Íslendingur - 06.02.1980, Blaðsíða 6
••iprottir*••iprottxr*••iþi'ottir*•*iprottir*••iprottip««
----------------------N
Leikur
kattar
að mús
Það var ekki merkilegur
körfuknattleikur, sem lið
Þórs og Vestmannaeyinga
sýndu í Skemmunni á laug-
ardaginn. Var leikurinn liður
í bikarkeppni KKÍ og var
leikur kattarins að músinni.
Þórsarar höfðu algerlega
yfírburði og var ieikurinn
kominn i hreina leikleysu
undir lokin. Eini Ijósi punkt-
urinn var að varalið Þórs
fékk að reyna sig i stað þess
að velgja varamannabekk-
ina. Lokatölurnar urðu 107
stig Þórs gegn 61 stigi
Vestmannaeyinga.
Skagamenn
slógu
Þórsara úr
Bíkarnum
Þórsarar máttu þola tap fyrir
3. deildarliði Akurnesinga
um helgina á Skaganum, en
Skagamenn skoruðu 24
mörk gegn 19 mörkum Þórs.
Var leikurinn liður í bikar-
keppni HSÍ og þar með eru
Þórsarar úr leik.
Þórsarar voru yfir allan
fyrri hálfleikinn og allt fram í
miðjan seinni hálfleik. Þá
tókst heimamönnum að
jafna og komast yfir. Eftir
það var aldrei spurning um
hvoru megin sigurinn lenti.
Skagamenn voru baráttu-
glaðir, börðust allir sem einn
og hlutu umbun erfiðis síns
fyrir.
Sigtryggur Guðlaugsson
var markahæstur Þórsara
með 5 mörk, en Pálmi
Pálmason og Árni Stefáns-
son skoruðu 4 mörk hvor.
Jón Hjaltalín Magnússon
var markahæstur Skaga-
manna með 6 mörk.
^
6 - ÍSLENDINGUR
IP t-\ m m/j* IFLi
*íl im
_ ,M i flH* BKBr
„Gott skíðafæri“
„En mœtti að skaðlausu vera meiri snjór,“
segir fvar Sigmundsson, forstöðumaður Skíðastaða
„Það er gott skíðafæri í fjallinu núna og undanfarnar
helgar hefur verið hér toppaðsókn, enda gott veður“,
sagði fvar Sigmundsson, framkvæmdastjóri Skíðastaða
í viðtali við blaðið á mánudaginn. „Að vísu mætti að
skaðlausu vera hér meiri snjór, það er ekki óhætt að
renna sér þar sem manni dettur í hug. Hins vegar er
færið ágætt og allar skíðaleiðir vel troðnar. Einnig
höfum við troðið „trimm“ göngubrautir og verður reynt
að viðhalda þeim eins og aðstæður leyfa“, sagði ívar.
Hér fara á eftir upplýsingar
fyrir skíðaáhugafólk, sem
byggðar eru á fréttatilkynningu
frá Skíðastöðum.
. Allar skíðalyfturnar á Skíða-
stöðum eru opnar daglega frá
10 til 18:45 og togbrautirnar til
21:00. Um helgar eru allar lyft-
urnar opnar til 18:30. Skíða-
skólinn er tekinn til starfa. Á
daginn eru námskeið ætluð
börnum, en síðdegis og á
kvöldin eru námskeið fyrir
unglinga og fullórðna. Nánari
upplýsingar og innritun er í
Skíðastöðum.
Ivar Sigmundsson.
• Látið athuga
öryggisbinding-
arnar, hvort þœr
eru öruggar
Allir sem eru að taka fram
skíðabúnaðinn ættu að athuga
eða láta athuga stillingar á
öryggisbindingum og sérstök
ástæða er til að hvetja alla til að
fá sér bremsur á skíðin. Brems-
urnar eru svo mikð öryggistæki
bæði fyrir þann sem notar þær
og ekki hvað síst hina sem eru á
skíðum í fjallinu að við liggur að
skylda verði að nota þær. Það er
lítið gaman að verða fyrir skíði
sem rennur stjórnlaust t.d.
niður Strompbrekkuna.
Flestir sem koma í Hlíðarfjall
vilja vafalaust njóta þar útiveru
burt frá skarkala bæjarins.
