Ný þjóðmál - 01.06.1978, Side 4
4
NÝ ÞJÓÐMÁL
Fimmtudagur 1. júni 1978
Kosningastefnuskrá Sa
vinstri manna í Alþin^
íslendingar ganga nú til Alþingiskosninga
aö loknu kjörtímabili sem einkennst hefur
af því aö samstjórn tveggja stærstu f lokka
landsins ræður engan veginn viö brýnustu
úrlausnaref ni sem viö þjóðinni blasa. Verð-
bólga og sóun valda því, að þrátt fyrir met-
verð á útflutningi og árgæsku til lands og
sjávar er þjóðin illa á vegi stödd. Af koman í
utanríkisviðskiptum er afleit og félagslegt
ranglæti og misrétti veldur sífelldri ólgu og
óáran í þjóðlífinu.
Samtök frjálskyndra og vinstri manna
leggja f yrir kjósendur i kosningastef nuskrá
sem hér fer á eftir stefnumörkun í brýn-
ustu málum sem úrlausnar krefjast. Þau
byggjast að dómi Samtakanna á raunsæju
mati á aðstæðum og skírskota til allra
þeirra kjósenda, sem sjá og viðurkenna að
úrræði undanbragðalaus jafnaðar og
sannrar samvinnuhugsjónar koma best að
haldi við að ráða bót á þeim efnahagslega
og félagslega vanda sem að steðjar.
Réttindamál
Röðunarréttur kjósenda
Kosningalögum ber að breyta þannig, að
kjósendur framboðslista hafi ótvírætt úr-
skurðarvald um hverjir frambjóðendur af
þeim lista ná kosningu, og sameina þannig
eftir fögnum kosti hlutfallskosninga og
persónukjörs.
Vægi atkvæðis
Við endurskoðun ákvæða sfjórnarskrár-
innar um kosningar til Alþingis skal setja
reglu um vægi atkvæða ? strjálbýliskjör-
dæmum annars vegar og þéttbýlis-
kjördæmum hins vegar. Jafnframt skal á-
kveða, hversu mikið frávik frá þeirri reglu
skuli þurfa til að þingsætatala kjördæmis
breytist. Með þessu móti væri afstýrt til
frambúðar togstreitu um kjördæmamál.
Upplýsingaskylda
Lögfesta þarf skyldu stjórnvalda til að
láta í té upplýsingar um ák'varðanir og úr-
slit mála í opinberri umsýslu og f jármagns-
ráðstafanir opinberra sjóða.
Valddreifing
Lokið skal hið fyrsta endurskoðun á
verkaskiptingu rikis og héraðsstjórna,
þannig að verkef ni séu eftir föngum færð út
í byggðirnar til ákvörðunar og fram-
kvæmdaábyrgðar. Jöfnum höndum séu
sveitarstjórnum veitt umráð yfir tekju-
stofnum í samræmi við nýja skiptingu
verkefna.
Réttarvernd
Stofnað verði embætti umboðsmanns Al-
þingis, sem sé ábyrgur gagnvart þinginu og
óháður embættiskerfinu. Hlutverk umboðs
mannsins skal vera að fylgjast með að hver
þegn nái rétti sínum á öllum sviðum.
Koma ber á lögfræðiþjónustu fyrir al-
menning með viðráðaniegum kjörum.
Efnahagsmál
Atlaga gegn verðbólgu
Verðbólguþróun í landinu er komin á það
stig að ógnar efnahagslegu sjálfsforræði
þjóöarinnar, atvinnuöryggi landsmanna,
félagslegu réttlæti í þjóðfélaginu og lífs-
kjörum almennings. Atlaga gegn verðbólg-
unni með samræmdum aðgerðum i pen-
ingamálum, fjárfestingarmálum og at-
vinnumálum þolir enga bið. Viðnám við
verðbólgu verður að byggjast á þjóðhagsá-
ætlunum, bæði til langs tíma og hvers árs í
senn. Um gerð slikra áætlana þarf að takast
samstaða milli ríkisvaldsins og samtaka
launþega og atvinnuvega.
Rikisfjármál
l viðureign við verðbólguna verður ríkið
að ganga á undan með aðhaldssamri og að-
gætinni f jármálastjórn. Reka verður ríkis-
sjóð með verulegum greiðsluafgangi og
verja honum til að lækka óreiðuskuld ríkis-
ins við Seðlabankann.
Stöðvun skuldasöfnunar
Taka verður fyrir frekari skuldasöfnun
erlendis, bæði af hálfu opinberra aðila og
einkafyrirtækja.
Fækkun banka
Viðskiptabönkum í eigu ríkisins ber að
fækka í tvær ámóta öflugar bankastofnan-
ir, sem hvor um sig geti annast alhliða
bankaþjónustu. Vinna ber að sameiningu
banka sem ekki eru í opinberri eigu.
