Árbók VFÍ/TFÍ - 01.06.2000, Blaðsíða 194
192 Árbók VFÍ/TFÍ1999/2000
Minnisverð atriði úr sögu Hitaveitu Suðurnesja
Höfundur greinarimiar, Björn Stefánsson hjá Hitaveitu Suðurnesja, hefur alla tíð haldið
saman minnisstœðum atriðum úrsögu Hitaveitu Suðurnesja. I síðustu árbók var birtfrásögn
hans af tilurð hitaveitunnar, þ.e.a.s. aðdragandanum og stofnun Hitaveitu Suðurnesja og
síðan minnisverðum atriðum áfyrstu tveimur starfsárum Hitaveitu Suðurnesja, árin 1975
og 1976. Hér verður haldið áfram með frásögn Bjarnar Stefánssonar þar semfrá var horfið
í síðustu árbók og hefst frásögnin á árinu 1977.
1977
Stærsta verkefni þessa árs var lagning stofnæðar firá Svartsengi að Njarðvík,
Njarðvíkuræðar, en þann 30. desember lileypti Gunnar Thoroddsen iðnaðarráðherra vatni á
æðina við formlega athöfn. Þáverandi stjórnarformaður hitaveitunnar, Jóhann Einvarðsson,
sagði, meðal annars, svo frá átökum Gunnars við vatnslokann í grein um minnisstæða
atburði í uppbyggingu hitaveitunnar, sem birtist í fréttabréfí hitaveitunnar, Fréttaveitunni, í
desember 1988:
- - Eg minnist, þegar þáverandi iðnaðarráðherra, dr. Gunnar Thoroddsen, hleypti vatni á
Njarðvíkur-Keflavíkursvæðið. Þegar dr. Gunnar spurði: „A ég að snúa til hægri?“ - og ég
svaraði að bragði: „Já, auðvitað!“ - -
Afram var unnið að lagningu dreifiveitna í Njarðvík og Keflavík og var vatni hleypt á
nokkur hús fyrir áramótin. Orkuver 1 var byggt og fyrsta rás þess tekin í notkun. Reistur var
miðlunargeymir fyrir Grindavík á Selhálsi, boraðar kaldavatnsholur og lögð ffá þeim safnæð
að orkuverinu.
Notendur voru í árslok orðnir 320 og keyptu þeir 1.014 mínútulítra heits vatns. í lok
ársins störfúðu hjá hitaveitunni 14 fastráðnir starfsmenn, tveir vaktmenn við gæslu og
matsveinn í Svartsengi.
1978
Miklar framkvæmdir voru á þessu ári. Þar má nefna byggingu þjónustuhúss í Svartsengi og
uppsetningu vinnslurásar 2 í orkuveri 1. í þjónustuhúsinu var m.a. stór móttökusalur, þar
sem gróðursettar voru trjáplöntur og hitabeltisjurtir. Hlaut hann af því nafnið
„Apagarðurinn“.
í Keflavík var lögn 3., 4., og 5. áfanga dreifíkerfis langt komin. Lagningu 3. áfanga í
Grindavík var því sem næst lokið og sama er að segja um 3. áfanga í Njarðvík. Bæði í Garði
og Sandgerði var lögn 1. áfanga dreifikerfa rúmlega hálfnuð.
Lagning aðveituæða var komin nokkuð vel á veg. Lokið var við 80% Sandgerðis- og
Gerðaæðar og um 5% Vogaæðar. Keypt var húsnæði að Brekkustíg 36 í Njarðvík fyrir
birgðageymslu og efri hæð fyrir skrifstofúr.
I árslok var Grindavík nánast fúlltengd og voru notendur þar orðnir 402 með 1.466 mín-
útulítra notkun. I Njarðvík voru 313 notendur, sem keyptu 1.183 mínútulítra, og í Keflavík