Íslendingur - 28.08.1975, Blaðsíða 7
IMorðlensk fyrirtæki, norðlensk fyrirtæki, norðlensk fyrirtæki
Kvörtum ekki undan þungaskattinum ef hann leiðir til vegabóta
— segir forsvarsmaður Dráttarbíla hf.
— Við höfum bætt við okkur einum bíl á mánuði frá því að fyrirtækið tók til starfa í mai
sl. og hefur hin hraða aukning stafað af meira en nógu framboði af verkefnum. En auðvitað
getum við ekki búist við jafn hraðri aukningu lengi, þó reksturinn gangi vel.
Björn Kristjánsson, forsvarsmaður Dráttarbíla h.f.
Þetta sagði Björn Krist-
jánsson, forsvarsmaður
Dráttarbíla h.f., en það er
eina fyrirtækið norðanlands,
sem hefur eingöngu þunga-
flutninga á dagskrá sinni.
Dráttarbílar h.f. var stofnað
um áramótin en tók til
starfa í maí. Að því standa 6
aðilar, flestir ungir Akur-
eyringar. Fyrirtækið hefur
tekið að sér þungaflutninga
um allt land, en sl. mánuð
hafa bílarnir eingöngu verið
í því að flytja einingarhús
fyrir Verk í Reykjavík.
— Ég var búinn að ganga
með hugmyndina að þessu
fyrirtæki í maganum síðan
árið 1963, en um áramótin
gat ég komist að hagstæðum
kjörum um kaup á notuðum
Scanía Wabis bíl og þá byrj-
aði þetta að rúlla. Núna eig-
úm við þrjá bíla af þessari
sömu tegund með tilheyr-
andi dráttarvögnum og auk
þess erum við búnir að fá
okkur kranabíl með upp-
sláttarspili, sagði Björn.
Eins og gefur að skilja þá
er sumarið aðalannatími hjá
fyrirtæki sem þessu. Hafa
félagarnir í Dráttarbílum
h.f. nægileg verkefni fram á
haust, en þá hafa þeir hugs-
að sér að verja tímanum til
áramóta til viðgerða og við-
halds á bílunum.
— íslenskir vegir gera það
að verkum að viðhaldskostn
aður á bílunum verður mjög
mikill. Vegirnir eru harðir
og holóttir; hvort sem þeir
heita þjóðvegir eða eitthvað
annað, og þau eru ófá ævin-
týrin, sem maður getur lent
í vegna slæmra vega, sagði
Björn, — en þó vegirnir séu
ekki eins og þeir ættu að
vera þá teljum við okkur
samt hafa yfirburði yfir
flutningaskipin, sem keppa
við okkur um flutninga á
þungavöru. Við getum kom-
ið vörunni fljótar á áfanga-
stað og komið henni á leiðar
enda milliliðalaust. Oftast
verður varan líka fyrir
minna hnjaski þegar henni
er ekið landleiðina en þegar
hún er flutt á sjó þar sem
allra veðra er von.
í beinu framhaldi af þessu
kom Björn inn á þungaskatt
inn, sem hefur verið tölu-
vert í sviðsljósinu að undan
förnu, en fyrir skömmu
gengu í gildi lög um að gjald
mælar skuli ekki aðeins
vera í bílum heldur einnig á
dráttarvögnunum. Framveg-
is er skylt að greiða þunga-
skatt af hvoru tveggja.
Björn sagði að hann og fé-
lagar hans myndu ekki
kvarta undan þessum nýju
lögum, ef þau verða til þess
að meira fé verði varið til
þess að bæta þjóðvegina.
— En verði þungaskattur-
inn aðeins til þess að við höf
um minna fé milli handanna
til þess að standa straum af
viðhaldi og viðgerðum á bíl-
unum, þá finnst okkur
ástæða til þess að kvarta,
sagði Björn að lokum.
Stóraukið
teppaúrval
aklædadlilo
TtPPADFILD
Og enn aukum við úrvalið. Nú sýnum við
' ■* hverju sinni um 60 stórar tepparúllur — og
ekki nóg með það — þér getið þar fyrir utan
valið úr
yfir 100 sýnishornum
af hinum þekktu dönsku WESTON teppum,
sem við útvegum með tveggja til fjögurra
vikna fyrirvara. — Við bjóðum einnig skozkar
ryamottur og indverskar, kínverskar og tékk-
neskar alullarmottur.
Við sjáum um máltöku og ásetningu.
Teppadeild • Hringbraut 121 • Sími 10-603
Orðsending frá
Heilsuverndarstöð
Akureyrar
Frá 1. september n. k., verður Ungbarnaeftirlitið í
Læknamiðstöðinni einungis opiö á miðvikudögum
kl. 9 til 12 f. h.
Frá sama tírna verður símaviðtalstími hjúkrunar-
konu eftirlitsins á þriðjudögum kl. 13 til 15.
Sími 23773.
HEILSUVERNDARSTÖÐ AKUREYRAR.
Tilkynning frá
Stofnlánadeild
landbúnaðarins
Umsóknir uin lán vegna framkvæmda á árinu
1976 skulu hafa borist Stofnlánadeild landbúnað-
arins fyrir 15. september næstkomandi.
Umsókn skal fylgja teikning og nákvæm lýsing
á framkvæmdinni, þar sem meðal annars er til-
greind stærð og byggingarefni.
Ennfremur skal fylgja umsögn héraðsráðunautar,
skýrsla um búrekstur og framkvæmdaþörf svo og
veðbókarvottorð.
EÍdri umsóknir falla úr gildi 15. september næst-
komandi, hafi deildinni eigi borist skrifleg beiðni
um endurnýjun.
Reykjavík, 20. ágúst 1975,
BÚNAÐARBANKI ÍSLANDS
Stofnlánadeild landbúnaðarins.
ÍSLENDINGUR — 7