Morgunblaðið - 02.11.2009, Blaðsíða 2

2 Íþróttir
MORGUNBLAÐIÐ MÁNUDAGUR 2. NÓVEMBER 2009
Íþróttir Morgunblaðsins Hádegismóum 2, 110 Reykjavík, sími 5691100, netfang sport@mbl. is
Útgefandi Árvakur hf. Umsjón Sigurður Elvar Þórólfsson, seth@mbl. is , Víðir Sigurðsson, vs@mbl. is
Auglýsingar sími 5691111 netfang augl@mbl. is Bréfsími 5691110 Prentun Landsprent ehf.
Eftir Ívar Benediktsson
iben@mbl.is
„ÞAÐ var mikill flýtir á öllu í haust
og því eðlilegt að það taki sinn tíma
að koma sér fyrir á nýjum stað. Að
flytja á milli landa í hasti er ekki
hrist fram úr erminni. Flutning-
urinn kom snöggt upp á, ég kvaddi
félaga mína hjá GOG og Guðmund
Guðmundsson þjálfara með blendn-
um huga,“ segir Snorri Steinn sem
hefur æft með íslenska landsliðinu
hér á landi undir stjórn Guðmundar
síðustu daga.
Samningur Snorra við Rhein-
Neckar Löwen gildir aðeins fram á
vor. Hvað þá tekur við er óvíst
ennþá. „Ég er kominn inn í mikið
ævintýri hjá Löwen og ég ætla mér
bara að njóta þess meðan á því
stendur.
Það hefur verið mikil vinna að
koma sér inn í allt hjá liðinu, ekki
síst þar sem ég leik í stöðu leik-
stjórnanda og kom inn í liðið eftir að
keppnistímabilið er hafið og allt und-
irbúningstímabilið að baki. Það er
ekkert einfalt að koma sér inn í leik
liðs á skömmum tíma. Þar á ofan átt-
um við mjög erfiða leiki strax í upp-
hafi leiktíðar sem auðveldaði ekki
vinnuna. En upp á síðkastið höfum
við verið á finni siglingu.“
Tveir sterkir í hverri stöðu
Snorri Steinn segist hafa fundið
fyrir miklu trausti frá þjálfara og
samherjum strax frá byrjun. „Liðið
er með tvo leikmenn í hverri stöðu
og því get ég ekki ætlast til þess að
leika alla leiki frá upphafi til enda.
Ég hef fengið góð tækifæri sem ég
er alveg sáttur við. Auðvitað vill
maður alltaf leika meira, er ekki
þannig með flesta?“
Snorri Steinn segir allt vera til
alls hjá Rhein-Neckar Löwen og það
standi fyllilega undir því að vera
nefnt stórlið. Allur aðbúnaður leik-
manna sé eins góður og hugsast get-
ur og sá besti sem hann hafi kynnst
á sínum ferli hjá félagsliði. RN Lö-
wen er þriðja liðið sem Snorri Steinn
leikur fyrir í Þýskalandi.
Allt stærra í sniðum
„Þetta er allt stærra í sniðum en
ég á að venjast. Liðið er eitt af þeim
þremur bestu í Þýskalandi um þess-
ar mundir. Félögin gerast ekki mik-
ið stærri en það. Ég ætla bara að
njóta þess að leika fyrir liðið meðan
á því stendur. “
Ekkert hefur verið rætt við
Snorra Stein um hvort hann eigi
kost á nýjum samningi hjá RN Lö-
wen í vor þegar núverandi samn-
ingur rennur út. „Ég hef mest verið
að spá í að ná áttum og koma mér
fyrir í nýju umhverfi. Aðalmálið að
koma sér betur inn í liðið og leggja
sig fram í hverjum leik. Það á hug
minn allan um þessar mundir.
Hvað tekur við í vor er seinni tíma
mál. Ég hef lært það á ferlinum að
sýna þolinmæði og njóta líðandi
stundar. Ef maður fer að velta auka-
atriðum of mikið fyrir sér þá vilja að-
alatriðin oft fara í vaskinn. Ég er ró-
legur og tek einn dag fyrir í einu hjá
þessu frábæra liði,“ segir Snorri
Steinn Guðjónsson, sem náð hefur
afar góðum bata af erfiðum hné-
meiðslum sem héldu honum frá
keppni alla síðustu leiktíð.
Í ævintýri hjá Löwen
„Ég kann mjög vel við mig hjá Rehin-
Neckar Löwen en það tekur sinn tíma
að komast inn í þetta allt saman,“
segir Snorri Steinn Guðjónsson,
landsliðsmaður í handknattleik,
spurður um hin snöggu vistaskipti
sín frá danska liðinu GOG til þýska
stórliðsins snemma í september, eft-
ir að keppnistímabilið var hafið. Þá
vantaði þýska liðið leikstjórnanda og
keypti Snorra frá Danmörku.
Morgunblaðið/Brynjar Gauti
Silfrið Snorri Steinn Guðjónsson reynir að brjótast framhjá Nicola Karabatic í úrslitaleik Íslands og Frakklands á
Ólympíuleikunum í Peking fyrir rúmu ári síðan. Snorri leikur nú með einu af bestu liðum Þýskalands og Evrópu.
 Snorri Steinn segist ekkert vita hvort hann fái lengri samning hjá stórliðinu
 Aðalmálið að leggja sig fram og njóta þess að spila  Einn dagur í einu
Serena Willi-ams hafði
betur gegn systur
sinni Venusi, 6:2
og 7:6, í úrslita-
leik WTA-
meistaramótsins í
tennis sem fram
fór í Katar. Sig-
urinn tryggði Se-
renu 1,55 milljónir dala sem jafn-
gildir 190 milljónum króna. Hún
endurtók með þessum sigri leikinn
frá því á Wimbledon-mótinu fyrr á
þessu ári þegar hún vann Venusi
einnig í úrslitaleiknum. „Þetta er
frábær tilfinning. Ég bjóst engan
veginn við því að vinna hérna á þessu
móti því ég hef ekki æft svo mikið,“
sagði Serena eftir sigurinn.
  
