Fréttablaðið - 22.08.2011, Blaðsíða 8
22. ágúst 2011 MÁNUDAGUR8
Það er fólkið á
Norður-Jótlandi sem
ákveður hvernig á að eyða
peningunum í því héraði.
SUSANNE KIRKEGAARD
SÉRFRÆÐINGUR DANSKA
EFNAHAGSRÁÐUNEYTISINS
Golfmót Félags skipstjórnarmanna 2011.
Mótið verður haldið mánudaginn 29. ágúst á Keilisvellinum í
Hafnarfirði og hefst kl. 10.00. Allir núverandi og fyrrverandi
skipstjórnarmenn velkomnir ásamt fjölskyldumeðlimum
og gestum. Keppt verður um titilinn GOLFKAPTEINN ársins.
Nándarverðlaun á par 3 brautum. Um er að ræða punktakeppni
með forgjöf.
Léttar veitingar í mótslok.
Skráning á ab@skipstjorn.is eða í síma 5201280.
Mótsgjald kr. 2000
Hittumst hress og eigum góða stund saman.
M.b.kv. Golfdeild FS
EVRÓPUMÁL Danir hafa í rúman
áratug unnið skipulega að því að
bæta nýtingu styrkja Evrópu-
sambandsins, sem merktir eru
atvinnumálum eða ætlaðir hinum
dreifðari byggðum.
Þeir hafa fækkað milliliðum
og lágmarkað það fé sem fer í
stjórnsýsluna sjálfa. Ákvarðanir
um fjárveitingar eru teknar úti
á landi en ekki í höfuðborginni.
Gangi Ísland í ESB mætti gera
svipaða hluti þar, að mati Susanne
Kirkegaard, sem er sérfræðingur
danska efnahagsráðuneytisins í
atvinnu- og byggðastefnu ESB.
„Við höfum leitað leiða til að
laga þessar fjárveitingar að þörf-
um landsins sjálfs,“ segir Susanne,
sem heimsótti íslensk stjórnvöld á
dögunum og lagði til ráð í aðildar-
viðræðunum. Hún segir að stund-
um miðist styrktarsjóðir ESB helst
við aðstæður stórra ríkja. Ísland
sé hins vegar ekki stórt ríki.
„Þá þarf að spyrja hvort þetta
borgi sig. Hvort peningarnir
fari ekki bara allir í breytingar í
stjórnsýslu frekar en verkefnin,“
segir Kirkegaard. Hún hefur því
skoðað hvernig megi stýra þessum
fjárveitingum landinu til hagsbóta
og innan ramma ESB.
„Atvinnu- og byggðastefnan er
ekki eins og ein flík sem á að passa
öllum. Fjárfesting sem gengur vel
í Rúmeníu gengur ekki endilega
vel á Jótlandi,“ segir hún.
„Þess vegna höfum við sett
ákvarðanatökuna í hendurnar á
byggðunum. Það er til dæmis fólk-
ið á Norður-Jótlandi sem ákveður
hvernig á að eyða peningunum í
því héraði. Við skiptum Danmörku
í héruð og settum upp vaxtarráð í
hverju og einu. Vaxtarráðin útdeila
síðan fénu. Þannig mætti tryggja á
Íslandi að peningunum yrði ekki
öllum eytt í Reykjavík,“ segir hún.
Kirkegaard segir að í slíkum
ráðum sitji fólk sem búi á svæð-
inu, fulltrúar úr ýmsum geirum
samfélagsins, t.d. fulltrúar bænda,
menntastofnana, úr bæjarráði og
svo framvegis.
„Þetta fólk þekkir best styrk
og veikleika síns heimasvæðis og
getur ákveðið hvaða áherslur það
vill hafa hverju sinni í vaxtaráætl-
un. Það veit hvað er sérstakt við
svæðið og úr hverju þarf að bæta
og ef t.d. þarf að gera átak í heilsu-
gæslu er það bara auglýst og svo er
öllum opið að sækja um verkefnið.“
klemens@frettabladid.is
Fénu verði ekki ráð-
stafað fyrir sunnan
Sérfræðingur danska efnahagsráðuneytisins leggur til að á Íslandi verði sett á
fót ráð á hverju svæði til að ákveða hvernig eigi að eyða peningum úr byggða- og
atvinnusjóðum ESB. Heimafólk sé hæfara til þess en stjórnsýslan fyrir sunnan.
