Morgunblaðið - 14.04.2011, Blaðsíða 15

FRÉTTIR 15Innlent
MORGUNBLAÐIÐ FIMMTUDAGUR 14. APRÍL 2011
ÚR BÆJARLÍFINU
Skapti Hallgrímsson
Akureyri
Ný inniaðstaða Golfklúbbs Ak-
ureyrar var tekin í notkun á dög-
unum í kjallara Íþróttahallarinnar.
Þar geta menn m.a. æft sveifluna
með því að slá í net og vígður var 18
holu púttvöllur.
  
Haukur Jakobsson, oftast kall-
aður Haukur Dúdda, jafnvel Dúdd-
isen, var í aðalhlutverki á vígsludag-
inn. Bæði var hann gerður að
heiðursfélaga GA og svo var pútt-
vellinum gefið nafn í höfuð gömlu
kempunnar; Dúddisen skal púttvöll-
urinn heita.
  
Fjögur ný fyrirtæki eru að hefja
starfsemi á Ráðhústorgi 7. Í öllum
fer fram skapandi starfsemi þó mis-
munandi sé; þetta eru arkitekta-
stofan Breyta, ljósmyndastofan
Guðrún Hrönn Fótografía og fata-
hönnunarfyrirtækin ODDdesign og
Múndering & Tóta. Forráðamenn
fyrirtækjanna eru á meðfylgjandi
mynd.
  
Nóg er um að vera í leiklistinni
eins og venjulega í höfuðstað Norð-
urlands og næsta nágrenni. Hárið
verður frumsýnt í Hofi annað kvöld
og hjá LA er Farsæll farsi á sviði
Samkomuhússins.
  
Vart er hægt að minnast á leiklist
öðruvísi en nefna tvær sýningar í
grenndinni; á Melum í Hörgárdal
sýnir Leikfélag Hörgdæla Með fullri
reisn og Góði dátinn Svejk er á fjöl-
unum hjá Freyvangsleikhúsinu.
  
Á Melum er uppselt á allar sýn-
ingar sem eftir eru – en sú síðasta
verður 7. maí. Þá þurfa bændur að
taka sér hlé vegna sauðburðar og
svo taka sumarannir við en mér
skilst að félagið hyggist taka upp
þráðinn á ný í haust. Aðsókn hefur
líka verið góð í Freyvangi en sýn-
ingum lýkur í lok apríl.
  
Tveir af þekktustu myndlist-
armönnum bæjarins, Guðmundur
Ármann Sigurjónsson og Kristinn G.
Jóhannsson opna grafíksýninguna
Ristur í Hofi á laugardaginn. Sýn-
ingin stendur til 8. maí.
  
Haldin verður nýsköpunarhelgi á
Akureyri nú um helgina, þar sem
fólki með hugmyndir um atvinnu- og
nýsköpun býðst að koma saman.
Stefnt er að því að þetta verði árviss
viðburður.
  
Það voru nokkrir atvinnurek-
endur á Norðurlandi sem tóku sig
saman og hleyptu verkefninu af
stokkunum. Til liðs við frumherjana
gengu Háskólinn á Akureyri og
Tækifæri hf. og verður „helgin“
haldin í húsnæði HA frá föstudegi til
sunnudags.
  
Þátttaka í umræddu verkefni er
ókeypis og opin öllum eldri en 18
ára, hvað sem er af landinu. Mark-
miðið er að fá fólk til að koma saman
og vinna að nýjum eða gömlum hug-
myndum sem gætu endað sem fyr-
irtaks viðskiptaáætlun og atvinnu-
skapandi verkefni.
  
Hljómsveitinni Fleetwood Mac
verður gert hátt undir höfði á Græna
hattinum annað kvöld. Þá leikur
sveitin Greenwood öll þekktustu lög
hennar.
  
