Morgunn - 01.12.1989, Blaðsíða 12
KENNINGAR SILVER BIRCH
MORGUNN
Og síðan varð ég að leiðbeina honum til skilnings á þessum
sannleika andans. Fyrst leiddi ég hann til þess að kynna sér hin
margvíslegu trúarbrögð í efnisheimi ykkar, þar til hugur hans
gerði uppreisn og fór að verða það sem í ykkar heimi er kallað
að vera trúleysingi. Og þegar það tímabil hafði lokið hlutverki
sínu í hinni huglægu vakningu, þá var hann reiðubúinn fyrir
ætlunarverk mitt, sem var að tala í gegn um hann.
Ég leiðbeindi honum til fyrsta miðilsfundar hans. Ég hjálp-
aði honum til þess að komast í fyrsta þróunarhringinn. Og þar,
í þeim krafti sem var til staðar — gerði ég fyrst vart við mig —
reyndar mjög ófágað og hversdagslega, en það var samt sem
áður mjög mikilvægt, og mælti þar mín fyrstu orð í heim efnis-
ins í gegnum talfæri annars.
Frá þeim degi lærði ég sífellt betur og betur að ná tökum á
starfstæki mínu, þar til þeim árangri varð náð, sem þið sjáið
nú. Við höfum náð það langt að ég get komið öllum hugmynd-
um mínum til skila og alltaf skilið frá það sem tengist eigin per-
sónuleika miðilsins.
Og nú vildi ég gjarnan segja ykkur eitthvað frá hugsjón
minni. Þeir sögðu við mig: „Þú verður að fara í heim efnisins
og, þegar þú hefur fundið þér starfstæki, þá verður þú að beina
til hans samsinna sálum sem vilja aðstoða þig við að koma
skilaboðum áleiðis. Ég leitaði og fann ykkur öll og leiddi ykkur
saman.
En stærsta vandamálið sem ég stóð frammi fyrir var það að
ég varð að velja á milli þess hvort ég vildi koma aftur til þess að
færa ykkur þær sannanir sem heimur ykkar þarf til þess að
verða ánægður sjálfur — og þá meina ég efnislegar sannanir,
ekki andlegar, því heimur ykkar skilur þær ekki — eða hvort
ég kæmi sem kennari og kenndi sannleikann. Ég kaus erfiðari
kostinn.
Ég sagði að eftir öll þessi löngu ár með öllum þessum marg-
víslegu reynslutímum sem ég gekk í gegnum í heimi andans,
myndi ég snúa aftur og reyna að höfða, með hjálp kærleikans,
til þeirra sem ég ætlaði að reyna að kenna. Ég myndi höfða til
skynseminnar og dómgreindar þroskans, þróaðra og þess sem
10