Birtingur - 01.06.1958, Blaðsíða 32
gert sér slíka ferð um nótt? ætlar hún kannski nú fyrst í kvöl sinni að
sækja hinn einstaka heim með blómagjöf ? kannski af guði vísað, ef hún
bað, ef hún kraup á kné frammi fyrir guði sínum og bað: hinn dásamlegi
kæmi til að fara um hana örmum, af ást!
í myrkrinu hefur maðurinn fálmað eftir heitum kossum. dagar hans hafa
mjakast seint við engar ástir heldur grámu, eins og dagar maríu, sem
vinnur og þrífst undir annarra þaki. hún hefur séð gufu leggja af þvott-
um, af gluggum. við eldun ýsu og vellings moraði gufa um heila daga.
kápum, vettlingum og treflum var sveipast áður en ferðir voru gerðar
út í hrím og byli að afla lífsbjargar. brúsa var leitað í gufunni og brúsar
voru bornir út úr gufu í hrím, og í lífinu var fundið til bleytu, hugað að
pinklum, lyklum, brúsum, pottum, fötum, og kindur þurfti að sækja út
í hríðar og storma ... en maría vildi ekki manninn, sem þó var dyggur
og eigandi bifreiðar. henni hefur sennilega ekki fundist hann nógu góður
fyrir sig. henni hefur sjálfsagt ekki fundist hún geta leyft honum að
fara höndum um sig því henni hefur ekki fundist hann nógu góður fyrir
sig ...
eða á hún að fara til einhvers sem prýðir sig ennisspöng, sjálfum sér að
ieik? einhvers sem unir sér glaðui-, með bjarta spöng um enni, og leitar
þess að ljósið brotni á enni. sér og laugast í flóði geisla sem hann tekur
með fögnuði og hlátrum, syngur jafnvel til að sjá tóna sína príla eftir
mislitum geislastrengjunum og þrífur til þeirra með fingrum eins og
hann léki á gígju, óroggins manns með ennisspöng úr gulli, einhvers sem
elskar af miklu geði?
eða er hún að fara til einhvers annars, einhvers sem á einnig spöng til að
prýða sig með, dýrari en hina, ennisspöng með áföstum bjöllum, einhvers
sem lifir lífi sínu við gleði og fans, við glym frá bjöllum sínum, einhvers
sem snýr sér á snjöllum hælum, ávallt til í dansinn, hælar hans glymji og
hlátrasköll kveði jafnan við í nálægð hans, fífls, sem á sér þó líf af
gnægð, einhvers sem strýkur sér um þunga vöðva, stundar leikfimi undir
tónum frá lýrukassa, en vill þiggja af maríu blóm og á sér hástemmda
ólgu í limum svo að hann hlær af innri styrk, vís til að verja hana með
púðri eða eggjárnum fyrir háskasemdum heimsins?
vonandi er hún að sækja slíkan snilling heim ...
eða á hún, eins og venjulega um þetta leyti dags, að kaupa snúða, fara
til skósmiðs, kaupa mjólk eða skötu?
að sjálfsögðu. að sjálfsögðu.
30 Birtingur