blaðið - 24.08.2007, Blaðsíða 27

blaöið
FOSTUDAGUR 24. AGUST 2007
35
ORÐLAUSTÓNLIST
tonlist@bladid.net
Björk í viðtali við The list
Ekki pólitísk persóna
Björk Guðmundsdóttir er opin-
ská í viðtali við skoska tímaritið
The List sem birt var í gær. Söng-
konan, sem viðrar meðal annars
skoðanir sínar á stjórnmálum,
viðurkennir ankannalega hegðun
sína við tökur kvikmyndarinnar
Dancer in the Dark en vill þó
meina að sögur um hátterni hennar
hafi verið stórlega ýktar. Menn hafa
meðal annars gert því skóna að
söngkonan hafi á köflum verið illa
á sig komin andlega og einn töku-
daginn hafi hún gengið svo langt
að éta peysuna sína í bræði.
„Fjölmiðlar setja hlutina alltaf
auðveldlega upp. Þeir taka eitt
atvik sem gerist í fimm mínútur og
láta það líta út fyrir að vera líf þitt
næstu fimm árin. Ég átti alls konar
önnur augnablik og hinir 364 dag-
arnir í árinu voru öðruvísi en þessi
eini. Það er ákveðið sannleikskorn
í þessu, en þetta er tekið úr sam-
hengi,“ sagði Björk í viðtalinu.
Innt eftir afstöðu sinni til stjórn-
málanna segist Björk ekki kjósa
ákveðinn stjórnmálaflokk á Islandi
og tekur fram að hún sé ekki
vinstrisinnuð.
„I þau fáu skipti sem ég hef kosið
hef ég skilað auðu. Ég vil ennþá líta
á sjálfa mig sem ópólitíska mann-
eskju en á tímum sem þessum
verður maður að tala hreint út. Ég
þori að veðja að flestir sem mót-
mæla Íraksstríðinu hafi aldrei áður
haft áhyggjur af stjórnmálum."
halldora@bladid.net
Lights on the Highway vinnur að nýju efni og fólki
Fjölgar mannkyninu
Ný breiðskífa Lights on
the Highway verður öðru-
vísi en sú fyrsta og jafnvel
betri að sögn söngvara
sveitarinnar.
Eftir Atla Fannar Bjarkason
atli@bladid.net
„Við erum að vinna nýtt efni á
fullu. Það hefur verið í skorpum
af því að það er svo mikil fjölgun í
bandinu,“ segir Kristófer Jensson,
Kristó, söngvari Lights on the
Highway. „Kalli bassaleikari var
að eignast lítinn strák fyrir stuttu
og svo er ég að verða pabbi í næsta
mánuði. Við erum bara í þessu, að
búa til börn.“
Hljómsveitin tróð upp á Menn-
ingarnótt við góðar undirtektir og
flutti efni sem lofar mjög góðu fyrir
væntanlega breiðskífu, en upptökur
hefjast á næstunni.
Pappabáturinn vinsæll
„Þessi plata er að verða tilbúin
fyrir upptökur,“ segir Kristó. „Við
erum bara að leggja línurnar um
hvernig við ætlum að taka plötuna
upp. Við erum í viðræðum við
nokkra aðila um hvernig við viljum
helst að þetta komi út.“ Um tíu
lög verða á skífunni og eru þau að
sögn Kristós hvert öðru betra. „Við
nennum ekki að semja leiðinleg
lög.“
Lag Lights on the Highway,
HLJÓMSVEITIN
► Lights on the Highway var
stofnuð í ágúst árið 2003.
► Sveitin á að baki eina breið-
skífu, sem er samnefnd
sveitinni.
Paperboat, hefur notið mikilla vin-
sælda undanfarnar vikur á öldum
ljósvakans, en Kristó er ekki viss
um að væntanleg skífa verði í sama
stíl og lagið. „Ég veit ekki hvort ég
á að ljúga að þér að platan sé í þeim
stíl. Það er rosalega erfitt að vita
hvernig platan kemur endanlega út,
en jújú, þetta verður í náttúrlega í
svipuðum stíl.“
Öðruvísi plata, betri plata
„Ég gæti alveg trúað því að platan
yrði betri en sú síðasta, ég vona
það,“ segir Kristó aðspurður um
gæði nýju skífunnar. Lights on
the Highway gaf út fyrstu breið-
skífu sína árið 2005. Henni var vel
tekið, en tónlistin þótti vera undir
áhrifum frá ljúfum tónum Layne
heitins Stayle og félaga í Alice in
Chains.
„Platan verður örugglega svolítið
öðruvísi en hin,“ segir Kristó og
bætir við að útgáfudagsetning hafi
ekki verið negld niður. „Síðasta
plata var tekin upp á níu dögum,
þannig að við erum ekkert ægilega
stressaðir. Það væri náttúrlega
draumur að ná að gefa út plötu á
árinu. Það er kannski farið hægjast
á barneignum og svona. Það er
draumastaðan að geta gefið út á
þessu ári - en ég ætla ekki að lofa
því upp í ermina á mér.“
Amy tilnefnd
til MOBO
Söngfuglinn og vandræða-
gemlingurinn Amy Winehouse
heldur áfram að sanka að
sér viðurkenningum og er nú
tilncfnd til fernra MOBO-verð-
launa. Söngkonan er tilnefnd
í flokkunum besta söngkonan,
besta lagið (Rehab), besta mynd-
bandið (Back To Black) og besta
R&B-númerið. f flokknum besta
söngkonan etur hún kappi við
þær Beverly Knight, Corinne
Bailey Rae, Jamelia og Joss Stone,
en Winehouse er óneitanlega sig-
ursælust þegar kemur að fjölda
tilnefninga.
Rowntree
var kókhaus
Dave Rowntree, trommari hljóm-
sveitarinnar Blur, segist hafa
verið háður kókaíni á meðan
frægð sveitarinnar stóð sem hæst,
en trommarinn segir fíkn sína
hafa farið versnandi eftir því
sem leið á tónlistarferilinn. „Ég
leitaði mér ekki hjálpar nægilega
snemma. Ég hóf að neyta kókaíns
í kringum 1990 og eftir því sem
ég notaði það oftar jókst þol mitt
gagnvart efninu og ég þurfti
sífellt stærri skammta. Ég tel
mig vera heppinn að hafa sloppið
áður en líf mitt fór algjörlega úr
böndunum.“
Mjúkir og yndislegir skór
með frönskum rennilás í
stœrðum 41-46 á kr. 6.585,-
Misty, Laugavegi 178
Sími 551 2070
Góð þjónusta - fagleg ráðgjöf
Flottir reimaðir leðurskór í
stœrðum 41-46 á
kr. 6.300,-
Fimmfaldur
pottur stefnir i
miiyónir
Naðu þér i lottómiða
á næsta sölustað
eða á lotto.is