Austurland - 28.01.1988, Blaðsíða 3
FIMMTUDAGUR, 28. JANUAR 1988.
3
Hjörleifur Guttormsson
Húsnæði Alþýðuskólans á Eiðum í niðurníðslu
Elsti framhaldsskóli á
Austurlandi, Alþýðuskólinn á
Eiðum, er í mikilli niðurniðslu,
þar eð sáralítið fé hefur verið
veitt til viðhalds bygginga skól-
ans árum saman. Petta er þó
best nýtti héraðsskóli á landinu,
fullsetinn ár hvert og festa verið
þar í skólahaldi.
Haustið 1986 lagði ég fram
fyrirspurn til þáverandi mennta-
málaráðherra, Sverris Her-
mannssonar, hver talin væri
fjárþörf til að húsnæði skólans
yrði komið í viðunandi horf.
Svar ráðherrans hljóðaði upp á
20 milljónir króna, en skólinn
fékk þó aðeins 1,1' milljón til
framkvæmda á síðasta ári.
Breytingatillaga mín um veru-
lega hækkun á fjárveitingu til
skólans var felld af þáverandi
stjórnarliði.
Horfurnar á þessu ári eru síst
betri. Á fjárlögum 1988 er veitt
1,2 milljónum til framkvæmda
og eitthvert lítilræði fæst til við-
halds að auki. Tillaga sem ég
flutti við 2. og 3. umræðu fjár-
laga um að bætt yrði við 5 millj-
ónum til viðhalds skólahúsnæð-
inu var felld af stuðningsliði
ríkisstjórnarinnar. Til héraðs-
skólans í Reykholti var á sama
tíma veitt 15 milljónum, vænt-
anlega út á forna frægð staðar-
ins.
Menntamálaráðuneytið
sinnulaust
Hér er um dæmalaust hirðu-
leysi að ræða gagnvart Alþýðu-
skólanum á Eiðum og vanvirða
gagnvart því skólastarfi sem þar
hefur verið í meira en 100 ár.
Menntamálaráðuneytið er
sinnulaust með öllu um málefni
héraðsskólanna og þeir hafa
Hjörleifur Guttormsson.
flestir orðið útundan í kerfinu.
Eiðaskóli er látinn gjalda þess
að því er virðist, að sumir hér-
aðsskólanna eru deyjandi stofn-
anir. Það verður engan veginn
sagt um Alþýðuskólann á Eið-
um, sem gegnir nú sem fyrr
mikilvægu hlutverki fyrir
Austurland. Þangað sækja nem-
endur í síðasta bekk grunnskóla
og þar eru framhaldsdeildir,
sem auka fjölbreytni framhalds-
náms í fjórðungnum.
Umsögn Kristins skólastjóra
í erindi til þingmanna Austur-
lands frá Kristni Kristjánssyni
skólastjóra sl. haust lýsir hann
aðstæðum skólans m. a. á þenn-
an hátt:
„Um langt árabil hefur við-
hald húsa og búnaðar skólans
verið vanrækt og er málum nú
þannig komið að hús liggja und-
ir skemmdum og aðbúnaður að
nemendum og kennurum er
langt undir þeim kröfum sem al-
mennt eru gerðar í dag. Sérstakt
áhyggjuefni er, að brunavörn-
um hefur ekki verið sinnt sem
skyldi, viðvörunarkerfi vantar
og hluti nemenda hefur ekki að-
gang að neyðarútgangi".
Úttekt Verkfræðistofu
Austurlands
í úttekt sem unnin var af
Verkfræðistofu Austurlands í
desember 1986 varðandi bygg-
ingar Alþýðuskólans á Eiðum
segir um forgangsverkefni:
„Mjög áríðandi er að koma
íbúðum starfsfólks í viðunandi
horf. Dæmi er um að kennarar
hafa horfið frá vegna þess hve
lélegt íbúðarhúsnæðið er. Einn-
ig er brýnt að lagfæra Garð og
skólastjórabústað. Þá er mjög
áríðandi að lagfæra snyrtingar
á landsprófshæð og koma upp
sturtum í heimavist Miðgarðs og
breyta anddyrinu framan við
matsalinn og koma þar snyrting-
um í nothæft horf. Mjög aðkall-
andi er að koma í veg fyrir frek-
ari skemmdir á sundlaugar-
veggjum vegna lélegrar einangr-
unar og raka í þeim. Eins og
tölurnar (10,5 milljónir kr.)
bera með sér er viðhaldsþörfin
mest í Útgarði. Sé hægt að verja
fjórum til fimm milljónum
króna í viðhald árlega á Eiðum
er hægt að koma ástandi mann-
virkja á staðnum í mjög viðun-
andi horf á næstu fimm árum.“
Leggjumst á eitt um úrlausn
Síðan þessi úttekt var gerð
hafa aðeins runnið 2-3 milljón-
ir samtals í viðhald mannvirkja
Eiðaskóla. það fjármagn hefur
ekki einu sinni nægt til að halda
í horfinu. Ástandið í aðbúnaði
þessa góða skóla er ríkinu til
vansæmdar. Austfirðingar hafa
líka sýnt alltof mikið tómlæti um
nauðsynlegar úrbætur. Það á
ekki að una þessu ástandi stund-
inni lengur. Ég heiti á sveitar-
stjórnir og almannasamtök hér
eystra að ýta fast á eftir um úr-
bætur. Það virðist þurfa talsvert
til að valdamenn vakni. Látum
það gerast á þessu ári.
/ þorrabyrjun 1988,
Hjörleifur Guttormsson
Gisting
Veitingasala
Bar-Dansleikir
Ráðstefnusalir
Fundarsalir
Bíó
HOTEL
VALASKJALF
EGILSSTÖÐUM S 97-11500
Starfsfólk óskast
Félagsheimilið Egilsbúð í Neskaupstað óskar eftir að ráða
matreiðslumann og starfsfólk til vinnu í eldhúsi og við
veitingasölu
Æskilegt er að viðkomandi geti hafið störf sem fyrst
Allar nánari upplýsingar veitir Guðmundur Ingvason,
forstöðumaður í síma 71323
íbúðir til sölu!
Til sölu er íbúð
að Þiljuvöllum 9, Neskaupstað
ogNesbakka 15, Neskaupstað
Allar upplýsingar gefur
Viðskiptaþjónusta
Guðmundar Ásgeirssonar
Melagötu 2b, Neskaupstað S 97-71177 & 97-71677
ATHUGIÐ!
Góðir þorrabakkar á föstudag og laugardag
Nýtt flatbrauð, kótelettur og lærisneiðar
Egg, kr. 230.- kg
Heimsendingarþjónusta
Opið fimmtudaga og föstudaga. til kl. 1900
Opið aðra virka daga til kl. 1800
Munið opnunartímann
á laugardögum frá kl. 10 til 16
Verslunin er alltaf opin í hádeginu
Matvöruverslunin Hafnarbraut 1
Neskaupstað S 71676