Fréttablaðið - 17.05.2012, Blaðsíða 29

KYNNING − AUGLÝSING Krakkar17. MAÍ 2012 FIMMTUDAGUR 5
Verslunin Móðurást í Hamra-borg fagnar tíu ára afmæli sínu á þessu ári. Að sögn
Guðrúnar Jónasdóttur, brjósta-
gjafaráðgjafa og annars eiganda
verslunarinnar, þróaðist Móður-
ást upphaflega úr útleigu á brjósta-
dælum í verslun fyrir mæður með
börn á brjósti, fyrirbura og ung-
börn. „Ég hafði verið með mjalta-
vélaleiguna í tíu ár áður en ég opn-
aði Móðurást ásamt Hrönn Svein-
björnsdóttur og er enn með hana
auk þess að leigja út ungbarnavog-
ir,“ segir Guðrún.
„Við styðjum konur sem eru með
börn á brjósti auk þess að vera með
persónulega ráðgjöf. Auðvitað eru
ekki öll börn á brjósti og hér fæst
úrval af vönduðum vörum til að
nota fyrir þau börn. Smám saman
hefur vöruúrval aukist eftir því
sem þörfin hefur kviknað hjá við-
skiptavinum okkar. Við erum með
óhemjumikið vöruúrval fyrir ný-
fædd börn og það sem móðirin þarf
fyrir fæðinguna. Auk þess erum
við með meðgöngubelti. Við vilj-
um þjónusta mæður og börn þeirra
vel,“ segir Guðrún ennfremur.
Í versluninni kennir ýmissa
grasa. Mikið úrval af burðarpok-
um, barnapíuhlustunartækjum,
burðarsjölum og silkihúfum. „Við
höfum einnig tekið inn fallega ís-
lenska hönnun. Þá bjóðum við
fyrirburafatnað og þægindafatn-
að á ung börn í þekktum merkj-
um. Einnig má nefna brjóstadæl-
ur, brjóstapúða, vigtir og allt það
sem fylgir brjóstagjöfinni. Auk
þess bjóðum við vagna og kerrur,
ömmu stóla, matarstóla, bílstóla
og þroskaleikföng margs konar,“
útskýrir Guðrún.
Heimasíðan er www.modurast.is
og í gegnum hana hafa verið vax-
andi viðskipti, að sögn Guðrún-
ar. „Ég held að það megi segja að
hvergi annars staðar geti konur
með börn á brjósti fengið stuðning
og ráðgjöf eins og hér hjá okkur,“
segir hún en Guðrún er einnig með
heimasíðuna brjostagjof.is ásamt
tveimur öðrum brjóstagjafaráð-
gjöfum.
Guðrún Jónasdóttir og Hrönn Sveinbjörnsdóttir, eigendur verslunarinnar Móðurást.
MYND/VALLI
Móðurást 10 ára
Sérverslun fyrir mæður með börn á brjósti
Í GAMLA DAGA VAR ALLT BETRA
Margir fullorðnir sjá æskuna í dýrðarljóma. Þá var allt miklu betra, allt
var öruggara, auðveldara og þar fram eftir götunum. Þá voru öll börn úti
í leikjum og enginn hékk inni í tölvunni.
Að einhverju leyti er þetta eflaust rétt en þá er einmitt tilvalið fyrir for-
eldra að drífa börn sín út í leiki og kenna þeim útileikina sem þeir léku
sér í í „gamla daga“. Til upprifjunar fyrir foreldrana eru hér nokkrir leikir
sem hafa verið vinsælir í gegnum árin.
Ein króna / Fallin spýta – feluleikur og eltingaleikur í bland. Einn
„er‘ann“ og hinir fela sig. Markmiðið fyrir þá sem fela sig er að komast að
ákveðnu marki, ljósastaur eða spýtu á undan þeim sem leitar og kalla
„ein króna fyrir mér einn, tveir og þrír“. Sá sem er fundinn fyrstur þarf að
„ver‘ann“ næst.
Stórfiskaleikur – eltingaleikur. Einn er stórfiskurinn og hann á að
reyna að ná sem flestum litlum fiskum þegar þeir hlaupa yfir ákveðið
svæði. Þeir sem stóri fiskurinn nær hjálpa honum svo við að ná fleirum.
Leikurinn endar þegar það er búið að ná öllum. Sá sem fangaður var
fyrstur verður stórfiskurinn næst.
Yfir – boltaleikur og eltingaleikur. Skipt er í tvö lið. Annað liðið
hendir bolta yfir skúr og kallar „yfir“. Hitt liðið reynir þá að grípa boltann.
Ef það tekst læðist sá sem grípur boltann með hann að hinu liðinu og
reynir að hitta í þá. Þeir sem hann hittir flytja þá yfir í það lið. Ef boltinn er
ekki gripinn er honum einfaldlega kastað yfir aftur. Leiknum lýkur þegar
allir eru komnir í sama liðið.
Einu sinni voru allir krakkar
alltaf úti í leikjum, að mati
margra fullorðinna í dag.
MYND/LJÓSMYNDASAFN REYKJAVÍKUR
Spennandi
-fjör og hópefli
útilífsævintýri