Tímarit lögfræðinga - 01.07.1953, Page 46

172
Timarit lögfrceöinr/a.
nokkurnveginn sé talið víst, að ekki brjóti að nýju. Við
næsta flokk, þann næstbezta, ef svo má segja, eigi dómur
til eftirlits eingöngu, þ. e. a. s. þá brotamenn, sem talið
er, að þurfi stuðnings og umsjónar annarra til að komast
hjá nýjum brotum, en þó ekki svo gagngerðra aðgerða sem
vinnuskólavistar eða öryggisinnilokunar. Enda þótt hug-
myndin sé sú, að' brotamaður sé ekki í varðhaldi, hæli eða
neinskonar slíkri stofnun á eftirlitstímanum, er það talið
óhjákvæmilegt, að heimild sé til að svipta brotamanninn
frelsi um skamman tíma, hvenær sem er á eftirlitstíman-
um, þannig að umsjónin eða eftirlitið geti farið fram bæði
innan stofnana, sem til þess eru ætlaðar, og utan þeirra,
eftir því sem eftirlitsnefndin taldi þörf á.
Aðrir halda því fram, að dómsfrestunarleiðin með eftir-
liti og þessi síðastnefnda leið hljóti í framkvæmdinni að
verða svo svipaðar, að naumast sé það annað en orða-
leikur einn að gera þar upp á milli. Rjúfi brotamaður skil-
orð dómsfrestunarinnar, verði mál hans tekið upp að nýju
og honum dæmd refsing, og rjúfi hann eftirlitsskilmálana
eða eftirlitsmcnnirnir komi ekki tauti við hann, verði hon-
um ákvörðuð hælisvist eða einhver frelsissvipting, sem
jafngildi viðurlögunum að hinu leytinu. En hvað sem
þessum bollaleggingum líður, krefst eftirlitsfyrirkomu-
lagið fullkomins sérmenntaðs starfsliðs og tækja til þess
að það nái tilgangi sínum og þegar af þeirri ástæðu virðist
fjarlægt, að það komist á hér á landi í neinni svipaðri
mynd og er í nágrannalöndunum.
Samhliða umræðum á hinum Norðurlöndunum um eftir-
litsfyrirkomulagið er vitanlega mikið rætt um eftirlits-
starfsliðið og menntun þess, uppeldishæli, vinnuskóla, vist-
heimili o. s. frv. Allt skiptir þetta miklu máli um þýðingu
eftirlitsfyrirkomulagsins og í raun og veru stendur það
og fellur með þessum atriðum. En eins og nú standa sakir,
mun ekki vera ástæða til að fara út í þá sálma hér. Það
bíður síðari tíma.
Hámarksrefsing sú, sem skilorðsbinda má samkvæmt
dönsku og norsku hcgningarlögunum, er hin sama og hér