Ægir - 01.01.2000, Blaðsíða 28

SJÁVARÚTVEGSDEILD HA 10 ÁRA
Menntahefðin hefur
ekki veríð til staðar
- segir Jón Þórðarson, forstöðumaður sjávarútvegsdeildar Háskólans á Akureyri,
á tíu ára afmæli deildarínnar
„Þegar ég lít til baka og yfir starf deildarinnar á þessum tíu árum tel ég að þróun hen-
nar sé mjög nærri þeim hugmyndum sem lagt var upp með. Héðan fer fólk til starfa
í sjávarútvegi eftir að hafa hlotið góða almenna menntun í greininni, enda þó ekki sé
til neinn algildur mælikvaði um hvað sé góð menntun. Nema þá að sjávarútvegsfræð-
ingar eru eftirsóttir til starfa, bæði í sjávarútvegi og eins í ýmsum fyrirtækjum sem
starfa á hliðarlínu greinarinnar," segir Jón Þórðarson, forstöðumaður sjávarútvegs-
deildar Háskólans á Akureyri. Tíu ára afmæli deildarinnar var snemma í janúar og
ræddi Ægir ræddi við Jón af því tilefni.
Nemandi i sjávar-
útvegsdeild HA fær
leiðsögn hjá
Steingrími Jónssyni.
Þegar kennsla hófst í sjávarútvegsfræðum við Há-
skólann á Akureyri í janúar 1990 voru skráðir nem-
endur tólf talsins. Fjöldi nemenda hefur verið nokk-
uð rokkandi í gegnum árin, í vetur eru nemendur á
fyrsta ári níu, en flestir urðu nýnemar haustið 1994,
eða rúmlega fjörutíu. A bilinu 50 til 80% þeirra sem
innritast ná að ljúka náminu, sem tekur alls fjögur ár.
Brautskráðir sjávarútvegsfræðingar í dag eru 56. Jón
Þórðarson segir að deildin gæti tekið til náms mun
fleiri en innrita sig, fjörutíu nemendur á ári væri vel
viðráðanlegur fjöldi.
Jón segir jafnframt að því sé ekki að leyna, nú þeg-
ar hann metur tíu ára starf sjávarútvegsdeildarinnar
og árangur hennar, að margt hefði mátt fara öðruvísi
þó heildin sé góð. „Ég hefði viljað ríflegri fjárveiting-
ar, fleiri til að sinna kennslu og liðveislu fleiri sér-
fræðinga. Við höfum ekki farið mikið út í rannsókn-
arstarf. Almennr talað er efling þess bráðnauðsynleg
fyrir fslenskan sjávarútveg, til dæmis á þáttum eins
og veiðitækni og skipatækni. Á mörgum öðrum svið-
um hefur rannsóknarstarfi hins vegar verið sinnt vel,
til dæmis af sérfræðingum Hafrannsóknarstofnunar
og Rannsóknarstofnunar fiskiðnaðarins. Starf þeirra
hefur skilað fslenskum sjávarútvegi miklu, en sér-
fræðingar við útibú þessara stofnana hafa jafnframt
kennsluskyldu við sjávarútvegsdeildina - auk þess sem
ýmsir aðrir sérfræðingar eru hér stundakennarar."
Mikil tengsl
við fyrirtækin
I námi við sjávarútvegsdeild Háskólans á Akureyri
eru raungreinar grunnurinn; þ.e. stærðfræði, efna-
fræði, eðlisfræði og tölfræði. Rekstrargreinar eru um
þriðjungur námsins, en síðan koma greinar eins og
lífræn efnafræði, lífefnafræði, matvælafræði, efna-
fræði, skipatækni, fiskifræði og veiðitækni. Nám í
faggreinum verða nemendur að nokkru leyti að vinna
í samvinnu við sjávarútvegsfyrirtæki og þar segir Jón
að myndist mikilsverð tengsl nemenda við atvinnu-
greinina. „Margir af nemendum okkar hafa reyndar
ákveðinn bakgrunn áður en þeir koma hingað, hafa
unnið í fiski eða eiga fjölskyldutengsl við sjávarút-
vegsfyrirtæki. Auk þess eru samskipti nemenda á
námstímanum mikill lærdómur. Þá er æskilegt að í
náinni framtíð verði boðið upp á framhaldsnám við
deildina, þó engin stefna hafi í dag verið mótuð um á
hvaða sviði það ætti að vera.”
Jón Þórðarson segir að hann sakni þess nokkuð að
atvinnurekendur í sjávarútvegi skipti sér ekki meira
af starfi deildarinnar - og raunar hafi afskipti atvinnu-