt hann ætti þar ekki við
sjálfan sig má vera, að það gildi að einhverju leyti einnig fyrir
liann. Enda þótt trúin á Guð og réttvísin sé lionum ugglaust jafn
nærri í skrifstofunni og í stólnum, er maðurinn annar utan
kjóls en í honum.
— Hafið þér alltaf búið hér í Þórshöfn?
— Síðan ég varð prestur, lief ég alltaf þjónað Þórsliöfn, en
ég er fæddur og uppalinn í Klakksvík. — Þar eru tignarleg
fjöll. -
— Það er enginn prestaskóli liér, svo að þér liafið orðið að
læra í Kaupmannaliöfn?
—■ Já. Það var prestaskóli í kaþólskri tíð á Kirkjubæ. Síðar
var settur á stofn latínuskóli hér í Þórsliöfn, en svo fór, að of
fáir sóttu skólann, og hann var lagður niður. Nú er hér mennta-
skóli og margir færeyskir stúdentar sigla héðan hvert haust til
framhaldsnáms í öðrum löndum. Flestir fara þeir til Dan-
merkur.
— Hvað eru margir prestar hér í Færeyjum?