Ljósmæðrablaðið - 15.12.2003, Blaðsíða 7
Ina May Gaskin er framkvæmdastjóri The Farm
Midwifery Center sem er nálægt Summertown
í Tennessee í Bandaríkjunum. Hún ásamt
eiginmanni sínum Stephen Gaskin stofnuðu
þar hippakommúnu árið 1971 ásamt 320 öðrum
hippum ífá San Francisco. Fljótlega eftir stoínun
kommúnunnar komu hæfileikar Inu May í ljós
við að hjálpa konum í fæðingum. Þar sem alla
jafna var ekki ráð á læknisaðstoð eða
sjúkrahúsvist í kommúnunni þá kom það í hlut
kvennanna þar að taka á móti börnum hverrar
annarar. Ina May fékk tilsögn lækna ffá Rhode
Island og Tennessee en að mestum hluta er hún
sjálflærð ljósmóðir. í dag hefur Ina May
ljósmóðurréttindi í Bandaríkjunum en einnig
ferðast hún um allan heim og heldur fyrirlestra.
Hugmyndafræði Inu May Gaskin hefur hlotið
góðan hljómgrunn víða í heiminum og athygli
hefur verið vakin á því að á meðan keisaratíðni
heíur aukist í Bandaríkjunum og er u.þ.b. 20%,
til samanburðar er hún um 1 -2% á The Farm
Midwifery Center.
Þekktasta aðferð Inu May í fæðingum er
svokölluð “Gaskin aðferð” við að losa um
axlarklemmu, en sú aðferð er kennd í háskólum
í ljósmóður- og læknisfræði víða um heim. Ina
May hefur verið einkar farsæl í starfi á þeim
rúmlega 30 árum sem hún hefur unnið við
ljósmóðurstörf. Auk þess hefur hún verið iðin
við að miðla þekkingu og reynslu sinni til
ljósmæðra og kvenna sem tileinka sér
Ijósmæðrastörf, haldið mörg námskeið og
skrifað kennslubækur. Það er íslenskum
Ijósmæðrum mikill fengur í að fá í heimsókn
ljósmóður eins og Inu May með slíka lífssýn
og reynslu til að deila með okkur. Ina May er
fjársjóður fyrir Ijósmóðurstéttina þar sem
frásagnir hennar kenna okkur mikið og sfyrkja
okkur í þeirri trú að fæðing sé eðlilegt ferli og
ekki sé þörf á inngripum fyrr en annað kemur
í ljós. Nú á tímum tæknivæðingar er mikilvægt
að standa vörð um náttúrulegt ferli
barnsfæðingarinnar með því að virkja þá
eðlisávísun og þann kraft sem konur búa yfir.
Kjarni hugmyndafræði Inu May er að
ljósmæður og konur megi ekki missa trúna á
eigin kraft og getu með því að leggja
einvörðungu traust á tækni í fæðingum heldur
treysta á náttúruna.
Að neðan er Ina May á tali
v i ð Sigriði Síu
yfirljósmóður á Miðstöð
mæðraverndar og Guðrímu
Ólöfu (Lóló) sem til margra
ára hefur sinnt heima-
fœðingum.
Til vinstri er svo lna May
með ístertuna góðu sem var
löguð sérstaklega fyrir
hana hjá Kjöris i
Hveragerði.
Fylgjan
Fylgja dag- og minnisbók ljósmæðra er komin út. Því miður féllu niður í prentun öftustu
blaðsíðumar sem eru minnisblöð og taflan um leghálshæfni (bishopscore) einnig listinn yfir
vökvagjafir og dropahraða / ml. á klst. Ljósmæður eru beðnar að nota þetta úr gömlu fylgjunni.
Þær ljósmæður/ ljósmóðumemar sem ekki haf fengið fylgjuna en hafa áhuga á að eignast hana
eru beðnar að senda þær óskir á skrifstofu LMFÍ e-mail Ijosmaedrafelag.is eða hringja á síma
564 6099.
Ljósmæðrablaðið
Desember 2003