Fjárfes tingarsjóðir
Afnema ber sjálfvirkni í lánveitingum
fjárfestingarsjóða og færa yfirstjórn
þeirra úr höndum pólitískt kjörinna sjóðs-
stjórna í hendur ráðinna forstöðumanna,
sem fari eftir úthlutunarreglum sem Al-
þingi samþykki.
Verðjöfnunarsjóður
Verðjöfnunarsjóð sjávarútvegsins ber að
efla svo að hann sé í góðæri fær um að
safna fé sem ætla má að hrökkvi til að
vega upp á móti skakkaföllum af völdum
tímabundins aflabrests eða verðfalls.
Félagsleg fjárfesting
Gera ber skýran greinarmun á f járfest-
ingu sem ætluð er til arðgjafar í samræmi
við fullan f jármagnskostnað og fjárfest-
ingar sem ræðst af félagslegum sjónarmið-
um, þar sem ætlunin er að standa undir
f jármagnskostnaði með framlögum af al-
mannafé.
Ráðstöfun byggðafjár
Fjármagni úr Byggðasjóði skal skipt
milli héraða eftir þróunarþörfum sam-
kvæmt landshlutaáætlunum. Fjárveitingar
til einstakra verkefna skulu kjörnir fulltrú-
ar heimamanna annast.
Kjaramál
Gildi kjarasamninga
Að gefnu tilefry verður að gera þá kröfu
til Alþingis og ríkisstjórnar, að gildir og lög-
legir kjarasamningar séu ekki rofnir með
lagaboði.
Launajöfnun
l kjarasamningum ber að fylgja launa-
jöfnunarstefnu og hefta kjarakapphlaup
milli starfshópa.
Kjara trygging
Taka skal upp mat á því, hver lágmarks-
kjör beri að tryggja fólki með lágar eða
engar atvinnutekjur. Þeim sem í hlut eiga
ber að tryggja lágmarkskjör með greiðsl-
um úr almannatryggingakerfi eða nei-
kvæðum tekjuskatti eftir því sem við á.
Nýtt visitölukerfi
Vísitölubótakerf ið ber að taka til endur-
skoðunar og koma því i það horf, að greiðsl-
ur samkvæmt því falli að markmiðum
launajöfnunar og tryggingar lágmarks-
kjara öllum til handa.
A tvinnulýðræði
Koma skal á atvinnulýðræði á þann hátt
að starfsfólk fyrirtækja og stofnana eigi
patr i mótun starfsumhverf is og haf i áhrif
á val verkefna og leiða á starfssviðinu.
Öryggi og aðbúð
Tryggja skal fulltrúum starfsliðs aðstöðu
til frumkvæðis um athugun á hollustuhátt-
um og öryggi á vinnustað og úrbætur á því
sem áfátt reynist. Opinberar stofnanir sem
á þessu sviði starfa skulu efldar svo sem
þörf krefur til að gera þær skjótvirkar og
skilvirkar.
jr
U tvegsmál
Heildarstefna i veiðum og vinnslu
Gildandi ákvæði um veiðisvæði fiski-
skipa, veiðarfæri og verðlagningu sjávar-
afla ber að endurskoða, í því skyni að upp
verði tekin sarhræmd heildarstefna í fisk-
veiðum, sem beini sókn í vannýtta stofna
eftir því sem þörf gerist til að hlífa of veidd-
um stofnum meðan þeir eru að rétta við.
Sömuleiðis skal tekin upp mótun heildar-
stefnu i vinnslu sjávaraf urða, við það mið-
uð að saman fari hagstæð nýting afla og
f ullnæging atvinnuþarfa byggðarlaga. í þvi
skyni þarf að koma til löndunarstjórn eftir
landshlutum.
Innlend fullvinnsla
Ný fjárfesting í vinnslu sjávarafla á að
beinast að því að auka innlenda vinnslu á
af la og fuHvinna hann eftir því sem rekstr-
arhagkvæmni framast leyfir.
Útflu tningsfrels i
Afnema ber einkaleyfafyrirkomulag á
útflutningi, svo kostir samkeppni fái notið
sin á því sviði, en hindra að hún leiði til und-
irboða með því að ákvarða lágmarksverð á
afurðum til útflutnings.
Landbúnaðarmál
Fra mleiðsluáætla nir
óviðunandi er að framleiðsluaukning
búsafurða umfram það sem innanlands-
markaður torgar verði til þess að skerða
kjör bænda. Með lagasetningu þurfa sam-
tök bænda að fá umboð til að setja fram-
leiðsluáætlanir. Hverjum bónda sé frjálst
að búa eins oghann kýs, en þeir einir eigi
kröfu á fullu afurðaverði, sem þátt taka í
framkvæmd framleiðsluáætlunar.
Fra mleiðslusvæði
Landbúnaðarhéruðum á að skipta í fram-
leiðslusvæði, þannig að framleiðslan sé í
sem bestu samræmi við landkosti og mark-
aðsaðstæður á hverjum stað.