Ljósmæðrablaðið - 15.11.2001, Blaðsíða 25

SÁLARLEIKFIMI
Ég segi stundum að jóga sé sálarleikfimi. í
gegnum öndunina og hlustunina inn á við
tengjumst við tilfinningunum og opnum glufii
íyrir sálina. Hvernig líður mér hér og nú, hvað
er ég að hugsa o.s.frv. Hugurinn vill stöðugt
toga okkur tilbaka inn í fortíðina eða inn í
framtíðina en meðvitundin um öndunina hvetur
okkur aftur inn í augnablikið. Ef hægt er að
ná valdi á huga og hugsunum eru möguleikamir
nær takmarkalausir. Eina hindrunin er þá eigið
vanmat og fordómar okkar sjálffa sem hver og
einn verður að kljást við.
HVER STJÓRNAR?
Hraðinn í samfélaginu er eins og
maraþonhlaup hugmynda og upplýsinga.
Við innibyrðum þvílíkt magn af upplýsingum
án þess að taka raunverulega mikið inn, þá á
ég við ferlið sem er hlustun, mat og úrvinnsla.
Ég heyri eða sé, tek það inn og met það svo í
eigin hjarta eða huga. Við erum oft hálfnuð
með eina hugsun þegar sú næsta er búin að
ryðja sér inn. Allt þetta áreyti gerir okkur að
tættum þeytispjöldum sem sveiflast með veðri
og vindum ytri viðmiðana í stað þess að velja
sjálf hvað við sjáum, hvað við heyrum og
jafnvel hugsum.
En þarna hjálpar jóga. Við hægjum á innra
skvaldri hugans með því einfaldlega að anda
hægar. Sumir gætu haldið því fram að það
væri ekki gáfumerki að hugsa hægar, það hljóti
að vera gáfumerki að hugsa sem hraðast
og mest. En ekki samkvæmt þessum fræðum.
Þegar konan er með kyrran huga í
fæðingunni þrátt fýrir öll átökin og lætin á hún
miklu auðveldara með að vera í augnablikinu,
hlusta á líkamann og bregðast við á heilbrigðan
hátt.
Það er nefnilega ekki bóklestur eða fræðileg
vitneskja sem eru mikilvægust í jóga heldur
fyrst og fremst ástundunin, án hennar eru
áhrifin takmörkuð og vitneskjan líka. Það er
sama hvað við lesum margar bækur um
jóga, jógar erum við ekki fyrr en við yfirfærum
vitneskjuna á líf okkar
sjálfra.
JÓGA SEM AÐFERÐ
Hver sem nú ástæðan er fyrir nálgun okkar
á jóga eru jógaffæðin ekki trúarbrögð heldur
aðferð til mannræktar. Þótt fræðin séu
margslungin er aðferðin frekar einföld. Þótt
ég sé hér mikið að tala almennt um þessi fræði
er auðvitað virknin í grunninn sú sama fyrir
hvem sem stundar jóga. Sumir líta á jóga sem
ákveðið æfingarkerfi með undarlegum
stellingum sem grenna líkamann og styrkja en
þegar farið er að stunda það að einhverju
markikoma aðrir kostir þess í ljós.
Einstaklingurinn finnur fyrir mikilli breytingu
innra með sér. Skilningur og mat lífsgæða
breytist með reglulegri ástundun, hann öðlast
smátt og smátt skilning á innri gerð sinni og
þekkingu á sjálfum sér, sem er einmitt
meginkjarni jógafræðanna.
Ég hef stundað jóga í um 10 ár og tók
kennarapróf í Kalifomíu 1999. í Seattle
kynntist ég síðan jóga fyrir bamshafandi konur
og nýtti mér það sömuleiðis vel á eigin
meðgöngu og í fæðingunni.
Efhœgt er að ná valdi á
huga og hugsunum eru
möguleikarnir ncer
takmarkalausir. Eina
hindrunin er þá eigið
vanmat ogfordómar okkar
sjálfra sem hver og einn
verður að kljást við.
Vantar ljósmóður
til afleysinga
Ljósmóðir óskast til afleysinga við Heilbrigðisstofnunina á Blönduósi frá og með mars
2002 til áramóta, eða eftir samkomulagi.
Starfið felst í umsjón með mæðraeftirliti fæðingum og sængurlegu. Möguleiki er að
viðkomandi taki að sér vinnu á heilsugæslunni eða sjúkradeild að auki.
Upplýsingar gefur Sveinfríður Sigurpálsdóttir hjúkrunarforstjóri sími: 455 4100
eða Bjarney R. Jónsdóttir ljósmóðir sími: 852 7682