Morgunblaðið - 07.10.2010, Blaðsíða 10

10 DAGLEGT LÍF
MORGUNBLAÐIÐ FIMMTUDAGUR 7. OKTÓBER 2010
Steinþór Guðbjartsson
steinthor@mbl.is
Siggi Hall matreiðslumeistarisér um veislumatinn á fjár-öflunarkvöldi hjá James Be-ard-stofnuninni í New York
fimmtudaginn 28. október nk. og
verða Gunnar Karl Gíslason, Eyþór
Rúnarsson og Kjartan Gíslason hon-
um til aðstoðar. „James Beard-
stofnunin er hámusteri matargerð-
arlistar í Bandaríkjunum og það er
mikill heiður að fá boð um að sjá um
mat hjá henni því yfirleitt þurfa menn
að leggja mikið á sig til þess að kom-
ast þarna inn,“ segir Siggi.
Einstök upplifun
Undanfarna daga hefur Siggi
verið í Bandaríkjunum á vegum
bandarísku verslanakeðjunnar Whole
Foods Markets og Áforms, sem sér
um kynningu og markaðssetningu á
íslenskum matvælum vestra undir
stjórn Baldvins Jónssonar. Hann
byrjaði á vesturströndinni, var í
Washington í liðinni viku en er nú í
Boston auk þess sem á dagskrá eru
kynningar í New York, Flórída og
Suður-Kaliforníu áður en kemur að
veislunni í New York í lok mánaðar-
ins.
Allt hráefnið í veislunni hjá
James Beard verður íslenskt og í
tengslum við viðburðinn verður ís-
lensk matarvika á völdum veit-
ingastöðum í New York. „Nokkurs
konar Food & Fun af minni gerðinni,“
segir Siggi og bætir við að fjölmiðlar
vestra hafi þegar sýnt áhuga á átak-
inu. „Whole Foods hefur sýnt mikinn
áhuga á íslensku hráefni og það liggur
við að forsvarsmenn keðjunnar búi í
fjárhúsum í viku, þegar þeir koma til
Íslands, til að þeir finni hvað það er að
vera íslensk kind,“ segir hann.
Í musteri matar-
gerðarlistarinnar
Siggi Hall er sennilega þekktasti íslenski matreiðslumaðurinn. Hann er nú á ferð
um Bandaríkin til þess að kynna íslenskan mat og Ísland og hápunktur ferðarinnar
verður þegar hann sér um veislumat hjá James Beard-stofnuninni í New York.
Siggi Hall „Ég kveiki bara á mér og tala svo út í eitt.“
Það er ung kona sem heldur úti mat-
arblogginu Coleskitch.blogspot.com
og segir það framlengingu á eldhús-
inu sínu. Á því er að finna samansafn
af uppáhaldsuppskriftunum hennar
og sögur af eldhúsævintýrum. Hún er
ekki lærður kokkur en segist elska að
elda og baka. Það eru aðallega gefnar
upp grænmetisuppskriftir á síðunni
og miðast eldamennskan að því hrá-
efni sem fæst í nágrenninu eða eftir
árstíðum. Sumar uppskriftirnar fær
hún að láni frá öðrum, aðrar eru
hennar eða hennar afbrigði af öðrum
uppskriftum.
Síðuhaldari heitir Cole Roberts og
býr í San Francisco. Hún spáir mikið í
heilsuna og í nýjustu færslunum má
sjá að í september fór hún í algjört
bann frá sykri, hveiti, mjólkurvörum
og kjöti. Hún borðaði aðallega græn-
meti og ávexti á þessum hreins-
unartíma og gefur allskonar upp-
skriftir að réttum sem ofantaldir
fæðuflokkar koma ekki við sögu í.
Bloggið er ekki eingöngu um mat
og eldamennsku því það er líka sér
síða um garð Roberts. Hún ræktar
eigið grænmeti og bloggar um
þroskaferil þess og má sjá skemmti-
legar færslur um tómata- og kálupp-
skeruna í ár.
Vefsíðan www.coleskitch.blogspot.com
Morgunblaðið/Árni Sæberg
Hollusta Síðuhaldari gefur aðallega uppskriftir að hollusturéttum.