Nýdönsk verður síðan á Græna
hattinum á laugardagskvöldið. „Hér
er um hefðbundna tónleika að ræða,
engin sirkusatriði eða sjónhverf-
ingar, heldur bara öll bestu Ný-
dönsku lögin sungin og leikin á al-
vöruhljóðfæri með höndunum,“
segir í tilkynningu!
Nú er púttað á Hauki Dúdda
Ljósmynd/Ragnar Hólm Ragnarsson
Ný við Ráðhústorg Aftari röð frá vinstri: Eidís Anna Björnsdóttir, Þór-
hildur Björk Svavarsdóttir, Guðrún Hrönn Jónsdóttir og Jóhann Einar Jóns-
son. Fyrir framan, Helga Mjöll Oddsdóttir og Sóley Lilja Brynjarsdóttir.
Þuríður Backman mun taka við embætti formanns
þingflokks Vinstrihreyfingarinnar – græns framboðs í
kjölfar þess að Árni Þór Sigurðsson sagði starfinu af
sér í gær. Árni Þór var kjörinn þingflokksformaður í
stað Guðfríðar Lilju Grétarsdóttur um síðustu helgi.
Þuríður verður því þriðji þingflokksformaður Vinstri
grænna á fjórum dögum.
Árni Þór Sigurðsson var starfandi formaður þing-
flokksins frá upphafi þessa þings og raunar lengur í
forföllum Guðfríðar Lilju Grétarsdóttur sem kjörin var
formaður eftir síðustu alþingiskosningar. Þegar Guð-
fríður Lilja kom aftur til starfa úr fæðingarorlofi var
kosning formanns á dagskrá fyrsta þingflokksfundar en
kosningunni hafði verið frestað við upphaf haustþings
að ósk Guðfríðar. Árni Þór var kjörinn formaður af
meirihluta þingmanna en Guðfríður Lilja og hluti þing-
manna flokksins lýstu opinberlega yfir óánægju sinni
með það, meðal annars vegna þess manneskja sem færi
í fæðingarorlof ætti að geta gengið inn í sín fyrri störf
að því loknu.
Guðfríður Lilja afþakkaði
„Aldrei hefur hvarflað að mér að taka að mér starf
sem ég nýt ekki stuðnings til eða skilyrða störf fyrir
flokkinn eða stuðning minn við ríkisstjórn því að ég
hefði með höndum tiltekin embætti. Það kom mér í
opna skjöldu að löngu ákveðinni kosningu um það eitt
að ákveða skipan stjórnar þingflokksins þá fáu mánuði
sem eftir lifa yfirstandandi þings yrði tekin með þeim
hætti sem raun ber vitni. Mér þykir miður að það mál
hefur að ósekju verið persónugert og tengt bæði
kvenfrelsisstefnu flokksins og lögum um fæðingarorlof.
Sú umræða er skaðleg okkar flokki og þar með óásætt-
anleg,“ segir Árni Þór í yfirlýsingu um afsögn sína sem
hann tilkynnti á þingflokksfundi í gær.
„Ég gerði grein fyrir þessari yfirlýsingu minni á
þingflokksfundi og vék svo bara af fundinum, og vildi
að þingflokkurinn gæti þá rætt framhaldið án mín,“
sagði Árni Þór við mbl.is. Hann sagðist líta á þessa
ákvörðun sem lóð á vogarskál sátta í málinu innan
þingflokksins.
Á fundinum lagði Lilja Rafney Magnúsdóttir til að
Guðfríður Lilja myndi verða nýr þingflokksformaður en
hún afþakkaði. Sagði Guðfríður Lilja að hún hefði lagt
til að Þuríður myndi taka við enda eðlilegt að varafor-
maður tæki við þegar þingflokksformaður segði af sér.
Var ekki á fundinum
Þuríður var í gær á leið til útlanda og var því ekki á
þingflokksfundinum. Ekki var búið að segja henni frá
