Tímarit lögfræðinga - 01.11.1986, Blaðsíða 45
UFR 1977, bls. 809 (0.L.). Helene Jensen, Allan Florin og Knud Jensen
mod Viggo Larsen.
V átti fasteign, sem lánardrottinn L gerði aðför í 1. sept. 1975. Aug-
lýst var fyrirtaka í uppboðsrétti 20. nóvember þ.á., en V greiddi kröf-
una að fullu fyrir þann tíma og var uppboðskrafan afturkölluð.
Eigendur veðskuldabréfa, sem voru í skilum, gjaldfelldu þau, án þess
að V væri kunnugt um aðvörun þeirra, en heimild til slíkrar gjaldfell-
ingar var í ákvæðum skuldabréfanna. Dómurinn taldi, með hliðsjón af
því, að veðhæfni eignarinnar hefði aldrei verið í hættu og að gjaldfelling
bréfanna væri andstæð góðri venju í lánamálum (realkreditforhold),
að sýkna bæri V af kröfu um greiðslu allrar fjárhæðarinnar. Var á því
byggt, að með hliðsjón af atvikum væri gjaldfellingarheimildin ósann-
gjörn og andstæð 36. gr.
UFR 1978, bls. 678 (Bæjarþingsd.). Dansk Installations Alarmement
I/S mod Preben Jensen.
Bóndi nokkur undirritaði viðhaldssamning við fyrirtæki, sem hafði
með höndum eftirlit með raforkuvirkjum. Bóndinn las ekki samnings-
skilmálana og taldi sig vera að undirrita „eitthvað frá hinu opinbera",
er hann undirritaði samninginn, enda ekki haft tök á að kanna málið,
þar eð hann hefði verið upptekinn við að mjólka, og taldi sér trú um,
að hann gæti fengið lögregluna til aðstoðar síðar, ef þörf krefði. Þegar
honum varð ljóst, að hann hafði undirritað samning til 10 ára um við-
hald á raforkuvirkjum á jörð sinni, krafðist hann ógildingar á samn-
ingnum. Dómurinn komst að þeirri niðurstöðu, að með stoð í 36. gr.
samnl. bæri að fella samninginn úr gildi að hluta til og var samnings-
tíminn styttur í 6 mánuði.
UFR 1978, bls. 847 (0.L.). Birte Valler mod Finn Karlsen og Else Karl-
sen.
Fasteignasala E var falið að selja hús B. Hann sýndi K húsið og lagði
hart að honurn að undirrita kaupsamning, þótt honum væri ljóst,
að K gæti ekki staðið við þær skuldbindingar, sem fylgdu húsinu. K
undirritaði kaupsamninginn, en lionum var rift síðar vegna vanefnda
hans. I bótamáli B gegn K taldi dómurinn, að E umboðsmaður B hefði
fengið K til að undirrita kaupsamning'inn „i strid med god og redelig
handlemáde", og því bæri með tilvísun til 36. gr. að lækka skaðabætur
þær, sem K var gert að greiða vegna vanefnda hans á kaupsamn-
ingnum.
191