Morgunn - 01.06.1991, Side 85

Guðjón Baldvinsson:
ÚTDRÁTTUR ÚR SKÝRSLU
UM STARFSEMI S.R.F.f. 1989/1990
(Flutt á aðalfundi félagsins í maí 1990)
Góðir félagar,
72. starfsári Sálarrannsóknafélags íslands er nú um það bil
að ljúka. Sjötíu og tveggja ára látlaus starfsemi segir í sjálfu
sér all mikið um málefni það sem við vinnum að og fyrir hjá
Sálarrannsóknafélagi íslands. Einu núkilvægasta ef ekki
mikilvægasta málefninu í okkar heimi, eins og það hefur
stundum verið nefnt. Og myndi þessi áhugi þjóðarinnar
hafa staðist svo vel sem raun ber vitni, þessara 72ja ára
tímans tönn ef grunnur málefnisins væri reistur á sandi, ef
aldrei kæmi það eitthvað fram í starfinu sem sannfærði fólk
um áframhaldandi líf ættingja og vina og margt það fleira
sem boðskapur spíritismans hefur fram að færa. Hræddur
er ég um að svo væri ekki. Aldur og viðgangur félags okkar
er því út af fyrir sig mikil sönnun þess að hér er svo sann-
arlega um afar raunveruleg málefni að ræða.
Vafalaust hafa á þessum liðnum 72 árum skipst á upp-
gangstímar og aðrir þar sem minna hefur verið um að vera.
Sb'kt hlýtur að vera lögmál í flestri félagsstarfsemi.
Nú jíegar horft er yfir þetta 72. starfsár Sálarrannsóknafé-
lags Islands sést að slíkir uppgangtsímar eru í starfseminni
að það nánast liggur við að mann setji hljóðan á stundum.
Við í stjórninni erum vart búin að meðtaka nýjar upplýs-
ingar um fjölda einstaklinga í félaginu hjá skrifstofustjóra
þess þegar hún er komin aftur með nýjar tölur, nánast
örfáum vikum seinna og er þá verið að tala um tölur sem
jafnvel skipta hundruðum. Enda hefur fjöldi félagsmanna
83