Morgunblaðið - 07.10.2010, Blaðsíða 4
ertu skertur af Tryggingastofnun
líka. Þetta er í vaxandi mæli og
ekkert óeðlilegt að þetta sé gert.
Þetta er bara sjálfsbjargarvið-
leitni.“
Ekkert ólöglegt er við að lífeyr-
isþegar geymi peninga í bankahólfi
því sá frádráttur sem Trygginga-
stofnun reiknar með þegar hún
greiðir bætur byggist á fjármagns-
tekjum og ef þær eru ekki fyrir
hendi skerðast bætur ekki. Þetta
leiðir hins vegar til þess að ríkið
þarf að greiða meira í bætur og
verður af fjármagnstekjuskatti.
Neikvæðir vextir
Helgi sagðist ekki viss um að
þetta kæmi neitt verr út fyrir fólk
að geyma peningana í bankahólfum
frekar en á bankareikningum sem
héldu ekki í við verðbólguna. Fólk
þyrfti að greiða 18% skatt af vaxta-
tekjum og síðan væri það sem eftir
stæði notað til að skerða bætur frá
Tryggingastofnun, en auk þess
væru bætur líka skertar vegna
verðbóta sem fólk hefði ef það
FRÉTTASKÝRING
Egill Ólafsson
egol@mbl.is
Dæmi eru um að eldra fólk, sem
hefur fengið kröfu um endur-
greiðslu frá Tryggingastofnun
vegna fjármagnstekna, taki út pen-
inga af bankareikningum og setji
þá bankahólf. Innlánsvextir hafa
lækkað mikið og eru í flestum til-
vikum neikvæðir. Þær vaxtatekjur
sem fólk hefur verða síðan til þess
að tryggingabætur skerðast.
„Já, ég kannast svo sannarlega
við þetta,“ sagði Helgi K. Hjálms-
son, formaður Landssambands
eldri borgara, þegar hann var
spurður hvort fólk væri að taka út
peninga til að geyma í bankahólf-
um. „Fólk sem hefur nurlað ein-
hverjum peningum saman er í vax-
andi mæli að tala um að taka þá
bara út og leigja sér bankahólf
vegna þess að vextir af þessum
peningum eru neikvæðir þegar þú
ert búinn að borga skattinn og svo
geymdi fé á verðtryggðum reikn-
ingum.
„Þetta kerfi er komið í hreina
andhverfu sína. Það að fólk telur
betra að taka peningana sína út úr
bankanum og setja þá undir kodd-
ann eða í bankahólf lýsir kannski
best hversu mikil vitleysa þetta
kerfi er.“
Vextir hafa lækkað mikið síðustu
misserin og er ekki auðvelt fyrir
eldri borgara að fá góða ávöxtun á
sparifé sitt. Þeir eru í sömu stöðu
og lífeyrissjóðir sem ná almennt
ekki góðri ávöxtun á þessu ári. Líf-
eyrissjóður verzlunarmanna skilaði
t.d. -1,3% raunávöxtun á fyrri helm-
ingi ársins.
Samkvæmt tölum Seðlabankans
lækkuðu innlán í bankakerfinu um
70 milljarða á fyrstu sjö mánuðum
ársins. Leiða má líkum að því að
einhver hluti þessara peninga liggi í
bankahólfum. Það hefur komið
fram að við hrun bankakerfisins
tóku margir út peninga og lögðu þá
í bankahólf vegna þess að þeir
treystu ekki bönkunum.
Taka út peningana sína
og geyma þá í bankahólfi
Eldri borgarar bregðast við neikvæðum vöxtum og endurgreiðslukröfu TR
4 FRÉTTIRInnlent
MORGUNBLAÐIÐ FIMMTUDAGUR 7. OKTÓBER 2010
Þessir hressu kylfingar í Nesklúbbnum drifu sig
út á völl í blíðunni í gær. Hlýindin í haust hafa
verið kærkomin lenging á tímabilinu fyrir kylf-
inga, sem telja nú tugi þúsunda um land allt.
Golfvellir verða opnir eins lengi og veður leyfir,
eða þar til fer að snjóa og frost kemur í jörðu.
Enn eru vellirnir iðjagrænir, ekki síst sunnan
heiða, og flatirnar sjaldan verið betri. Forgjöfin
ætti því að falla eins og laufin á trjánum.
Morgunblaðið/Ómar
Kærkomin lenging á tímabilinu fyrir kylfinga
Stjórnvöld hafa
enga ákvörðun
tekið um að vísa
Icesave-málinu til
EFTA-dómstóls-
ins. Þetta kom
fram í svari
Steingríms J.
Sigfússonar fjár-
málaráðherra við
fyrirspurn Sig-
urðar Kára Krist-
jánssonar, Sjálfstæðisflokki, á Al-
þingi í gær.
Sigurður Kári spurði fjár-
málaráðherra hvort og þá hvernig
ríkisstjórnin ætlaði að svara áminn-
ingarbréfi Eftirlitsstofnunar EFTA
sem barst í maí vegna Icesave. Benti
hann á að í starfsmannaskýrslu Al-
þjóðagjaldeyrissjóðsins segði að Ice-
save-málið væri til skoðunar hjá
ESA og ágreiningurinn yrði til lykta
leiddur fyrir EFTA-dómstólnum.
Sigurður Kári sagði að þetta væru
tíðindi ef ríkisstjórnin hefði ákveðið
að leggja Icesave undir dóm EFTA-
dómstólsins og kvaðst hann fagna
þeirri stefnubreytingu.
