Freyr - 01.08.1998, Blaðsíða 12
geta auðveldlega borið skítinn á tún
eða annað land sem er fært um á
dráttarvél. Flest stóru búin eiga
einnig auðvelt með að koma
hænsnaskítnum á tún eða annað
land. Þó er það helst að á stóru bú-
unum geti orðið vandkvæði á þessu.
Það er þó aðallega vegna þess að
þau eru gjarnan í eða við þéttbýli,
t.d. á höfuðborgarsvæðinu og Suð-
urnesjum. Það að bera hæsnaskít á
land í eða við þéttbýli getur valdið
töluverðum óþægindum vegna lykt-
arinnar sem margir þéttbýlisbúar
vilja vera alveg lausir við. Þess
vegna er skynsamlegt fyrir sveitar-
félög sem vilja vera alveg laus við
þetta vandamál að taka höndum
saman við hlutaðeigandi bændur um
að fá skítinn til að græða upp land
fjær þéttbýlinu eða jarðvegsbæta
það fyrir trjáræktun. Þannig má slá
tvær flugur í einu höggi, losna við
óþægindi vegna lyktarinnar og efla
landgræðslu. Ekki þarf að óttast að
skortur sé á landi í þessu skyni því
án umhugsunar má fullyrða að í
öllum sveitarfélögum á höfuðborg-
arsvæðinu og Suðurnesjum sé nóg
af gróðursnauðum melum, yfirgefn-
um námum, athafnasvæðum o.s.frv.
sem þörf er á að græða upp.
Sem betur fer
Framhald afbls. 8
staklega fyrir kjúklingaframleiðend-
ur. Núna er neysla íslendinga að
meðaltali 7 kg á mann á ári en 15 kg
í Danmörku og 35-40 kg á mann í
Bandaríkjunum. I Noregi hefur
neyslan aukist árlega um 10-12% og
það er ekkert sem segir að þróunin
hér á landi verði eitthvað öðruvísi.
Stærstu áhrifaþættimir em, eins og
alltaf, verð og verðmyndun. Fersk
sala var leyfð haustið 1995 og vöru-
þróun hefur verið ör enda hefur
neyslan aukist jafnt og þétt.
Staðan er ekki eins björt í eggja-
framleiðslunni því að neyslan hefur
ívið dregist saman svo að ekki er
svigrúm til þess að auka framleiðsl-
una en hagkvæmnin er meiri en áður
því að hver fugl verpir mun meiru.
J.S.
Núna verpir hver hœna allt að 19 kg en fyrirfimm árum var meðaltalið 11-12 kg.
Innflutningur á
erfðaefni
Framhald afbls. 10
Reynsla af vinnu við stofnainn-
flutning hefur verið mjög dýrmæt
og vakið framleiðendur mjög til um-
hugsunar um nauðsyn góðs heil-
brigðis vörunnar. Einnig hefur með
þessum fuglum komið meiri fag-
mennska. Samstarf við erlenda aðila
hefur verið mjög mikilvægt og hefur
samhliða innflutningi á erfðaefni
flust inn mikil þekking og víðsýni í
greininni. Það eitt að hafa góðan
efnivið er mikilvægt, en besta nýt-
ing hans fæst aðeins með sem best-
um aðbúnaði og vinnubrögðum.
Lokaorð
Ekki verður aftur snúið úr þessu.
Það er manni óhugsandi að hverfa
frá reglubundnum innflutningi á
erfðaefni. Það kerfi sem notað er við
innflutning gefur okkur mikið ör-
yggi og vöm gegn skæðum sjúk-
dómum sem hafa gert framleiðend-
um erlendis erfitt fyrir. Hænsna-
bændur búa því við mjög gott ástand
með innflutningi frá ræktunarstöðv-
um erlendis. Hingað hafa aldrei bor-
ist sjúkdómar til landsins með ali-
fuglum síðan þetta kerfi var sett á
laggirnar. Þetta gefur íslenskri fram-
leiðslu ákveðinn gæðastimpil.
Með harðnandi kröfu neytandans
um heilbrigði í matvælum og holl-
ustu gefur þetta framleiðendum byr
undir báða vængi.
12-Freyr 10/98