Tímarit lögfræðinga - 01.10.1985, Qupperneq 36

Þannig er slíkur flutningur heimill samkvæmt 2. tölul. 21. gr. á
samkomum, sem stofnað er til í góðgerðaskyni, til almenns mannfagn-
aðar, til kynningar á menntum og menningu eða til styrktar málefn-
um, sem að öðru leyti miða að almannaheill, enda komi ekki þóknun
fyrir flutninginn.
I öðru lagi er þess háttar flutningur heimill samkvæmt 3. tölul. 21.
gr. á mannfundum, sem ekki er stofnað til í atvinnuskyni eða ávinn-
ings, svo sem á samkomum skóla eða félaga, enda sé ekki g'reitt fyrir
flutninginn og aðgangseyrir ekki hærri en svarar beinum kostnaði.
Telja verður, að umrædd heimild sé þeim takmörkum bundin, að
flutningur verks megi ekki vera verulegt atriði þeirrar samkomu, sem
um er að ræða? enda þótt ekki sé kveðið skýrt á um það í umræddum
ákvæðum 21. gr. 1 samsvarandi ákvæðum dönsku höfl. er tekið af
skarið, að flutningur megi ekki vera „det væsentlige ved den pá-
gældende foranstaltning."
7.13. Afnotakvöð í þarfir guðsþjónustu og annarra kirkjulegra
embættisathafna.
Samkvæmt 4. tölul. 21. gr. höfl. er heimill opinber flutningur bók-
menntaverks eða tónverks, sem út hefur verið gefið og ekki er leik-
sviðsverk, við guðsþjónustu og aðrar kirkjulegar embættisathafnir.
Höfundur á rétt til þóknunar eftir reglum, sem menntamálaráðherra
setur, sbr. nú reglur nr. 232/1974.
7.14. Eintakagerð og birting opinberra umræðna og gagna
samkv. 22. gr. höfl.
Með nánari skilyrðum og takmörkunum, er greinir í 22. gr. höfl., er
heimil eintakagerð og birting umræðna og gagna frá opinberum full-
trúasamkomum, opnum dómþingum og almennum umræðufundum um
almenna hágsmuni.
Samkvæmt 1. málsgr. 22. gr. er heimil prentun, upptaka á hljóðrit
og önnur eintakagerð og birting á umræðum, sem fram fara í heyr-
anda hljóði á opinberum fulltrúasamkomum, og á gögnum, sem þar
eru lögð fram opinberlega og starfsemi þeirra varða. Sama gildir um
dómþing, sem háð eru fyrir opnum dyrum, nema dómstóll léggi bann
við birtingu tiltekinna gagna. 1 greinargerð með frumv. til höfl. er
tekið fram, að ekki sé heimilt að birta aðrar umræður en þær, sem
fram fari á opnum fundum og ekki önnur gögn, þótt fram séu lögð,
en þau, sem fundarstörf varða og talist geti beinn þáttur í þeim. (Sjá
Alþt. 1971, A-deild, bls. 1292).
106