MIÐLAR REYNSLU Susanne Kirkegaard Brodersen hefur skoðað síðustu ár hvernig
best megi nýta ýmsa uppbyggingarstyrki ESB í Danmörku og nú miðlar hún reynslu
sinni til Íslendinga. Þessir sjóðir eiga að draga úr efnahagslegri misskiptingu og auka
samkeppnishæfni og atvinnu á einstökum svæðum innan ESB. FRÉTTABLAÐIÐ/STEFÁN
SKIPULAGSMÁL Gistiheimili verður opnað í húsinu við
Hafnarstræti 98 á Akureyri á næsta ári. Húsið hefur
staðið autt lengi.
„Við ætlum að opna næsta sumar,“ segir Geir Gísla-
son, framkvæmdastjóri Akureyri Backpackers, sem er
systurheimili Reykjavík Backpackers á Laugavegi. Nú
er unnið að því að fá öll tilskilin leyfi og að því loknu
verður hafist handa við endurbætur.
Húsið við Hafnarstræti var friðað í nóvember 2007.
Þá hafði staðið til að rífa það. Árið 2008 keyptu KEA
og Saga fjárfestingarbanki húsið með það að mark-
miði að gera það upp. Í fyrra var greint frá áhuga Foss-
hótela á því að starfrækja hótel í húsinu. Fosshótel
ætluðu að nýta byggingarétt fyrir aftan húsið en það
hyggst Akureyri Backpackers ekki gera.
„Við ætlum að nota húsið eins og það er,“ segir Geir.
Á gistiheimilinu verður pláss fyrir 102 gesti í tveggja
til átta manna herbergjum. Þá verður rekin upplýs-
ingamiðstöð fyrir ferðamenn á jarðhæð og þar verður
einnig kaffihús.
Geir segir gistimöguleika af þessu tagi lengi hafa
vantað á Akureyri. Gistiheimili og upplýsingamiðstöð
muni bæta fjölbreytileika bæjarins sem ferðamanna-
staðar. - þeb
Hús sem staðið hefur autt lengi á Akureyri fær nýjan tilgang á næsta ári:
Gistiheimili við Hafnarstræti
HAFNARSTRÆTI 98 Húsið leit illa út þegar ákveðið var að
friða ytra byrði þess árið 2007. Nú verður það gert upp og
tekið í notkun sem gistiheimili. FRÉTTABLAÐIÐ/ÞÓRUNN
DÓMSMÁL Ríkissaksóknari hefur
ákært þrjá karlmenn fyrir sér-
staklega grófa líkamsárás sem
átti sér stað við veitingastaðinn
Boston á Laugavegi í október
2010.
Mennirnir þrír, sem allir eru
á þrítugsaldri, eru sakaðir um
að hafa slegið fórnarlambið með
glasi í andlitið, slegið mann-
inn ítrekað í höfuð og líkama
og sparkað nokkrum sinnum í
hann þar sem hann lá á götunni
eftir að hann hafði fallið á flótta
undan ákærðu.
Við árás mannanna hlaut
fórnar lambið djúpan skurð fyrir
ofan hægri augabrún, djúpan
skurð á nefi sem náði að auga-
brún, litla skurði á enni hægra
megin, sem saumaðir voru með
alls 25 sporum, svo og eymsli
víða í líkama.
Ríkissaksóknari krefst þess að
þremenningarnir verði dæmdir
til refsingar og til greiðslu alls
sakarkostnaðar.
Þá gerir maðurinn sem
ráðist var kröfu um að árásar-
mennirnir greiði honum nær
eina milljón króna í skaðabætur.
- jss
Fórnarlamb krefur þrjá menn um nær eina milljón króna í skaðabætur:
Þrír réðust á einn og stórslösuðu
FYRIR DÓM Málið er höfðað fyrir
Héraðsdómi Reykjavíkur.
VÍSINDI Grænlandsjökull hefur
bráðnað hraðar í ár en vísinda-
menn höfðu reiknað með. Talið
er að bráðnunin árið 2011 verði
meiri en áður hefur þekkst.
Þetta sýna mælingar á Mittiva-
kat-jökli, sem fylgst hefur verið
með lengur en nokkrum öðrum
jökli á Grænlandi. Sambærilegar
mælingar hafa fengist frá öðrum
jöklum landsins.