Fylki hefur borist góður liðs-styrkur fyrir baráttuna í úr-
valsdeild kvenna í knattspyrnu
næsta sumar því kantmaðurinn
Fjóla Dröfn Friðriksdóttir skrifaði
undir samning við félagið um
helgina. Fjóla Dröfn kemur til Fylk-
is frá KR þar sem hún hefur verið
fastamaður í byrjunarliði undanfarin
ár. Hún hefur skorað 46 mörk í 92
leikjum í efstu deild og á að baki tvo
A-landsleiki.
  
Grótta, sem leikur í fyrsta skipti í1. deildinni í knattspyrnu næsta
sumar, hefur fengið liðsauka fyrir
baráttuna þar. Ólafur Páll Johnson,
sem hefur spilað með Fjölni und-
anfarin ár, er genginn til liðs við fé-
lagið, og einnig Grétar Ali Khan,
sem spilaði með Gróttu áður en lék
með Víkingi í Reykjavík í 1. deild-
inni í sumar.
  
Alfreð Finn-bogason,
knattspyrnumað-
ur úr Breiðabliki,
er kominn til Vik-
ing Stavanger í
Noregi þar sem
hann verður við
æfingar til
fimmtudags. For-
ráðamenn Viking hafa fylgst með
honum undanfarið og Egil Östen-
stad, yfirmaður knattspyrnumála
hjá félaginu, fylgdist m.a. með hon-
um í leik 21-árs landsliðsins gegn
Norður-Írlandi í október. Alfreð
kemur til Viking frá Genk í Belgíu
þar sem hann var til reynslu og fer
þaðan til enska liðsins WBA á
fimmtudaginn.
  
Kvennalið KA hélt áfram sig-urgöngu sinni á Íslandsmótinu
í blaki þegar það hafði betur gegn
Þrótti frá Neskaupstað í hörkuleik,
3:2, á Akureyri. Gestirnir unnu
fyrstu lotuna 25:22 og þá þriðju
25:16, en KA náði að snúa við blaðinu
og vinna síðustu tvær loturnar 25:21
og 15:9. KA hefur komið nokkuð á
óvart á þessari leiktíð og enn ekki
tapað leik.
  