Framlenging af eldhúsinu
Nýlega bárust þær fréttir að Íslend-
ingar væru ein af tíu feitustu þjóðum
í heimi, eða í sjöunda sæti af þrjátíu
og þremur. 60% okkar eru yfir kjör-
þyngd og 20% teljast of feitir sam-
kvæmt nýrri skýrslu OECD. Þetta eru
stórar tölur og óhugnanlegt að Ís-
lendingar séu að fara þessa leið. Því
er um að gera að fara að hugsa um
hollustuna. Borðum við of mikið
óhollt, of mikinn sykur og hreyfum
okkur of lítið? Gefum við börnum
okkar gos og sælgæti í óhófi? Hvað
ertu með í kvöldmatinn og færðu þér
snakk yfir sjónvarpinu? Eru Íslend-
ingar of góðir við sjálfa sig?
Endilega …
… hugsið um
hollustuna
Reuters
Óhollusta Það er ekki gott fyrir sál
og líkama að hafa of mörg aukakíló.
Ert þú ein/n af þeim sem siturí stofusófanum eða upp írúmi á kvöldin með fartölv-
una á lærunum? Ef svo er ættir þú
að hugsa um að breyta út af van-
anum og fá þér bakka eða borð
undir fartölvuna, eða jafnvel setja
bók milli læranna og tölvunnar.
Fartölvan hitar mikið út frá sér og
þó að það sé notalegt á köldum
vetrarkvöldum getur verið hætta á
ferðum. Fartölvunotendur víða um
heim hafa undanfarin ár sótt til
lækna vegna óvenjulegra útbrota á
lærunum. Kemur þetta fram í
læknaritinu Pediatrics sem kom út
síðastliðinn mánudag.
Ástandið kalla læknar „Toasted
skin syndrome“ eða Ristaða skinns
einkennið. Það kemur fram eftir að
fólk hefur verið með fartölvuna á
lærunum í langan tíma í einu.
Í Bandaríkjunum leitaði nýlega
tólf ára strákur til læknis vegna
svamp-mynstraða útbrota á vinstra
lærinu. Tengdu þeir útbrotin við að
strákurinn hafði verið í tölvuleik
með fartölvuna á lærunum í marga
tíma á hverjum degi í nokkra mán-
uði. Kælibúnaður vélarinnar var
staðsettur við vinstra lærið.
Í öðru tilfelli leitaði lögfræðinemi
í Virginíu til læknis vegna mislitra
flekkja á lærunum. Neminn eyddi
um sex stundum á dag við að vinna
með tölvuna í kjöltunni. Hitinn frá
tölvunni getur farið upp í 125 gráð-
ur.
Eru þetta aðeins tvö af nokkrum
tilfellum tengd fartölvuvinnu sem
hafa verið skráð í læknabækurnar
undanfarin ár.
Toasted skin syndrome er talið
skaðlaust en getur valdið því að
húðliturinn dökkni varanlega. Í
mjög fáum tilfellum getur það leitt
til húðkrabbameins. Áður fyrr
greindist Toasted skin syndrome
aðallega á þeim sem unnu nálægt
hita, eins og bökurum og glerblás-
urum og, áður en upphituð hús
komu til, á þeim sem sátu mikið ná-
lægt ofnum og eldavélum til að
halda á sér hita. Einnig hefur það
greinst hjá þeim sem hafa notað
hitapoka eða hitateppi mikið á
ákveðin svæði líkamans í langan
tíma í einu. Einkenni Toasted skin
syndrome eru ekki ósvipuð því og
þegar húð hefur orðið fyrir skaða
af of miklu sólarljósi.
Það er því betra að sitja ekki með
fartölvuna í kjöltunni en auk þessa
húðskaða er vitað að það getur leitt
til ófrjósemi í körlum.
Heilsa
Ristuð læri Sjá má verksummerki eftir hitann
frá fartölvunni á vinstra læri stráksins.
Ekki ráðlagt að hafa
fartölvuna á lærunum
Morgunblaðið/Frikki
Fartölvuvinna Ekki er ráðlagt að hafa fartölvuna í kjöltunni.