Alls hefur Mittivakat-jökull
hörfað 1,3 kílómetra frá því
fyrsta ljósmyndin af honum var
tekin árið 1931. - gb
Grænlandsjökull minnkar:
Bráðnun aldrei
verið meiri
LANDBÚNAÐUR Matvælastofnun
greinir frá því að í júlí var tíðni
kamfýlóbaktersmits í kjúklingum
í sögulegu lágmarki. Reynslan
sýnir að á sumrin er smithættan
mest en með auknum smitvörnum
á alifuglabúum, til dæmis flugna-
neti á loftinntökum fuglahúsa,
tókst alifuglaframleiðendum að
halda smithættu í lágmarki.
Eftir nokkuð háan topp í
maí á þessu ári datt tíðni smits
snöggt niður aftur. Í júlí var tíðni
kamfýló bakters í heilum kjúk-
lingum á markaði einungis þrjú
prósent og hefur hún ekki verið
lægri síðan skráningar á slíkri
tíðni hófust árið 2007. - shá
Kamfýlóbakter í lágmarki:
Smit í kjúklingi
lítið í júlí
Á LEIÐ Í VERSLUN Góður árangur hefur
náðst í baráttunni við vágest.
FRÉTTABLAÐIÐ/HARI
DÓMSMÁL Lögreglustjórinn á
höruðborgarsvæðinu hefur ákært
þrjá karlmenn á milli tvítugs og
þrítugs fyrir fíkniefnalagabrot.
Mönnunum er gefið að sök að
hafa í desember á síðasta ári haft
í vörslum sínum tíu kannabis-
plöntur, 113 grömm af kanna-
bislaufum, rúm 700 grömm af
kannabisstönglum og rúm 350
grömm af maríjúana. Mennirnir
eru ákærðir fyrir að hafa ræktað
plönturnar og ætlað fíkniefnin til
dreifingar og sölu. - jss
Þrír karlmenn fyrir dóm:
Ákærðir fyrir
kannabisrækt
EFNAHAGSMÁL Verðbólga fer
hækkandi næstu mánuði og verð-
ur orðin sex prósent í október,
gangi spá greiningar Íslands-
banka eftir. Verðbólgan stendur
nú í fimm prósentum.
Spáin var kynnt í Morgun-
korni Íslandsbanka nýverið. Sam-
kvæmt henni fer verðbólga úr
5,0 prósentum í 5,4 í ágúst og svo
yfir sex prósent í október. Þá er
búist við því að hún haldist yfir
sex prósentum fram yfir áramót
en fari svo að lækka.
Helstu ástæður hærri verð-
bólgu á næstunni eru taldar vera
hækkunaráhrif vegna sumar-
útsöluloka og verðhækkanir á
íbúðamarkaði. - mþl
Spá greiningar Íslandsbanka:
Verðbólgan
stefnir yfir 6%
TÆKNI Viðskiptavinum Arion
banka býðst nú aðgangur að
Meniga heimilisbókhaldi í gegn-
um netbanka.
Meniga er vefur sem er sér-
hannaður til að aðstoða notendur
við að stjórna heimilisfjármál-
unum, setja sér markmið og nýta
peningana sína sem best.
Meniga flokkar sjálfkrafa
færslur af reikningum og kredit-
kortum. Þá geta notendur borið
útgjöld sín í hverjum útgjalda-
flokki saman við útgjöld annarra.
Loks setur vefurinn upp fjár-
hagsáætlun fyrir notendur byggt
á útgjöldum hvers og eins. - mþl
Ný kynslóð heimilisbókhalds:
Meniga nú í
Arion banka
1 Hvaða lið mættust í bikarkeppni
kvenna í knattspyrnu um helgina?
2 Hver sigraði í fatahönnunar-
keppninni Reykjavík Runway á
fimmtudag?
3 Hvað létust margir í ofsaroki í
Belgíu fyrir helgi?
SVÖR:
1. Valur og KR. 2. Harpa Einarsdóttir.
3. Fimm.
Fá gömlu nöfnin
Útgerðarfélag Akureyringa hefur nú
tekið við þeim tveim togurum sem
fylgdu með í kaupum Samherja hf.
á eignum Brims. Sólbakur EA 1 fær
aftur sitt gamla nafn Kaldbakur EA 1.
Mars RE 305 fær einnig sitt fyrra nafn,
Árbakur EA 5.
SJÁVARÚTVEGUR
VEISTU SVARIÐ?