Steingrímur sagði að frá því bréf
ESA barst hefði tíminn verið not-
aður vel til að undirbúa málsvörn Ís-
lands. Fengist hefði lengri frestur
sem væri nú útrunninn.
Steingrímur sagði að orðalag í
starfsmannaskýrslu AGS væri ekki
nákvæmt um þetta. Samskipti ættu
sér stað við Breta og Hollendinga í
Icesave-deilunni og þeim dyrum
hefði enn ekki verið lokað. „Stjórn-
völd hafa enga ákvörðun tekið um að
vísa málinu til EFTA-dómstólsins.“
Ekki vísað
til EFTA-
dómstóls
Steingrímur J.
Sigfússon
Frestur til að svara
áminningu ESA
útrunninn
Magnús Orri Schram, þingmaður
Samfylkingarinnar, óskaði eftir
samstarfi þingmanna úr öllum
flokkum á Alþingi í gær um að búa
til skattahvata til að koma atvinnu-
lífinu í gang.
„Væri t.d. hægt að opna fyrir
skattaafslátt á árinu 2011 eða 2012
ef fyrirtæki ráðast í nýráðningar á
þessu ári? Einn aðili sem fer út af
atvinnuleysisskrá sparar ríkinu 150
þúsund krónur á mánuði og sú upp-
hæð gefur mjög gott rými til að
gefa afslátt af launatengdum gjöld-
um, vegna nýráðninga, til dæmis í
gegnum tryggingagjald.“
„[...] ég vil óska eftir samstarfi
þingmanna úr öllum flokkum um
hvernig hægt er að framkvæma
hugmyndir sem þessar. Það getum
við gert á vettvangi þingnefnda,“
sagði Magnús Orri. omfr@mbl.is
Vill veita fyrirtækj-
um skattaafslátt
Andri Karl
andri@mbl.is
„Staðan er sú að fólk með meðaltekjur getur
ekki staðið undir afborgunum af venjulegu
húsnæði, þannig að við þurfum að fjölga val-
kostum,“ sagði Jóhanna Sigurðardóttir, for-
sætisráðherra, eftir fund fimm ráðherra með
forsvarsmönnum Hagsmunasamtaka heimil-
anna í stjórnarráðshúsinu í gærmorgun. Fund-
urinn þótti takast vel en nauðsynlegt að funda
aftur og þá með lífeyrissjóðum og bönkum.
Hugmyndir samtakanna virðast fara vel í
ráðherrana, þ.e. forsætis-, fjármála-, félags-
mála-, dómsmála- og viðskiptaráðherra. Jó-
hanna sagðist ekki vilja útiloka neitt þegar
kemur að almennri niðurfærslu skulda „en
ljóst er að í samninga þarf að fara við banka og
lífeyrissjóði ef eitthvað slíkt á að koma til
greina.“
Algjört forgangsverkefni
Fyrirhugað er að funda með bönkum og líf-
eyrissjóðum um miðja næstu viku, en þann
fund munu forsvarsmenn Hagsmunasamtaka
heimilanna einnig sitja. Raunar bauðst for-
mönnum stjórnarandstöðuflokkanna einnig að
sitja fundinn í gærmorgun en einhverjir sam-
skiptaörðugleikar stóðu í vegi fyrir því að það
kæmi til greina.
Jóhanna sagði einnig eftir fundinn í gær, að
efst á blaði væri að fara yfir stöðuna í uppboðs-
málum, að forða heimilum frá nauðungarsölum
og yfir það yrði farið. Hún viðurkenndi að
vandamálið væri stórt, þyldi enga bið og því
„verður þetta algjört forgangsverkefni hjá rík-
isstjórninni.“
Marinó G. Njálsson, stjórnarmaður í Hags-
munasamtökum heimilanna, sagði fundinn
gagnlegan. „Við fengum tækifæri til að kynna
okkar hugmyndir og svo var umræða um þær
og einnig hvað þau eru að hugsa og hvað þau
vilja gera. Þetta var gott samtal.“
Aðspurður hvað það sé sem ríkisstjórnin
þurfi að gera til að samtökin sé ánægð sagði
Marinó að koma þurfi til móts við fólkið í land-
inu, draga úr þeirri miklu greiðslubyrði sem
hvílir á fólki. „Þau vildu halda umræðunni
áfram, sögðu þetta góðan grunn til að byggja á
og það væri hægt að skoða þetta betur. Það
væru hlutir þarna sem væru erfiðari en aðrir
og því þyrfti fleiri að borðinu.“
Almenn niðurfærsla skoðuð
Ráðherrar tóku vel í hugmyndir Hagsmunasamtaka heimilanna og frekari fundir eru fyrirhugaðir
Forsætisráðherra viðurkennir að fólk með meðaltekjur ráði ekki við afborganir af venjulegu húsnæði
Ljóst er að í samninga
þarf að fara við banka
og lífeyrissjóði ef slíkt á
að koma til greina.
Jóhanna Sigurðardóttir
„Við fengum í sumar kröfu
frá Tryggingastofnun um
endurgreiðslu upp á meira en
200 þúsund krónur vegna
fjármagnstekna. Ég fór ein-
faldlega og tók þessa aura
sem maður hefur nurlað
saman yfir ævina út og setti
þá í bankahólf. Það er alveg
eins gott að geyma þá þar
eins og láta ríkið stela
þeim,“ sagði einn viðmæl-
andi blaðsins sem geymir
ævisparnaðinn í bankahólfi.
Hann efast um að þetta komi
mikið verr út fyrir sig en að
geyma peningana á banka-
reikningi.
Tók allt út úr
bankanum
ELLILÍFEYRISÞEGI