Fréttablaðið - 17.05.2012, Blaðsíða 32

KYNNING − AUGLÝSINGKrakkar FIMMTUDAGUR 17. MAÍ 20128
HREYFING BARNA EFLIR NÁMSGETU
Hreyfing gerir nemendur heilbrigðari og mun sáttari við skólalærdóminn, segja norskir
kennarar. Kennarar, læknar og íþróttafræðingar telja að það eigi að verja einni klukkustund á
hverjum skóladegi í hreyfingu.
Aftenposten segir frá því að 84% kennara sem nýlega voru spurðir um hreyfingu á skóla-
tíma hafi talið að regluleg hreyfing auki áhuga nemenda á náminu og geri þau hæfari til að
læra. Alls voru 610 kennarar spurðir álits.
Kennararnir voru sammála um að hreyfingin auki vellíðan barnanna og komi í veg fyrir
áflog í frímínútum. Einbeiting til náms stóraukist fái nemendur reglulega hreyfingu.
Læknar hafa lengi barist fyrir aukinni hreyfingu barna á skólatíma, enda komi hún í veg fyrir
ofþyngd og sjúkdóma henni tengda. Það hefur verið áhyggjuefni víða um heim að börn eru
sífellt að þyngjast. Sú staðreynd er einnig vel þekkt hér á landi, enda hefur kyrrseta aukist
mikið með tæknibyltingunni. Íslensk börn eru meðal þeirra þyngstu í heiminum.
BÚÐU TIL ÞINN EIGIN
FROSTPINNA
Nú þegar fer að hlýna er gott
að kæla sig niður með ísköldum
frostpinna. Skemmtilegast er
að búa þá til sjálfur en með því
getur maður haft þá eftir eigin
smekk í lit og bragði.
Auðvelt er að búa þá til og hægt
er að finna allt sem til þarf í eld-
húsinu.
Það fyrsta sem þarf að huga að
er mót fyrir frostpinnann. Hægt
að kaupa mót fyrir frostpinna en
einnig er hægt að nota tómar
jógúrtdósir, einnota glös eða
stálbökunarform. Þegar mótið er
sett inn í frysti er sniðugt að setja
plastfilmu yfir það og gera gat
fyrir pinnann svo hann haldist á
sínum stað. Það er auðveldast að
hella djús í mótin en það er líka
gott að setja ávexti í blandara,
hræra þá saman við smá djús og
hella í mótið.
Eftir fimm tíma í frystinum ættu
ljúffengu frostpinnarnir að vera
tilbúnir.
DÓT Á TOMBÓLU
Skemmtilegt góðverk
Sumarið er kjörinn tími til þess
að safna saman öllum leikföng-
um, fötum, spilum, bíómyndum,
geisladiskum og fleiru sem
maður er hættur að nota og
selja á tombólu.
Skemmtilegast er þegar vinir
selja dótið sitt saman. Þá er
meira af dóti til að selja og
maður er í góðum félagsskap
á meðan salan fer fram. Það er
líka söluhvetjandi að vera í hópi
með fleirum.
Bestu staðirnir til þess að selja
dót á tombólu eru þar sem
margt fólk kemur.
Ef veður er gott er að sjálfsögðu
best að vera utandyra. Þegar
sölunni er lokið er hægt að gefa
ágóðann til góðgerðarmála og
ef eitthvað dót verður eftir er
hægt að gefa það í Rauða kross-
inn eða til mæðrastyrksnefndar.
Ágætt er að ákveða áður en
salan hefst hverjum á að gefa
peningana sem safnast.