Morgunn - 01.12.1966, Blaðsíða 15
MORGUNN
93
sem allir eru eins að gerð, og fletir þeirra merktir með töl-
um, t. d. 1-6. Þegar hjól þetta snýst, fellur úr því einn og
einn teningur niður á gólfið, segjum einn á hverri mínútu.
Þessa vél setur Rhine af stað í mannlausu herbergi, og end-
urteknar tilraunir sýna, að fullkomin hending ræður því,
hvaða hlið teninganna kemur upp á gólfinu. Nú endurtekur
hann þessa tilraun, en hefur þá mann viðstaddan, sem hann
í hvert skipti lætur hugsa sér ákveðna tölu og reyna að
beita sálarorku sinni til þess, að hún komi upp. Og það
merkilega kemur í ljós, að vissir menn virðast ótvírætt vera
gæddir því hugarafli, að sú tala, sem þeir hafa hugsað sér,
kemur upp miklu oftar en að þar geti verið um tilviljun að
ræða. Þeir iáta blátt áfram þá tölu koma upp á teningnum,
sem þeir sjálfir hugsa sér, að vísu ekki alltaf, en oftar miklu
en eðlilegt er.
Tíminn leyfir því miður ekki, að sagt sé hér frá fleiri
tegundum tilrauna dr. Rhine eða annarra frægustu dulsál-
fræðinga þessara tima. Segja má, að þær séu enn á byrjun-
arstigi, og nái ennþá yfir tiltölulega fá svið þeirra duldu
hæfileika, sem með okkur, eða réttara sagt í okkur, búa.
Eftir er t. d. að verulegu leyti að rannsaka forvizkuna, þar
sem fyrir eru sagðir ókomnir atburðir, og draumalífið, ekki
sízt að því er snertir draumvitranir og sálfarir í svefni, þar
sem sálin virðist fara úr líkamanum, sjá og skoða fjarlæga
staði, og jafnvel vísa þar á týnda hluti eða tapaðan fénað.
En um þetta allt er til mikill fjöldi frásagna trúverðugra
manna.
Þá hafa og þessar dulsálfræðilegu rannsóknir ekki enn-
þá beinzt nema að tiltölulega litlu leyti að því, sem Sálar-
rannsóknafélögin hafa haft mestan áhuga á, en það er sjálft
framlífið eftir dauðann og sambandið á milli þeirra, sem
látnir eru og hinna, sem lifa í líkamanum hér á jörð. Þetta
kann allmörgum að finnast tilfinnanleg vöntun og galli, og
er það í sjálfu sér harla eðlilegt. En - hvað biður síns tíma.
Og við nánari athugun sjáum við, að ítarleg rannsókn hinna
duldu þátta sálarlífsins og þeirra hæfileika, sem hún á þeg-