Karlalið KA vann að sama skapigóðan sigur á Stjörnunni, 3:1,
norðan heiða í gær. Stjarnan komst
yfir með 25:23 sigri í fyrstu lotu en
KA vann þrjár þær næstu 25:22,
25:20 og 27:25..
  
Meb Kefle-zighi vann
sigur í New York
maraþoninu í gær
og varð þar með
fyrsti Banda-
ríkjamaðurinn í
yfir tvo áratugi til
að ná því. Hann
hljóp á tveimur klukkustundum, 9
mínútum og 15 sekúndum. Derartu
Tulu vann í keppni kvenna á 2:28.52.
Fólk sport@mbl.is
ÍSLENDINGALIÐIÐ Kristianstad,
undir stjórn Elísabetar Gunn-
arsdóttur, bjargaði sér frá falli í
sænsku úrvalsdeildinni í knatt-
spyrnu í gær. Kristianstad lagði
Hammarby að velli, 3:1, en keppi-
nautarnir í Piteå töpuðu fyrir Stat-
tena, 1:2. Þar með skilja sex stig
liðin að fyrir lokaumferðina og Pi-
teå er fallið ásamt Stattena.
Eftir stigaleysi fram undir mitt
sumar náði Kristianstad sér vel á
strik og þetta var fimmti sigurinn í
síðustu sex heimaleikjum liðsins.
Margrét Lára Viðarsdóttir lagði
upp tvö marka Kristianstad, en
hún lék allan tímann eins og þær
Guðný Björk Óðinsdóttir og Erla
Steina Arnardóttir. Hólmfríður
Magnúsdóttir var í leikbanni og
missti af leiknum af þeim sökum.
Ólína rekin af velli
Ólína G. Viðarsdóttir fékk rauða
spjaldið eftir aðeins hálftíma leik
þegar Örebro sótti Malmö heim í
gær. Hún fékk gula spjaldið strax
á 3. mínútu og aftur á 30. mínútu.
Malmö komst yfir en tíu leikmenn
Örebro jöfnuðu metin. Edda Garð-
arsdóttir spilaði allan leikinn með
Örebro en Dóra Stefánsdóttir er
frá keppni hjá Malmö vegna
meiðsla.
Linköping rauf veldi Umeå
Linköping vann stórsigur á
Umeå í uppgjöri toppliðanna, 4:0,
og tryggði sér meistaratitilinn í
fyrsta skipti. Þetta er söguleg nið-
urstaða því Umeå hafði unnið
deildina fjögur ár í röð og sjö sinn-
um á síðustu níu árum. Margrét
Lára Viðarsdóttir lék með Linköp-
ing fyrri hluta tímabilsins.
Kopparbergs/Göteborg átti líka
möguleika en tapaði fyrir Djur-
gården, 0:1, í Stokkhólmi. Þar hélt
Guðbjörg Gunnarsdóttir marki
Djurgården hreinu eina ferðina
enn og átti mjög góðan leik.
Svíar fá tvö sæti í Meistaradeild
Evrópu, eins og Íslendingar, og
Umeå og Kopparbergs/Göteborg
slást um það í lokaumferðinni um
næstu helgi. vs@mbl.is
Kristianstad
hélt sér í
deildinni
Í HNOTSKURN
»Snorri Steinn Guðjónssoner 28 ára gamall og lék
með Val áður en hann gerðist
atvinnumaður í handbolta.
Hann er leikstjórnandi ís-
lenska landsliðsins.
»Snorri Steinn lék meðþýsku liðunum Grosswall-
stadt og Minden en síðan með
GOG í Danmörku.
»Rhein-Neckar Löwenkeypti Snorra af GOG í
haust og þar leikur hann við
hliðina á Ólafi Stefánssyni og
Guðjóni Val Sigurðssyni.