niðurstöðunni þegar mbl.is náði sambandi við hana.
Þuríður mun verða starfandi þingflokksformaður þang-
að til annað verður ákveðið.
Þrír formenn þingflokks
VG á fjórum dögum
 Árni Þór Sigurðsson segir af sér formannsembætti
Guðfríður Lilja
Grétarsdóttir
Þuríður BackmanÁrni Þór
Sigurðsson
Átök í þingflokki
» Árni Þór Sigurðsson var kjörinn þingflokks-
formaður sl. sunnudag með 8 atkvæðum en 4
þingmenn studdu Guðfríði Lilju Grétarsdóttur. Einn
þingmaður skilaði auðu.
» Þuríður Backman er 63 ára, hjúkrunarfræðingur
og var búsett á Egilsstöðum. Hún hefur verið al-
þingismaður og varaþingmaður Austurlands og
síðan Norðausturkjördæmis frá árinu 1999.
Jóhanna Sigurðardóttir forsætis-
ráðherra skrifar grein í breska
blaðið Guardian í gær þar sem lögð
er áhersla á að eignir þrotabús
Landsbankans muni greiða stærst-
an hluta forgangskrafna innistæðu-
eigenda á Icesave-reikningum
bankans og jafnvel bæta þær að
fullu.
Því hafi verið hafnað í þjóð-
aratkvæðagreiðslunni á laugardag
að greiða kostnað tengdan inni-
stæðutryggingum, nema skýr og
ótvíræð lagaleg ábyrgð sé fyrir
hendi. Íslensk stjórnvöld hafi alltaf
haldið því fram að þau myndu upp-
fylla alþjóðlegar skuldbindingar í
málinu. Vandinn
sé sá, að ekki
liggi fyrir nú
hverjar þessar
alþjóðlegu skuld-
bindingar séu. Ef
að líkum lætur
muni dómstólar
skera úr um það.
Úrlausn um þær
alþjóðlegu skuld-
bindingar sé
nauðsynleg forsenda ábyrgðar Ís-
lands í málinu.
Boðað er að greinar muni birtast
í öðrum erlendum fjölmiðlum á
næstu dögum
Stærstur hluti
krafna greiddur
 Jóhanna skrifar grein í Guardian
Jóhanna
Sigurðardóttir
F
A
B
R
I
K
A
N
Aðalfundur
Aðalfundur HB Granda hf. verður haldinn
föstudaginn 29. apríl 2011 í matsal
fyrirtækisins að Norðurgarði, Reykjavík
og hefst hann kl. 17:00.
Dagskrá
1. Venjuleg aðalfundarstörf samkvæmt 18. gr.
samþykkta félagsins.
2. Tillaga um heimild félagsstjórnar til
kaupa á eigin hlutum samkvæmt 55. gr.
hlutafélagalaga.
3. Breytingar á samþykktum félagsins:
· Hluthafar sem ráðaminnst 1/20 hlutafjárins
geta krafist þess að boðað verði til
hluthafafundar í stað 1/10 áður.
4. Önnur mál, löglega upp borin.
Dagskrá, endanlegar tillögur og ársreikningur
félagsins munu liggja frammi á skrifstofu félags­
ins, hluthöfum til sýnis, tveimur vikum fyrir
aðalfund. Ennfremur er hægt að nálgast gögnin á
vefsíðu félagsinswww.hbgrandi.is.
Framboðsfrestur vegna stjórnarkjörs rennur
út fimm dögum fyrir upphaf aðalfundar.
Upplýsingar um frambjóðendur til stjórnar verða
birtar eigi síðar en tveimur dögum fyrir aðalfund.
Atkvæðaseðlar og fundargögn verða afhent á
fundarstað frá kl. 16:30.
Óski hluthafar eftir að ákveðinmál verði tekin
til meðferðar á aðalfundinum, þarf skrifleg
beiðni um það að hafa borist félagsstjórnmeð
nægjanlegum fyrirvara, þannig að unnt sé að taka
málið á dagskrá fundarins.
Hluthafar sem ekki geta mætt á fundinn en
hyggjast gefa umboð, þurfa að gera það skriflega.
Stjórn HB Granda hf.