Sjómannadagsblaðið - 04.06.1961, Blaðsíða 22

Teikningum var lokið og bygging-
arleyfi fengin í árslok 1956 og var
þá þegar hafist handa um vinnu í
grunninum, verkið var boðið út 8.
janúar 1957 og samningar um húsið
fokhelt undirskrifaðir 6. febrúar
sama ár. Byrjað var svo á byggingu
hússins um vorið, er lokið var undir-
búningi í grunni. Samkvæmt reikn-
ingum Sjómannadagsráðs um síð-
ustu áramót voru komnar 5,2 millj-
ónir í þessa byggingu með vinnu í
lóðinni og vélaútbúnaði, sem þá var
búið að kaupa.
Þegar öllum framkvæmdum e|r
lokið og allt greitt má búast við að
byggingakostnaður þessa húss með
gólfteppum og öllum innréttingum
verði á 8. milljón krónur, og er það
lægri byggingarkostnaður en al-
mennt gerist nú í fullbúnum húsum
þar við bæfist svo um 3 milljónir,
sem er kostnaður við lóðina og kaup-
verð sýningarvéla og stóla sem urðu
meira en helmingi dýrari en áætlað
var, en mest af því fé rennur í ríkis-
sjóð sem innflutingsgjöld.
Byggingar Dvalarheimilis aldraðra
sjómanna eru allar teiknaðar af
Agústi heitnum Steingrímssyni
byggingafræðingi, er vann að þessu
verkefni af mikilli alúð. Byggingarn-
ar voru í upphafi hugsaðar sem ein
samræmd heild, og á því hafa engar
breytingar verið gerðar, nema að
fengið var leyfi til að stækka sam-
komuhúsið svo það kæmi að fyllri
og haganlegri notkun fyrir framtíð-
ina og umhverfið, sem óðum var að
breytast úr óbyggð í þéttsetna byggð
og teljum við, að það muni sýna sig
að þetta var raunhæf og viturleg
ráðstöfun, því við það kemur til-
kostnaðurinn margfallt fleirum að
notum. Agúst Steingrímsson hafði
rétt lokið við að umbreyta teikn-
ingunni með þetta fyrir augum, og
gera útboðslýsingu á byggingafram-
kvæmdunum, þegar hann féll frá á
bezta aldri, en hans undirbúningur
var kominn svo langt að á honum
var hægt að byggja. Byggingafélag-
ið Stoð h. f. hefur annast allar bygg-
inga framkvæmdir, loftræstinga og
hitunarkerfið er teiknað af Pétri
Pálssyni verkfræðingi, en lagt af
blikksmiðjunni „Vogur“ og Geisla-
hitun h. f. Rafmagnskerfið er teikn-
að af Jóni Skúlasyni verkfræðingi
með hliðsjón af teikningum Philip
í Hollandi en raflagnir gerðar af
Volta h. f. Páll Guðmundsson hús-
gagnaarkitekt hefur gert teikningar
af ýmislegu í forstofu. Terrage gólf
eru unnin af Glitsteini h. f. en mynd-
skreytingar þar með eftirmyndir af
félagafánum í forstofu eru gerðar
af Eggerti Guðmundssyni listmál-
ara. Harðviður er unninn af tré-
smiðju Sigurðar Elíassonar. Parket-
lögn á sýningarsviði af Olafi On-
undarsyni. Útidyr úr léttmálmi eru
settar upp af Rafmagnsverksmiðju
Hafnarfjarðar h. f. Himintungl þessi
eru sett til heiðurs fyrsta íslenzka
geimfaranum eins og segir í kvæði
Arnar Arnarsonar „Stjáni blái“,
„Horfi ég út á himinlána, hugurinn
eigir glæsimynd, mér er sem ég sjái
Stjána sigla hvassan beitivind aust-
ur af sól og suður af Mána sýður á
keipum himinlind.“
Sýningarvélarnar í húsinu eru
hinar þekktu Philip Todd A-O vélar,
en Micael Todd fékk á sínum tíma
Philips í Hollandi til að leysa vand-
ann varðandi þessa nýju tækni ásamt
American Optic og hefur Snorri B.
P. Arnar umboðsmaður Philips út-
vegað bæði tækin og tjöldin en hér
í kvöld er staddur einn af fram-
kvæmdastjórum Philips van der
Bilderbech.
Stólarnir, sem eru sérstaklega vel
gerðir og þægilegir eru frá Vestur-
Þýzkalandi umboð Georg Amunda-
sonar.
Starfsmenn kvikmyndahússins
hafa unnið að uppsetningu véla, svið-
tjalda og stóla og leyst það verk bæði
fljótt og vel af höndum.
Ótal margir aðrir koma til, sem
þarna hafa að unnið einhver verk
í lengri eða skemmri tíma og færum
við þeim öllum sérstakar þakkir.
Eg vil þakka ykkur öllum sem
unnið hafa að þessari byggingu fyr-
ir gott verk ykkar og áhuga að leysa
starí ykkar sem bezt af höndum og
er húsið sjálft bezta vitnið um hand-
bragð ykkar. Þá þökkum við hátt-
virtri ríkisstjórn, bæjarstjórn
Reykjavíkur og ótal nefndum og
ráðum opinberra starfsmanna, er við
höfum þurft að leita margskonar fyr-
irgreiðslu, og sem allir hafa af vel-
vilja og skilningi greitt götu okkar
við þessar framkvæmdir, en við
ýmislega eríiðleika hefur verið að
stríða á köflum og fögnum við því
nú að þessum áfanga hefur verið
náð.
Við teljum að hér sé um menn-
ingarlegan ávinning að ræða. Öll
varanleg og áþreifanleg fjárfesting
eru dagsverk hins vinnandi manns
dagsverk sem bjargað hefur verið
frá glötun.
Hérna við bóginn á þessu skipi
sem ég nú stend á og aldrei mun
sjó kljúfa, er steinn sem rifinn er
upp úr sjávarklöppinni að Gufuskál-
um á Snæfellsnesi. Þið ættuð ekki að
fara án þess að virða þennan stein
fyrir ykkur. Með djúpu kjölfarinu
sem sorfið er í hann ber hann vott
um mikið strit og svita horfinna kyn-
slóða útróðra manna. Þetta eru einu
sjáanlegu merkin um dagsverk
þeirra. Sjóbúðirnar og moldarhreisin
er þeir höfðust við í eru nú grónar
rústir, erfiði þeirra er gleymt. En
eru hin erfiðu dagsverk þeirra ekki
geymd í okkur, sem eftir lifum? Ef
þeir hefðu ekki erfiðað svo hart hefði
íslenzka þjóðin ef til vill dáið út.
Við skulum ávallt með þakklæti
minnast hinna gömlu sjósóknara. í
minningu þeirra höfum við reist þeta
hús. Blessuð veri minning þeirra
meðan íslenzk þjóð er til.
Hljómplatan Stjáni blái, eftir Sigfús Hall-
dórsson, er tilvalin vinargjöf á Sjómanna-
daginn.
★
Hljómplatan Stjáni blái, eftir Sigfús Ilall-
dórsson, fæst í hljóðfæraverzlunum.
★
Hljómplatan Stjáni blái, eftir Sigfús Hall-
dórsson, fæst á skrifstofu Hrafnistu og
skrifstofum sjómannafélaganna.
6 SJÓMANNADAGSBLAÐIÐ