Þessu fólki eru því vélsleðar
mjög hvimleið farartæki enda
eru þeir stranglega bannaðir á
skíðasvæðinu. Sérstaklega skal
benda vélsleðamönnum á að
göngulandið norðan við Stóru-
hæð er lika skíðasvæði en
töluvert hefur borið á því
undanfarna vetur að þar hafi
troðnar göngubrautir verið eyði
lagðar með vélsleðaakstri.
• Því góðir hunda-
eigendur, enga
hunda á skíða-
svœðinu
Fleiri og fleiri leggja það í
vana sinn að koma með hunda í
Hlíðarfjall og sleppa þeim þar
lausum. Af þessu hafa hlotist
margvísleg vandamál og marg-
ar fjölskyldur sem ætluðu að
njóta útiveru á svæðinu með
börnum sínum hafa mátt snúa
heim þar sem börnin eru hrædd
við hundana. Þessi ágæta af-
sökun hundeigenda „hann gerir
engum mein greyið" á bara ekki
við, 5-7 ára barn jafnvel eldra
veit nefnilega ekkert um hvenær
hundur er meinlaus og hvenær
ekki. Það er bara hrætt við
hundinn.
Því góðir hundaeigendur,
enga hunda á skíðasvæðinu,
það er bannað.
Á hverjum vetri kemur upp sá
orðrómur að gengdarlaust okur
sé á veitingum í Skiðastöðum.
Jafnvel hefur kennari við eina af
virtari menntastofnun bæjarins
ritað í eitt bæjarblaðið að verð á
veitingum að Skíðastöðum sé
tvö- eða þrefalt hærra en gengur
og gerist í bænum. Ástæðan
fyrir þessu er vafalaust sú að
flestir sem kaupa sér veitingar
að Skíðastöðum gera það að
jafnaði ekki í bænum og vita þar
af leiðandi ekki að rúnstykki
með osti kostar líka 560 kr.
niður í bæ. Þeir verðlistar sem
notaðir erú að Skíðastöðum eru
nefnilega fengnir á veitinga-
húsunum í bænum.
Verði góður snjór í vetur eiga
örugglega margir eftir að eiga
ánægjustundir í Hlíðarfjalli en
verum öll samtaka um:
Allir með skíðabremsur
Enga vélsleða
Enga hunda og dvölin í Hlíðar-
QalH verður ánægjulegri.
Alfreð
og Gunnar
potturinn
og pannan
í leik KA
Þeir bræður Gunnar og
Alfreð Gislasynir voru pott-
urinn og pannan í leik KA á
föstudagskvöldið gegn Aft-
ureldingu frá Mosfellssveit.
Skoruðu þeir samanlagt 23
af' 34 mörkum KA, Alfreð
15, en Gunnar 8. Sigur KA
var aldrei í hættu, en leikur-
inn var liður í Bikarkeppni
HSÍ. Komst KA í 5-1 í
byrjun og komst mest í 10
marka forskot, 25-15 um
miðjan fyrri hálfleik. Eftir
það fóru KA-menn að slaka
á og Afturelding saxaði á
forskotið, en ógnaði aldrei
sigri KA. Dómarar voru
Stefán Arnaldsson ogGunn-
ar Jóhannsson og stóðu sig
með ágætum.
Þórs-
stelpurnar
töpuðu
fyrir
stöllum
sínum í KR
Þórsstelpurnar máttu þola
tap gegn stöllum sínum úr
KR í 1. deildarkeppninni í
handbolta á laugardaginn.
Fór leikurinn fram á Akur-
eyri og lauk með sigri KR,
sem skoraði 14 mörk gegn
12. Leikurinn var sveiflu-
kenndur svo um munaði og
sigurinn gat lent hjá hvoru
liðinu sem var. Sennilega
hefði verið sanngjarnast að
liðin skiptu með sér stigun-
um. í upphafi var jafnt allt
upp í 6-6, en þá skoruðu KR-
stelpurnar 2 mörk og staðan
i hálfleik 8-6, þeim í vil. KR-
stelpurnar héldu sig við efnið
í síðari hálfleik. Þegar um
korter var til leiksloka höfðu
þær breytt stöðunni í 14-8,
en eftir það skoruðu þær
ekki mark. Hins vegar börð-
ust Þórsstelpurnar eins og
ljón og skoruðu 4 síðustu
mörkin í leiknum án þess að
KR stelpunum tækist að
svara. Þetta dugði þó ekki
til, en hefðu stelpurnar barist
þannig allan leikinn hefði
sigurinn verið þeirra.