Siglfirðingur - 23.12.2002, Blaðsíða 4
Er líður að jólum
Jarðgöng
tilbúinn til að vinna af heilindum
Nú er enn einum áfanganum að
stórbættum vegasamgöngum náð.
Utboðsgögn vegna jarðgangna
milli Siglufjarðar og Olafsfjarðar
verða send verktökum í febrúar,
en forútboð hefur þegar farið
fram. Jarðgöng fyrir austan verða
aftur á móti boðin út nú fyrir jól.
Ástæða þess að göngin tvö verða
boðin út sitt í hvoru lagi er sú að
Vegagerðin krafðist einfaldlega
frekari upplýsinga vegna útboðs-
gagna og nauðsynlegt þótti að fara
betur yfir ýmsa þætti, sem m.a.
tengdust snjóflóðavörnum. Frekar
en að draga útboð beggja gangna-
nna var þessi leið farin.
Gert er ráð fyrir að fram-
kvæmdir hefjist við Siglufjarðar-
göng árið 2004 og þeim verði
lokið árið 2008. Reiknað er með
að sama hagkvæmni af samlegðar-
áhrifum beggja verkefnanna náist
með þessari tilhögun, eins og við
að bjóða þau bæði út í einu lagi.
Auk þess sem ákveðnir kostir eru
taldir fylgja því að gera tvo
verksamninga um þessi verkefni.
Eins og ævinlega þegar rætt er
um fyrirhugaðar stór-
framkvæmdir, hverjar svo sem
þær kunna að vera, koma mörg,
ólík sjónarmið fram og sitt sýnist
hverjum um gagnsemi og skyn-
semi hverrar framkvæmdar. Eins
og flestir vita þá hefur alltaf verið
á brattann að sækja varðandi þá
miklu framkvæmd að ráðast í
jarðgöng milli Siglufjarðar og
Olafsfjarðar og margir orðið til að
gagnrýna þá aðgerð og jafnvel
lýsa andstöðu við hana. En
ákvörðunin er sem betur fer tekin
og frá henni verður ekki hvikað -
Sigríður Ingvarsdóttir
okkur Siglfirðingum sem og
landsmönnum öllum til hagsbóta.
Framboðsmál
Framboðslisti Sjálfstæðis-
flokksins í hinu nýja Norðaustur-
kjördæmi var ákveðinn á fjöl-
mennu kjördæmisþingi á Akureyri
nú nýverið. Uppstilling listans
gekk vel og um hann ríkir sátt.
Sitjandi þingmenn leiða listann
sem í heild er skipaður hæfileika-
ríku, duglegu fólki, - konum og
körlum hvaðanæva úr þessu stóra
kjördæmi.
Mig langar til að staldra aðeins
við þessa umræðu sem verið hefur
um „rýran hlut kvenna hjá
Sjálfstæðisflokknum”. Ég er ekki
sammála þeim fullyrðingum að
Sjálfstæðisflokkurinn sé á ein-
hvern hátt kvenfjandsamlegur og
konur eigi þar erfitt uppdráttar.
Sjálfstæðisflokkurinn hefur átt, á
og mun eiga röggsamar konur á
þingi. Mestu máli hlýtur að skipta
að á þingi sé hópur manna (konur
eru líka menn) sem vill og er
að hverju því máli sem má verða
landsmönnum til heilla.
Framtíðin
Við höfum sem betur fer
ástæðu til að líta framtíðina
björtum'augum. Við höfum búið
við styrka stjórn undanfarin ár.
Efnahagsmálin eru undirstaða
öflugs atvinnulífs og aukinnar
velsældar. Minnkandi verðbólga
ásamt hverfandi viðskiptahalla við
útlönd sýnir skjóta aðlögun
efnahagslífsins að auknu jafnvægi
og rennir styrkari stoðum undir
hagvöxt næstu ára. Tækifæri og
vaxtabroddar liggja víða og í
landinu býr öflug þjóð sem er þess
máttug að nýta sér þau tækifæri.
Nú líður að jólum og á jólum
reynum við að víkja hvunn-
deginum frá okkur og gleðjast í
sálu og sinni og leyfa okkur að
verða börn á ný. Jólagleðin býr um
sig í hjörtum okkar og til-
hlökkunin vex með hverjum degi.
Ég er mikið jólabarn og jólin og
aðventan hafa ávallt vakið mér
mikla gleði, ekki bara vegna hins
trúarlega inntaks heldur einnig
vegna þess að jólin eru líka hátíð
hefðanna í mínum huga. Hver
einasti skrautmunur á sér sögu og
minningar, ákveðin lykt vekur
angurværð og tilhlökkun og jafn
hversdagsleg athöfn og að kaupa
ávexti fær á sig hátíðarblæ.
Ég sendi Siglfirðingum nær og
fjær, sem og landsmönnum
öðrum, hugheilar óskir um gleði-
leg jól og farsæld um alla framtíð.
Sigríður Ingvarsdóttir